Mako 10:14 - Livulu lya Shukulu Kalunga

¹⁴ Oloni omo Yesu wacimwene, waluvalele wendekele kuli vandongisi vendi ngwendi, “Eceleni vanike vavandondo vaije kuli yange kesi muvavindike, omwo Vumwene vwa Njambi vunapu vwavo.

Mako 10:14 Iomraidhean Croise

Kushangumuka 17:7

“Njikakolesa cikumiiyo cange kuli yove na kuli vatekulwila vove ku visemwa vyavo vyoshe vya kulutwe. Cikapwa cikumiiyo cije kucesi kuhwa ca ku myaka yoshe, ngeci njikapwa Njambi yove, na Njambi ya vatekulwila vove.

Myaso 78:4

kutukavishwekela vana vetu embwe, oloni tukavileka ku cisemwa cije cikaija kulutwe, a nzili ya Shukulu Kalunga na vilinga vyendi vyakama, na vyuma vyakukomokesa vije vyanalingi.

Isaya 65:23

Vipangi vyavo kuvikai mwangoco, co vana vavo kuvakavindama. Njikavezikisa vana vavo amo na vatekulwila vavo simbu yoshe ya kulutwe.

Kulava 14:31

Yeni mwendekele ngweni vana veni vakavafungulula, oloni yange njikavatwala mu lifuti lije limwavyanene, co likelyo likapwa lifuti lyavo.

Mateo 18:10

“Kengeni ngeci kesi muyengule umo wa ava vavandondo. Omwo njimileka ngwange, simbu yoshe tungelo twavo vali mwilu ku mesho a Tate wa mwilu.

Mateo 18:4

Woshe alikeesa ngwe mwanike wamundondo, ikeye napu wakama mu Vumwene vwa mwilu kutuvakana vakwavo.

Mateo 19:14

Oloni Yesu wendekele navo ngwendi, “Eceleni vanike vavandondo vaije kuli yange, co kesi muvavindike, omwo Vumwene vwa mwilu vunapu vwavo.”

Mateo 5:10

“Vanavezika vaje vayandela vushunga, omwo Vumwene vwa mwilu vunapu vwavo!

Mateo 5:3

“Vanavezika vaka-kuutwa mu munzinzime, omwo Vumwene vwa mwilu vunapu vwavo!

Mako 3:5

Co Yesu waluvalele omo wavakengele, oloni a simbu ije vene wazivile manene vusiwa omwo vakevo, omwo vakaluwisile vimbunge vyavo. Asinoni wendekele kuli uje munalume ngwendi, “Olola livoko lyove.” Wolwele livoko lyendi, co lyakangukile.

Mako 8:33

Oloni Yesu watengulukile, co wakengele kuli vandongisi vendi, wendekele na Petulu ngwendi, “Tunda kuli yange ove Satana! Omwo viyongola vyove kesi vya Njambi, oloni vya vunu!”

Yowano 3:3

Yesu wamukumbulwile ngwendi, “Mwa vushunga njikuleka ngwange, naumo wai asa kumona Vumwene vwa Njambi kuvanga asemuke luvali.”

Yowano 3:5

Yesu wamumbulwile ngwendi, “Mwa vushunga njikuleka ngwange, naumo wai asa kukovela mu Vumwene vwa Njambi kuvanga asemuke ku mema na ku Munzinzime Wakujela.

Vilinga vya Miluwa 2:39

Omwo cikulaeso ca Njambi vacilingile kuli yeni na kuli vana veni, na kuli voshe vali kulyala, vaje voshe vanasana Shukulu Kalunga Njambi yetu vaije kuli ikeye.”

Vilinga vya Miluwa 3:25

Vikulaeso vya Njambi ali vaka-kwimanena vinapu vyeni, co muli na mutambela mu lizivasano lije lyalingile Njambi na vakukulwila veni. Ngwe mwendekele kuli Avilahama ngwendi, ‘Ku mbuto yove miyati yoshe ya ano asi vakavezika.’

Loma 11:16

Nga mbazuvwila yakulivanga ya likende vayana kuli Njambi, ngecivene, na mukasha woshe wamutunu unapu wendi lalo, nga mizi ya muti vaikombelela kuli Njambi, co na minango lalo inapu yendi.

Loma 11:28

Omwo vanavyana Vin̄anda Vyavivwa, vaYunda vanapu vitozi va Njambi omwo yeni kesi mu vaYunda. Oloni omwo kwangula kwa Njambi, vanapu vasamba vendi omwo ali vakukulwila vavo.

1 Kolinte 14:20

Vasamba vange, kesi mupwe ngwe mu vanike mu viyongola vyeni, pweni ngwe vanike mu vyuma vya vuvi, oloni pweni mu vakulunu mu viyongola vyeni.

1 Kolinte 7:14

Omwo uje munalume wakujeneka kukulaela vanamujelesa kuli Njambi akulikumbasana na munakazi wendi, na munakazi uje wakujeneka kukulaela vanamujelesa kuli Njambi akulikumbasana na munalume wendi muka-Yesu. Nga kucapwile ngacije, nga vana vavo vapwile ngwe vana va vaka-kujeneka kukulaela, oloni ololo vanapu vakujela.

Efeso 4:26

Nga muluvala, kesi mutave kuluvala kweni kumitwale ku vuvi, co kesi mutokese litangwa mukuluvala lika embwe.

Kwituluka mu Mashiko 4:37

Shukulu Kalunga wamyangwile nakukala akati keni, ngeci wamitundisile mu lifuti lya Ingito na nzili yendi yakama omwo wazemene vakukulwila veni.

2 Timateo 1:5

Njilinakwanuka kukulaela kwove kwa vushunga, kukulaela kwa kuje kuku yove Loisi na vanyako Yunisi vakele nakwo. Njakulaela ngwange nove lalo ulinakwo.

2 Timateo 3:15

co wazivuka ngwove tunde ku vwanike vwove, unazivuka Visoneka Vyakujela, vije vyasa kukwana mana mukukutwamenena kukwovoka kwakukulaela muli Kilistu Yesu.

Yoshwa 8:35

Mashiko oshe a Mosesa, Yoshwa waalavelele mbunga ya vaIsalele voshe amo na vanakazi, na vanike, na vaka-kwija vaje vakele akati kavo.

1 Petulu 2:2

Pweni ngwe vimbututu vanasemuka ololo, simbu yoshe kaleni na lihwila lya mavele akujela a munzinzime, ngecivene, akunwako mukakola nakwovokelao.

Kujombolola 14:5

Co mu tunwa twavo kumwatuukile makuli, kuvesi na mulonga.

1 Samwele 1:11

Co Hana walisingile cisingo ngwendi, “Yove Shukulu Kalunga Muka-nzili yoshe, kenga a tuyando twa ngamba yove! Njanuke kesi wivale ngamba yove! Nga unjana mwana wa munalume, co njikulaesa ngeci njikamukundika kuli yove mukuyoya kwendi kwoshe ngeci ikeye kakateula vin̄ambu vyendi.”

1 Samwele 1:22

Oloni a simbu ije Hana kaile. Walekele munalume wendi ngwendi, “Omo mwanike akashumuka, co njikamutwala ku Njuvo ya Shukulu Kalunga, ngeci akakaleko simbu yoshe yakuyoya kwendi.”