Mako 1:27 - Livulu lya Shukulu Kalunga

²⁷ Co vanu voshe valikomokelele manene vashangumukile kulyendekesa umo na mukwavo ngwavo, “Vika evi? Oku kunapu kulongesa kwakuhwa ndi? Munu ou ali na moko yakushika minzinzime yakujwala, co ikeyo imwononoka!”

Mako 1:27 Iomraidhean Croise

Mateo 15:31

Ngecivene, vije vimbunga valikomokelele omwo vamwene tuveveve valinakwendeka, na vaka-kusekwa mendi na mavoko valimwamuvwa, na vilema valinakwenda, co na tupuputwa vamona, co valemesele Njambi wa Isalele.

Mateo 8:9

Omwo nange njili mwisi ya moko ya vamyata vange, co njili na mashwalale vakanjononoka. Njishika umo ngwange, ‘Ya!’ Co aya, co njishika mukwavo lalo ngwange, ‘Ija!’ Co aija, co lalo njikashiki ndungo yange ngwange, ‘Linga eci!’ Co acilinga.”

Mateo 9:33

Oloni omo Yesu watundisile uje munzinzime wakujwala, uje munalume wendekele, co vanu voshe vakomokele vendekele ngwavo, “Yetu kanda tumone cuma cakufwa ngacije mu Isalele!”

Mako 1:26

Co uje munzinzime wakujwala wapindisile uje munalume manene, watambekele manene, co watundile muli ikeye.

Mako 1:28

Co aje vene lutsimo lwa Yesu lwashandokelele mu lifuti lya Ngalileya mwoshe.

Mako 10:24

Co vandongisi valikomokelele ku majwi awa, oloni Yesu wendekele lalo ngwendi, “Vana vange, cinapu cacikalu kukovela mu Vumwene vwa Njambi!

Mako 10:32

Co Yesu na vandongisi vendi vakele nakulamata mu ngila yakuya ku Yelusalema. Co Yesu watwamene kulutwe lwa vandongisi vendi, co valikomokelele, co vanu vaje vamukavele munima yavo vazivile lyova. Co Yesu lalo watwalele vandongisi vendi likumi na vavali kwavo lika wavalekele vyuma vije vikalingiwa kuli ikeye.

Mako 16:5

Ngecivene, vakovelele mu mbumbo, vamwene munalume natumbama ku cilyo, nazala cikoveyo cacilaja cakutoka, co valikomokelele manene.

Mako 16:6

Co wendekele navo ngwendi, “Kesi mulikomokele, njazivuka ngeci mushakezeka Yesu wa ku Nazaleta, uje ivashukikile a cilindakano. Nasanguka, waimo muno! Kengeni, omu mukemwo mu mwela muvamulangekele.

Mako 7:37

Co voshe vaje vavizivile valikomokelele ngwavo, “Alinakulinga vyoshe mwamuvwa! Nameme tusinda-matwi vaziva na tuveveve vendeka!”

Luka 4:36

Vanu voshe valikomokelele manene vashangumukile kulyendekesa umo na mukwavo ngwavo, “Majwi muka awa? Munu ou ali na moko yakushika minzinzime yakujwala, co ilinakutunda!”

Luka 9:1

Yesu wasanene vandongisi likumi na vavali vaije kuli ikeye, co wavanene nzili na moko yakutundisa minzinzime yakujwala yoshe nakukangwisa mishongo.

Vilinga vya Miluwa 17:19

Ngecivene, vatwalele Paulu ku munga ya mu nganda ya Alepangase, co vendekele ngwavo, “Tushaka kuzivuka eci cuma caciha ciwulinakulongesa.