Mako 1:39 - Livulu lya Shukulu Kalunga

³⁹ Ngecivene, wetile mu Ngalileya mwoshe, wambulwile mu masinangonge nakutundisa minzinzime yakujwala.

Mako 1:39 Iomraidhean Croise

Mateo 4:23

Yesu wendanganene mu Ngalileya mwoshe, nakulongesa mu masinangonge avo, nakwambulula Vin̄anda Vyavivwa vya Vumwene nakukangwisa vanu voshe vaka-mishongo yoshe na vaka-kuvinja vakuliseza-seza.

Mateo 9:35

Co Yesu waitanganene mwaya membo akama na mu tumembo twatundondo. Walongesele mu masinangonge avo, wambulwile Vin̄anda Vyavivwa vya Vumwene vwa Njambi, co nakukangwisa vaka-mishongo na vaka-kuvinja vakuliseza-seza.

Mako 1:21

Co Yesu na vandongisi vendi vezile mu nganda ya Kapenauma, co a Litangwa Lyakuhwima Yesu wakovelele mu sinangonge washangumukile kulongesa.

Mako 1:23

Aje vene munalume umo wakele na munzinzime wakujwala wakovelele mu sinangonge watambekele ngwendi,

Mako 1:38

Oloni Yesu wavakumbulwile ngwendi, “Tunapande kuya kulutwe ku membo akwavo akwatako. Njinapande kwambulula kuli vakevo lalo, omwo evi vikevyo vinjezilile.”

Mako 3:1

Asinoni Yesu welukile lalo ku sinangonge, co kuje kwakele munalume umo wakusekwa livoko.

Mako 6:6

Co walikomokelele, omwo vanu kuvakulaelele. Asinoni Yesu waile ku membo akwatako, walongesele vanu.

Mako 7:30

Co welukile kwimbo, co wakawanene mwanike nalala a vulili, uje munzinzime wakujwala watundile muli munendi.

Luka 4:41

Na minzinzime yakujwala lalo yatundile muli vanu vavangi, co yatambekele ngwayo, “Yove unapu u Muna Njambi!” Yesu washikile minzinzime yakujwala ngeci kesi yendeke cuma cimo, omwo ikeyo yamuzivukile ngwayo ikeye Wakuvwavesa.