Maako 7:13 - Livulu lya Shukulu Kalunga

¹³ Omo Ngilyone wetele, co wazivile munalume alinakuleka musamba wendi njozi yalotele. Wendekele ngwendi, “Njaloto mukasha wa likende lya mbale ya maumwa unandumukila mu cilombo cetu nakuwisa mbalaka. Co mbalaka yawile, yatengulukile mukali.”

Maako 7:13 Iomraidhean Croise

1 Kolinte 1:27

Oloni Njambi mu cizango cendi waangwile vije vivayongwele vaka-kaye ngwavo vyangoco ngeci azivise shwamwa vaka-mana, co lalo waangwile vije vivayongwele vaka-kaye ngwavo vyakuzeya ngeci azivise shwamwa vaka-nzili.

Maako 3:15

Asinoni vaIsalele valililile lalo kuli Shukulu Kalunga, co Shukulu Kalunga wavatuminine munalume ngeci avamene. Lizina lyendi Ehunde, munalume muka-cimoshwe, uje wapwile muna Ngela, wa ku muyati wa Mbenjemani. Ali ikeye vanu va Isalele vatumine milambu kuli Mwene Engilone wa vaMowavi.

Maako 3:31

Munima ya Ehunde kwezile Shamengale muna Anate. Na ikeye lalo wapwile ntwama ya vaIsalele, akutsiya vaFilisitiya vakupwa 600 na citi cakutimwisa vingombe.

Maako 4:21

Sisela wajukile manene, ngeci waile mu tulo twakama. Co Njaele wambatele kavulo na pampalingo ya mbalaka, co wamumwengelelele nakumupameya mu mbanda ya litwi pwilili na mu livu.

Maako 4:9

Co Ndembola wamukumbulwile ngwendi, “Mwamuvwa, njikaya amo nove, oloni kuukawana lutsimo lwakuhyana lwai, omwo Shukulu Kalunga akakundika Sisela ku mavoko a munakazi.” Ngecivene, Ndembola waile na Mbalake ku Kendeshe.

Maako 6:15

Ngilyone wamukumbulwile ngwendi, “Vatijo njasa kwamena vaIsalele? Kuma cikota cange cikeco cakuzeya manene ku muyati wa Manase, co yange njiwamundondo mu naanga yange.”

Maako 7:12

Co vaMindyani, na vaAmaleke, na vanalume va miyati ya vanu va mu mambo valishandwelele mu cana ngwe vimbimba mikumbi, co vakevo vakele na tumelo vavangi ngwe lishen̄avu lya ku ngenge ya mema a kalunga.

Maako 7:14

Musamba wendi wamukumbulwile ngwendi, “Eci kucalumbunukile mweka! Ou ukewo mukwale wa Ngilyone muna Yowashe kaIsalele! Njambi nakundika vaMindyani na mbunga yoshe ku mavoko endi!”

Maako 8:10

Co Zeva na Zalumuna vakele ku Kalekole amo na mashwalale 15,000 vaje vasaleleo ku mashwalale va miyati ya vanu va mu mambo, oloni mashwalale 120 vavatsiile.