Mako 1:34 - Livulu lya Shukulu Kalunga

³⁴ Co Yesu wakangwisile vavangi vaje vakele nakuvinja mishongo yakuliseza-seza, co watundisile lalo minzinzime yakujwala yaingi. Co katavele minzinzime yakujwala yendeke cuma cimo, omwo ikeyo yamuzivukile.

Mako 1:34 Iomraidhean Croise

Mateo 4:23

Yesu wendanganene mu Ngalileya mwoshe, nakulongesa mu masinangonge avo, nakwambulula Vin̄anda Vyavivwa vya Vumwene nakukangwisa vanu voshe vaka-mishongo yoshe na vaka-kuvinja vakuliseza-seza.

Mateo 4:24

Lutsimo lwendi lwetele na ku lifuti lyoshe lya Silya, co vamunenelele vaje voshe vakele nakuvinja, vakele na mishongo yakuliseza-seza yoshe na mishongo yeka, na vaje vayandele manene na minzinzime yakujwala, na vaka-kushinya, na vaka-kayekele, co Yesu wavakangwisile voshe.

Mako 1:25

Asinoni Yesu washikile uje munzinzime ngwendi, “Oloka kuluu, co tunda muli munu ou!”

Mako 3:12

Co Yesu wasin̄ikile manene minzinzime yakujwala kesi valeke munu umo ngeci ikeye napu iya.

Luka 4:41

Na minzinzime yakujwala lalo yatundile muli vanu vavangi, co yatambekele ngwayo, “Yove unapu u Muna Njambi!” Yesu washikile minzinzime yakujwala ngeci kesi yendeke cuma cimo, omwo ikeyo yamuzivukile ngwayo ikeye Wakuvwavesa.