Mako 1:24 - Livulu lya Shukulu Kalunga

²⁴ “Ushaka kulinga vika netu, yove Yesu wa ku Nazaleta? Kuma unaija kuno nakutunyongesa ndi? Njakuzivuka, yove wapwa u muluwa wakujela wa Njambi!”

Mako 1:24 Iomraidhean Croise

Myaso 16:10

omwo kuukanjiseze mu vukalo vwa vatsi, nameme kutava muka-kujela wove ngeci akanyonge.

Kutuuka 14:12

Kuma kutwakulekele omo te kanda twije ngwetu eci cikalingiwa? Twakulekele ngwetu twecele tupwe vinzinda va vaka-Ingito. Mwamuvwa kupwa vinzinda kutuvakana kutsila muno mu mambo.”

Ndanyele 9:24

“Visimbu vitanu na vivali vya myaka makumi atanu na avali inapu simbu yanemika Njambi yakupatula vanu vove na nganda yove yakujela ku vuvi na ku kupenga-penga. Ngecivene, vuvi vakavusambesa, co vushunga vukakala ku myaka yoshe, co cimona na vuka-kwimanena vikapwa vya vushunga, na Njuvo ya Shukulu Kalunga yakujela vakayikundika lalo.

Mateo 2:23

Co wakele mu limbo livatumbwile ngwavo Nazaleta, ngeci vilingiwe vije vyendekele muka-kwimanena ngwendi, “Vakamutumbula muka-Nazaleta.”

Mateo 8:29

Co vwasi-vwasi vatambekele ngwavo, “Ushaka kulinga vika netu ove Muna Njambi? Unaija nakutunyanyamesa omo simbu yetu kanda icete ndi?”

Mako 1:23

Aje vene munalume umo wakele na munzinzime wakujwala wakovelele mu sinangonge watambekele ngwendi,

Mako 1:25

Asinoni Yesu washikile uje munzinzime ngwendi, “Oloka kuluu, co tunda muli munu ou!”

Mako 10:47

Omo wazivile Yesu wa ku Nazaleta, washangumukile kutambeka ngwendi, “Yesu! Muna Ndaviti! Njizivileko mema ku mbunge!”

Mako 14:67

Omo wamwene Petulu alinakwota tuhya, wamukengele shwii, co wendekele kuli ikeye ngwendi, “Nove lalo wakele amo na Yesu waku Nazaleta.”

Mako 16:6

Co wendekele navo ngwendi, “Kesi mulikomokele, njazivuka ngeci mushakezeka Yesu wa ku Nazaleta, uje ivashukikile a cilindakano. Nasanguka, waimo muno! Kengeni, omu mukemwo mu mwela muvamulangekele.

Mako 5:7

co wakangokele na lijwi lyakama ngwendi, “Vika ushaka kulinga nange ove Yesu, Muna Njambi wa Akamwa ya Vyoshe? Omwo a lizina lya Njambi, njikulomba ngwange, kesi unjihise embwe!” (

Luka 1:35

Co kangelo wamukumbulwile ngwendi, “Munzinzime Wakujela akaija ali yove, na nzili ya Njambi ikakufwika. Ngecivene, uje wakujela iwukakita vakamutumbula Muna Njambi.

Luka 24:19

Co wavehwile ngwendi, “Vyuma muka?” Vamukumbulwile ngwavo, “Vya ali Yesu wa ku Nazaleta. Munalume ou wapwile muka-kwimanena, co Njambi na vanu voshe vamuyongwele kupwa muka-nzili mu vyuma vyoshe wendekele na vije vyalingile.

Luka 4:34

“Yove Yesu wa ku Nazaleta, ushaka kulinga vika netu? Kuma unaija kuno nakutunyongesa ndi? Njakuzivuka, yove wapwa u muluwa wakujela wa Njambi!”

Luka 8:28

Omo wamwene Yesu, co walilile manene, wawililile ku myanja ya Yesu, co watambekele ngwendi, “Yesu, Muna Njambi wa Akamwa ya Vyoshe! Vika ushaka kulinga nange? Njilinakukulomba ngwange, kesi unjihise embwe!”

Luka 8:37

Asinoni vanu voshe va ku mutambela uje valombele Yesu atunde mu lifuti lyavo, omwo vazivile lyova lyakama. Co Yesu wakovelele mu vwato wavasezele.

Yowano 6:69

Co tunakulaela nakuzivuka ngwetu yove Wakujela uje watunda kuli Njambi.”

Vilinga vya Miluwa 2:27

omwo kuukanjiseze mu vukalo vwa vatsi, nameme kutava muka-kujela wove ngeci avolele mu mbumbo.

Vilinga vya Miluwa 24:5

Omwo twawana ou munalume kupwa muka-muuka, washangumukile kulinga mpindangano akati ka vaYunda mu kaye koshe, co ikeye lalo ntwama ya munga ya vaNazalite.

Vilinga vya Miluwa 3:14

Oloni wapwile wakujela, wa vushunga, oloni mwamuvyanene, mwalombele Pilato amyecelele uje lipwepwe.

Vilinga vya Miluwa 4:27

“Omwo mwa vushunga vene Helonde na Pontiyu Pilato valikungulwile amo mu nganda ino amo na ava kesi vaYunda na vanu va Isalele nakulwisa Yesu, Ngamba yove wakujela uje iwavwavesele.

Yakomba 2:19

Unakulaela ngwove kwali Njambi umolika ndi? Mwamuvwa! Na minzinzime yakujwala lalo inakulaela, co ikajaja na lyova.

1 Yowano 2:20

Oloni Kilistu netila laja Munzinzime Wakujela ali yeni, ngecivene, yeni voshe munazivuka vushunga.

Kujombolola 3:7

“Kuli kangelo wa ku cikungulukilo ca mu Filandelufiya soneka ngwove, “Eli likelyo lijwi lyatundu kuli umo uje wakujela na vushunga. Nakwata sapi ije yakundamene kuli Ndaviti, co omo ashokolola lipito, naumo wai asa kulishoka, co omo alishoka, naumo wai asa kulishokolola.