Maako 7:22 - Livulu lya Shukulu Kalunga

²² Omo vanu va Ngilyone vakele nakwimba malupembo avo, co Shukulu Kalunga walingisile vitozi va nzita kulilwisa vakevo vavenya na mikwale yavo. Co vatewelele ku Zaletane kweta na ku Mbete Shita, na ku nginga ya Avele Mehola kuyehi na Tavate.

Maako 7:22 Iomraidhean Croise

1 Vimyene 19:16

vwavesa mazi Yehu muna Nimeshi apwe mwene wa Isalele, co vwavesa mazi Elisha muna Shafete wa ku Avele Mehola akwinge apwe muka-kwimanena.

1 Vimyene 4:12

Mbana muna Ahilunde, ku vinganda vya Taanake, na Mengindo, na lifuti lyoshe lya kuyehi na Mbete Sheane, kuyehi na limbo lya Zaletane, mu mbwela ya limbo lya Njezelele, noo kweta ku nganda ya Avele Mehola na nganda ya Njokemeame.

2 Mizimbu 20:23

VaAmoni na vaMowavi valwisile vaEndome nakuvanyongesa njwa, co valitengulukilile vakevo vavenya nakulilwisa.

Myaso 83:9

Linga navo ngwe muwalingile kuli va Mindyani, na Sisela na Njavine ku Ndonga ya Kishone.

Isaya 19:2

Shukulu Kalunga endeka ngwendi, “Njikashangumuna nzita mu Ingito, co vakalitengulukile nakulilwisa ndolome na ndolome, mundambo na mundambo. Nganda na nganda ikalilwisa imo na ikwavo, co vumwene vukalilwisa na vukwavo.

Isaya 9:3

Yove Shukulu Kalunga unatumisa muyati wavo, vanavwaelela ku mesho ove ngwe muvakavwaelela vaka-kupanga omo vateja vimbuto, nambe ngwe muvakavwaelela mashwalale omo valipangela vufuko vwakupukula.

Isaya 9:4

Omwo unapokola mandauluwa ya vaje vayandesele nakupakesa vanu vove, unafungulula muyati uje wayandesele nakulinga mwamuvi vanu vove ngwe muwafungulwile mashwalale va Mindyani laja.

Ezekiyele 38:21

Njikazivisa lyova Ngonge na tuyando twatukalu. Munjinendeka yange Kalunga wa Akamwa ya Vyoshe. Vanu vendi vakalitengulukila umo na mukwavo nakulilwisa vakevo vavenya na mikwale yavo.

Hambakuke 3:14

Mikili yove yativile muka-kushika mbunga ya mashwalale vendi, omo vezile ngwe lihunzi mukutushandola, valisambele ngwe muvakalisamba vaje vakayandesa tuutu mu vushweke.

Hangai 2:22

nakutundisa vumwene nakushika kwavwo. Njikafulumika matemba na vaka-kuwendesa, tuvalu vakatsa, co vaka-kulondao vakalitsiya umo na mukwavo.

Zakaliya 14:13

A simbu ije Shukulu Kalunga akavaiya-yiisa na lyova ngeci munu na munu akakwata munu uje yakalyata nendi nakumulwisa.

2 Kolinte 4:7

Oloni yetu tuli na vufuko ovu tunapu ngwe vindeo vya vuma mukumwesa ngeci nzili yakushemutuka ikeyo yapwa ya Njambi, kesi yetu embwe.

Yoshwa 3:16

co mema aje atundile ku cava emanene mutumbo ku mutambela umo, ku Andama, nganda ije ili kuyehi na Zalatane. Mema aje ayile ku shango ku Lishali lya Kutsa omine cau, co vanu vajavukilile kuyehi na Yeliko.

Yoshwa 6:16

Co omo vazengulukile nganda simbu yamucitanu na vivali, vaka-kukombelela vembile malupembo, co Yoshwa washikile vanu ngwendi, “Tambekeni, omwo Shukulu Kalunga namyana nganda!

Yoshwa 6:20

Ngecivene, vaka-kukombelela vembile malupembo, co vanu vatambekelele. Vwasi-vwasi omo vanu vazivile kwoya kwa malupembo, co vatambekelele manene, ngeci civumbe calundumukile. Co lishwalale na lishwalale woshe wakovelele mu nganda aje ashungamene nakuyifungulula.

Yoshwa 6:4

Co vaka-kukombelela vatanu na vavali vakambata malupembo a vimbinga vya majamba a vimanga atanu na avali, vakatwame kulutwe lwa Cikasa ca Cikumiiyo. Co a litangwa lyamucitanu na avali yove na mashwalale vove mukazenguluka nganda visimbu vitanu na vivali oku vaka-kukombelela valinakwimba malupembo.

1 Samwele 18:19

Oloni omo simbu yetele ngeci Melambe ashomboke kuli Ndaviti, co Saulu washombwesele Melambe kuli munalume weka lizina lyendi Andelyele wa ku Mehola.