Maako 8:24 - Livulu lya Shukulu Kalunga

²⁴ Oloni ikeye wendekele ngwendi, “Njimilomba ngeci munu na munu anjane vimbilingwa vije mwapukwile kuli vaMindyani.” (Capwile cilika ca vaMindyani kuzala vimbilingwa vya ngolinde ku matwi avo, omwo vapwile vaIshimaele vanu va mu mambo.)

Maako 8:24 Iomraidhean Croise

Kushangumuka 24:22

Omo Lembeka wamanesele kunwisa tumelo, co uje munalume wanonele kanzeya ka ngolinde ka ndando yakama wakaakele mu majulu a Lembeka, co wamwakele lalo makayi avali akama a ngolinde ku mavoko endi.

Kushangumuka 24:53

Asinoni wanonele vyuma vyakuzala vya senga vya siliva, na ngolinde, na vuzalo, wavyanene kuli Lembeka. Co waanene lalo vwana vwa ndando yakama manene kuli ndolome yendi na kuli vaina.

Kushangumuka 25:12

Ava vakevo vatekulwila va Ishimela, muna Avilahama uje yakitile na Hangale kaIngito ndungo ya Sala.

Kushangumuka 25:13

Ishimela wakele na vana va vanalume mazina avo, Nembayote, na Kendale, na Andembele, na Mimbesamu,

Kushangumuka 35:4

Ngecivene, vaanene kuli Yakomba vinjambi voshe vaje vapwile vavavenya lifuti vavakele navo, na vimbilingwa vya ku matwi vije vivazalele. Co Yakomba wavishitikile mwisi ya muti wa oke wakuhwimina muyehi na Shekeme.

Kushangumuka 37:25

Omo vatumbamene nakulya, vandwile mesho avo, co vamwene cendo ca vaIshimaela valinakwita vatunda ku Ngilyande vaya ku Ingito na tumelo twavo, vambatele vyemba vyakunika lwengo na kenya.

Kushangumuka 37:28

ngecivene, omo vaMindyani vamo vaka-kulandesa vetile, vandolome vendi vamusosele kumutundisa mu mbulu, co vamulandesele kuli vaIshimaela na mavundungulu a siliva makumi avali, co vamutwalele ku Ingito.

1 Vimyene 20:11

Mwene Ahave wakumbulwile ngwendi, “Lekeni Mwene Mbenehandande ngweni lishwalale wamuvwa akalishasha omo nzita inahu, kesi omo kanda ihwe embwe.”

Kutuuka 12:35

Co vaIsalele valingile ngwe mwavalekele Mosesa, valombele vaka-Ingito vyakuzala vya senga vya ngolinde na siliva na vuzalo lalo.

Kutuuka 32:3

Ngecivene, vanu voshe vatundisile vimbilingwa vya ngolinde vije vazalele ku matwi avo, co vavitwalele kuli Alone.

Kutuuka 32:4

Alone wanonele vimbilingwa, wavinyongolwele, wetilile ngolinde mu cimungilo, co wamungileo muna ngombe wa nkomba. Co vanu vendekele ngwavo, “Eni vaIsalele, ou ikeye njambi yeni, uje wamitwamenenene nakumitundisa mu lifuti lya Ingito!”

Kutuuka 32:8

Lajoko vanaseza ngila ije njavashikile kuyikava, vakevo vanamungu ngolinde kuyipwisa muna ngombe wa nkomba, co ikeye valinakulemesa nakukombelelako vin̄ombelo. Co valinakwendeka ngwavo ikeye njambi yavo, uje wavatwamenenene nakuvatundisa mu Ingito.

Ezekiyele 7:20

Valyalesele na vuvwa vwa mamanya avo a seo, oloni vavipangesele mukulinga tumponya twa vunyengwe. Omu mukemwo Shukulu Kalunga walingisile vufuko vwavo kupwa vunyengwe kuli vakevo.

Maako 8:25

Co vanu vamukumbulwile ngwavo, “Mukemwo vene tujolela akukwanavyo.” Co vajangumwine nanga, munu na munu waakeleo vimbilingwa vije wakapukwile.

1 Samwele 25:11

Kunjasa kwambata makende ange, na mema ange, na situ injinatsiila vaka-kuteula vimanga vange, njivane kuli vaje kunjizivuka noku vatunda!”