Mako 1:15 - Livulu lya Shukulu Kalunga

¹⁵ Wendekele ngwendi, “Simbu yaivwa ineete, co Vumwene vwa Njambi vuli muyehi! Tengulukeni mu vimbunge vyeni ngeci mutunde ku vuvi, co kulaeleni ku Vin̄anda Vyavivwa!”

Mako 1:15 Iomraidhean Croise

Ndanyele 2:44

A simbu ya vaka-kushwana vaje, Njambi wa mwilu akaka vumwene vuje kuvukahu. Naumo wai akavafungulula, co vukanyongesa vumwene vwoshe, oloni vukevwo vukakala myaka yoshe.

Ndanyele 9:25

Zivuka eci nakucizivisisa. Kutunda a simbu vaanene lishiko lyakutungulula Yelusalema, noo ntwama uje wakwangula kuli Njambi naija, kukaita visimbu vitanu na vivali vya myaka itanu na ivali. Yelusalema vakaitungulula na vitapalo na vimpaka vyakukola, co ikakalako visimbu vitanu na vivali vya myaka makumi atanu na limo na myaka ivali, oloni ikapwa simbu ya tuyando.

Mateo 10:7

Co yeni mukambulule ngweni, ‘Vumwene vwa mwilu vuli muyehi!’

Mateo 3:2

“Tengulukeni ku vivi vyeni, omwo Vumwene vwa mwilu vuli muyehi!”

Mateo 4:17

Kutunda a simbu ije Yesu washangumukile kwambulula ngwendi, “Tengulukeni mu vimbunge vyeni ngeci mutunde ku vuvi, omwo Vumwene vwa mwilu vuli muyehi.”

Luka 10:11

‘Likungu lya nganda yeni lije lili ku myanja yetu tuli nakumitotomwenalyo. Oloni anukeni ngweni Vumwene vwa Njambi vunaija kuyehi neni!’

Luka 10:9

kangwiseni vaje vaka-kuvinja valimo, endekeni kuli vanu vaje valimo ngweni, ‘Vumwene vwa Njambi vunaija kuyehi neni.’

Luka 24:47

ngeci kutenguluka nakusambesa kwa vivi vakavyambulule mu lizina lyendi ku mafuti oshe, kushangumukila mu Yelusalema.

Vilinga vya Miluwa 20:21

Kuli vaYunda na kuli vaje kesi vaYunda voshe njavanangwile ngeci vatenguluke ku vivi vyavo nakwija kuli Njambi nakukulaela kuli Mwene yetu Yesu.

Loma 16:26

Oloni nameme ngoco ololo vushunga vuje vanavusholola mutanya mwelu mu visoneka vya vaka-kwimanena, nakushika kwa Njambi wa myaka yoshe vanavusholola ku miyati yoshe, ngeci voshe vakulaele nakwononoka.

Ngalatiya 4:4

Oloni omo simbu yaivwa yetele, Njambi watumine Munendi, wakusemuka ku munakazi, wakusemuka ku majwi a Lishiko,

Efeso 1:10

Vutumbe ovu, vuje Njambi akavumanesa omo simbu inapumo, vukakungulwila vyakutanga vyoshe amolika, vyuma vyoshe vya mwilu nevi vya asi, Kilistu akapwa mutwe wavyo.

1 Timateo 2:6

uje walyanene ikeye vavenya kupwa ndando yakupatula vanu voshe. Vuje vwapwile vukaleo a simbu yaivwa ngeci Njambi washakele vanu voshe vovoke,

Tito 1:3

co wausholwele a simbu yaivwa mu lijwi lyendi. Eci vanjikundikileco yange, co njicambulula akushika kwa Njambi Muyosesi wetu.