Maako 7:4 - Livulu lya Shukulu Kalunga

⁴ Oloni Shukulu Kalunga wendekele kuli Ngilyone ngwendi, “Anga ucili na vanu vavangi manene. Vashelumwise ku ndonga, co yange njikakwangunwinavo kuje. Nga yange njikuleka ngwange munu ou napande kuya nove, co aye. Nga njikuleka ngwange munu ou kesi aye nove, co kesi aye nove embwe.”

Maako 7:4 Iomraidhean Croise

Kushangumuka 22:1

Munima ya vyuma evi, Njambi wesekele Avilahama. Wamusanene ngwendi, “Avilahama!” Co Avilahama wamukumbulwile ngwendi, “Ewa, yange uno Shukulu!”

Yombi 23:10

Oloni Njambi azivuka ngila ije injilinakwenda, omo anjeseka, co njikatundamo ngwe ngolinde yakujela.

Myaso 33:16

Mwene kesi kuhyana omwo nzili ya mashwalale vendi, co lishwalale kesi kuhyana omo nzili yendi embwe.

Myaso 66:10

Unatwilula yove Njambi, co unatweseka ngwe muvakeseka siliva mu tuhya.

Myaso 7:9

Yove u Njambi wa vushunga, wilula viyongola vyetu na vizango vyetu. Vindika vilinga vya vanu vya kupenga-penga, oloni nyunga voshe vaka-kukwononoka.

Maako 7:5

Ngecivene, Ngilyone washelumwisile vanu ku ndonga, co Shukulu Kalunga wamulekele ngwendi, “Angununa munu na munu uje akacula mema na ndaka yendi ngwe katali, kuli munu na munu woshe uje akulama a mavuli endi mukunwa mema.”

1 Samwele 14:6

Yonatana wendekele kuli uje mukwenje wambatele vitwa vyendi vya nzita ngwendi, “Tujavuke tuye musambwa mu cilombo ca vaFilisitiya vaje vaka- kuli kukulaela Shukulu Kalunga. Amo Shukulu Kalunga akatukwasa, omwo kukwesi vimuvindika kutuhyanesa, nambe tunapu tuvavandondo lika.”

1 Samwele 16:7

Oloni Shukulu Kalunga wendekele kuli Samwele ngwendi, “Kesi ukenge ku vuvwa vwendi, nambe kukutunuka kwendi embwe, Yange njinamuvyana, omwo yange kunjimono ngwe muvakamono vanu embwe. Omwo munu akakenge cifwa ca anja, oloni yange njikamono mu mbunge.”