Maako 9:15 - Livulu lya Shukulu Kalunga

¹⁵ Co muti wa mambimbo wakumbulwile ngwawo, ‘Nga yeni mwa vushunga mushaka yange njipwe nji mwene yeni, ijeni oni mwakuhwimine mu munzinze wange. Nga sheni, co tuhya twa milangi tukatuuka ku minango ya mambimbo ange nakwenyeka miti ya Kendale ya ku Lembanone.’ ”

Maako 9:15 Iomraidhean Croise

2 Vimyene 14:9

Oloni Mwene Yehowashe wamukumbulwile ngwendi, “A simbu imo muti wa mambimbo uje wakele a Minkinda ya Lembanone, watumine lijwi ku muti wa kendale ngwawo, ‘Tava munove ngeci amwambate munange.’ Co kwezile kasitu wakulyatangelele uje muti wa mambimbo.

Myaso 104:16

Miti ya Shukulu Kalunga inyokela nyonzi yaingi, miti ya kendale ya ku Lembanone ije yakunine.

Myaso 29:5

Lijwi lya Shukulu Kalunga lipokozola miti ya kendale, nameme miti ya kendale ya ku Lembanone.

Isaya 1:31

Ngwe vulimu vwenya na tuhya twa vishashe, ngecivene, vantwama vove vaka-nzili vilinga vyavo vya vuvi vikavanyongesa, co naumo wai akavakwasa omo vanyonga.

Isaya 2:13

Akanyongesa miti yailaja ya kendale ya ku Lembanone, na miti yoshe ya oke ya mu lifuti lya Mbashane.

Isaya 30:2

Vakai ku Ingito mukulomba vukwasi kujeneka kwihula kunangula kwange. Vashaka Ingito ivanyunge, co vaaka kukulaela kwavo muli mwene wa Ingito.

Isaya 37:24

Yove watumine miluwa vove nakulishasha kuli yange ngwove na matemba ove oshe, wafungulwile minkinda yailaja ya Lembanone. Walishashele ngeci yove washinjile miti yailaja ya kendale, na miti yaivwa ya sipelese, co ngwove waketele ku vishwata vyakuzika manene.

Mbimbi 4:20

Co vafungulwile nsina yakuyoya kwetu, ikeyo mwene uje yaangwile Shukulu Kalunga, uje itwakulaelele ngwetu akatunyunga kuli voshe vatukovelela nakutulwisa.

Ezekiyele 19:14

Nsina ya mukolovozi wa vushuka vwa vinyu washwamene tuhya, co tuhya twenyekele minango yawo na vushuka. Co ije minango kuyikakolo lalo, nakupwa milamu ya vaka-kushwana embwe. Ou ukewo mwaso wa vusiwa, vakele nakuwimba-imba kushwakumo.

Ezekiyele 31:3

Yove unalifu ngwe muti wa kendale wa ku Lembanone, uli na minango na munzinze wauvwa. Muti waulaja manene unete na ku mashelwa.

Ndanyele 4:12

Maputa awo apwile amavwa, co wemine vushuka vwavungi vuje vwapwilemo mukuvulya kuli munu woshe wa ano asi. Tusitu vahwiminine mu munzinze wawo, co tuzila vatungilile mashwa avo ku minango yawo, co cuma coshe cakuyoya ca ano asi calile ku vushuka vwawo.

Hoziya 14:7

Vakakala kuli yange mu kwoloka. Co vakakola ngwe vimbuto, nakutuma manene ngwe mukolovozi wa vushuka vwa vinyu. Co vakapwa vaka-lutsimo ngwe vinyu vya ku Lembanone.

Kulava 21:28

Omwo ku simbu imo, muno vene mu nganda ya Heshevone, nzita ya Sihone yakatukile ngwe tuhya. Yanyongesele nganda ya Ale mu Mowavi, co vafungulwile vamyata va ku malundu a ku Ndonga ya Alenone.

Mateo 13:32

Kakeko kapwa kakandondo manene akati ka vimbuto vyoshe vikwavo, oloni omo kakola kapwa muti wakama kutuvakana miti yoshe. Ngecivene, tuzila vaija nakutungila mashwa avo ku minango yawo.”

Maako 9:14

Ngecivene, miti yoshe yendekele ku muti wa mambimbo wa mu shwata ngwayo, ‘Ija upwe mwene yetu.’

Maako 9:16

Asinoni Yotame watwaleleo ngwendi, “Kuma yeni mwapwile mu vaka-vushunga na kasingimiko omo mwapwisile Avimeleke mwene ndi? Kuma yeni mwasingimika vyendeka vya Ngilyone nakulinga mwamuvwa na naanga yendi, ngwe ku vilinga vyendi vyalingile kuli yeni ndi?

Maako 9:20

Oloni nga kesi ngoco, co tuhya tukatunde kuli Avimeleke, tukenyeke vanu va ku Shekeme, na ku Mbetemilo. Co tuhya tukatunde ku vanu va ku Shekeme, na ku Mbetemilo tukenyeke Avimeleke.”

Maako 9:44

Avimeleke na munga yendi vavandamenene ku cikolo ca nganda, co vije vimunga vikwavo vivali vyalwisile vaje vanu vakele mu mahya nakuvatsiya voshe.

Maako 9:49

Ngecivene, munu na munu wavatwile munango wa muti, co vakavele Avimeleke, valundikile ije minango akamwa ya cije cimpaka. Co vashwamekeleo tuhya, vanu voshe vakele muje mu cimpaka vatsilililemo, vapwile 1,000 vanalume na vanakazi.