Maako 7:2 - Livulu lya Shukulu Kalunga

² Co Shukulu Kalunga wendekele kuli Ngilyone ngwendi, “Ava vanu uli navo vanapu vavangi manene kuli yange ngeci njivane nzili yakufungulula vaMindyani, kutewa vaIsalele vakalyalesa ngwavo vakevo vavenya vanalyamena.

Maako 7:2 Iomraidhean Croise

Kushangumuka 46:2

Njambi wendekele nendi ku vutsiki mu cimona wamusanene ngwendi, “Yakomba, Yakomba!” Co wakumbulwile ngwendi, “Ewa, yange uno Shukulu.”

2 Mizimbu 14:11

Ngecivene, Asa walombelele kuli Shukulu Kalunga Njambi yendi ngwendi, “Yove Shukulu Kalunga, kukwesi weka asa kukwasa vaka-kuzeya omo valwa na vaka-nzili kuvanga yove lika. Tukwase ololo, Shukulu Kalunga Njambi yetu, omwo yetu twajendamena ali yove, co mu lizina lyove tunaija nakulwa na mashwalale ava vavangi manene. Shukulu Kalunga, yove unapu u Njambi yetu, naumo wai asa kukuhyana.”

Isaya 10:13

Mwene wa Asilya alinakulishasha ngwendi, “Vyoshe evi njavilingi ange lika. Njili na nzili na mana nakunyanyama. Njinazimangana vinginga akati ka miyati, co njinambata vufuko vuje vatulikile. Ngwe ngombe wa nkomba, njalyatangela vanu vaje vakele muje.

Isaya 2:11

A litangwa lije vaka-kulyalesa vakaziva shwamwa, co vaka-vukama vakavakeesa. Asinoni vakashangazala lika Shukulu Kalunga.

Isaya 2:17

Kulyaka ku vukama na kulyalesa kwa vanu kukahwa,

Njelemiya 9:23

Shukulu Kalunga alinakwendeka ngwendi, “Vaka-mana kesi valyalesele a mana avo, nambe vaka-nzili kesi valyalese a nzili yavo, nambe vaka-kufuka kulyalesela a vufuko vwavo,

Ezekiyele 28:17

Yove walyalesele omwo vuvwa vwove, co lutsimo lwove lwakulingisile vulema. Omwo cuma eci, njakumbilile asi kupwa cimweso ca vakweni vimyene.

Ezekiyele 28:2

“Muna munu, leka muka-kushwana wa ku Tile evi vinjendeka yange Kalunga wa Akamwa ya Vyoshe ngwove, ‘Mu kulyalesa kwove ulinakwendeka ngwove u njambi. Ulinakwendeka ngwove unatumbama a litanda ngwe njambi mu mema a kalunga. Wasa kuyongola ngwove u njambi oloni yove unapu lika munu kesi u njambi nameme wayongwele ngwove u njambi.

Ndanyele 4:30

co wendekele ngwendi, “Kengeni vukama vwa Mbambilone! Njaitungile kupwa nganda yange yakama mukumwesa vukama vwange na nzili yange na vumpau vwange na kasingimiko kange.”

Hambakuke 1:16

Vakalemesa manimbwa avo nakuwakombelela vin̄ombelo ngwe vinjambi, omwo manimbwa avo akavapangela cipangi cacivwa.

Zakaliya 12:7

“Yange Kalunga, njikahyanesa mbunga ya mashwalale va mu Yunda akulivanga, ngeci kasingimiko ka vatekulwila va Ndaviti na kasingimiko ka vanu va mu Yelusalema kesi kakatuvakane ka vanu va mu Yunda.

Zakaliya 4:6

Co kangelo wanjilekele kwambulula majwi awa kuli Zelumbambele akutunda kuli Shukulu Kalunga ngwange Shukulu Kalunga nendeka ngwendi, “Yove ukahyana, kesi na nzili ya vushwalale nambe na nzili yove vavenya embwe, oloni na Munzinzime wange.

Kulava 31:4

Ku muyati umo na umo wa Isalele kutunde vanalume 1,000 vaye ku nzita.”

Loma 11:18

Ngecivene, kumwapandele kuyengula vaje vavajokwele ngwe minango. Vatijo mwasa kulyalesa? Yeni munapu lika mu minango, kumwesi kukwata mizi, oloni mizi ikeyo ilinakumikwata.

Loma 3:27

Asinoni kulishasha kuli kulijo? Kwaiko vene! Omwo twononoka Lishiko ndi? Embwe, oloni omwo tukulaela.

2 Kolinte 4:7

Oloni yetu tuli na vufuko ovu tunapu ngwe vindeo vya vuma mukumwesa ngeci nzili yakushemutuka ikeyo yapwa ya Njambi, kesi yetu embwe.

Efeso 2:9

kesi a vilinga, kutewa munu alishashe.

Kwituluka mu Mashiko 32:27

Oloni kunjikecela vitozi vavo valishashe ngeci vanafungulula vanu vange, omwo yange vavenya njavatsene.’ ”

Kwituluka mu Mashiko 8:17

Ngecivene, nyanyameni kutewa mukendeka mu vimbunge vyeni ngweni, ‘Yetu vavenya twalifukisa na nzili yetu na vukama vwetu.’

Kwituluka mu Mashiko 8:18

Oloni mukanuka ngeci ngweni Shukulu Kalunga Njambi yeni ikeye namyana nzili yakufuka vufuko. Ikeye alinakulinga eci ngeci akolese cikumiiyo cije walikumiiye na vakukulwila veni, omwo ikeye wapwa wa kulongwa na ku litangwa lya lelo.

Yakomba 4:6

Oloni kutetela kwa Njambi kwanatwana kwapwa kwa nzili manene. Ngwe muvyendeka visoneka ngwavyo, “Njambi avyana vaka-kulyalesa, oloni atetela vaka-kulikeesa.”

1 Samwele 14:6

Yonatana wendekele kuli uje mukwenje wambatele vitwa vyendi vya nzita ngwendi, “Tujavuke tuye musambwa mu cilombo ca vaFilisitiya vaje vaka- kuli kukulaela Shukulu Kalunga. Amo Shukulu Kalunga akatukwasa, omwo kukwesi vimuvindika kutuhyanesa, nambe tunapu tuvavandondo lika.”