Mako 1:5 - Livulu lya Shukulu Kalunga

⁵ Co vanu vavangi vatundile ku lifuti lya Yundeya na ku nganda ya Yelusalema vezile kuli Yowano nakumutolilila. Valitavelele ku vuvi vwavo, co wavambwitikile mu Ndonga ya Yondau.

Mako 1:5 Iomraidhean Croise

Myaso 32:5

Njalitavelele vivi vyange kuli yove, co kunjakushwekelele vuvi vwange, njalyendekesele mu mbunge yange ngwange, “Njikalitavela vivulumuna vyange kuli yove Shukulu Kalunga,” co yove wanjisambesele ku milonga ya vuvi vwange.

Visimo 28:13

Uje ashweka vuvi vwendi kakavezika, oloni uje alitavelavwo nakuvuseza Njambi akamuzivila mema ku mbunge.

Mateo 4:25

Mbunga yamukavele vaje vatundile ku Ngalileya, na ku Vinganda Likumi, na ku Yelusalema, na ku Yundeya, na ku lifuti lya musambwa ya Ndonga ya Yondau.

Mako 1:4

Ngecivene, Yowano washolokele mu mambo, wakele nakumbwitika vanu nakwambulula ngwendi, “Tengulukeni ku vivi vyeni ngeci vamimbwitike, co Njambi akamisambesa ku vivi vweni.”

Mako 1:6

Yowano wazalele vuzalo vwa maaka a kamelo, na mwiva wa cipapa mu mbunda yendi, co walile vimbimba mikumbi na vuki.

Yowano 1:28

Vyoshe evi vyalingiwile mu Mbetaniya, mu ngangela ya Ndonga ya Yondau, kuje kwakele nakumbatizila Yowano.

Yowano 3:23

Yowano lalo wakele nakumbwitika mu Aenone kuyehi na Salime, omwo kwakele mema amangi. Co vanu vakele nakuya kuli ikeye, co wavambwitikile.

Yowano 5:35

Yowano wapwile ngwe ndeya, washukumine nakutwa ceke, co mwavwaelelele kasimbu lika mu ceke cendi.

Vilinga vya Miluwa 19:18

Co vaka-kukulaela vavangi vezile, valitavelele ku mesho a vanu, co vambulwile vije vivalingile.

Vilinga vya Miluwa 2:38

Co Petulu wendekele kuli vakevo ngwendi, “Munu na munu napande kutenguluka ku vivi vyendi nakumumbwitika mu lizina lya Yesu Kilistu, ngecivene, amisambese ku vivi vyeni, co mukatambula vwana vwa Njambi, Munzinzime Wakujela.

Yakomba 5:16

Ngecivene, litaveleni vivi vyeni kuli umo na mukwavo, co lilombeleleni umo na mukwavo, ngeci vamikangwise. Lilombelo lya munu muka-vushunga lili na nzili manene mukupanga.

Yoshwa 7:19

Asinoni Yoshwa wendekele kuli ikeye ngwendi, “Munange, endeka vushunga ku mesho a Shukulu Kalunga Njambi ya Isalele, co litavele. Njileke evi viwunalingi. Kesi unjishwekelevyo.”