Maako 6:16 - Livulu lya Shukulu Kalunga

¹⁶ Shukulu Kalunga wamukumbulwile ngwendi, “Mwa vushunga yange njikakukwasa. Ukafungulula vaMindyani voshe.”

Maako 6:16 Iomraidhean Croise

Kutuuka 3:12

Njambi wamukumbulwile ngwendi, “Yange njikakala amo nove, co eci cikapwa cizivukiso kuli yove ngeci yange njakutumu. Omo ukatundisa vanu vaIsalele mu Ingito, co mukanjilemesa a munkinda uno vene.”

Isaya 41:10

Kesi muzive lyova, yange njili neni amo! Kesi mujaje, yange Njambi yeni! Njikamitakamesa nakumikwasa, njikaminyunga nakumyamena.

Mateo 28:20

Co valongeseni kwononoka vyuma vyoshe vije vinjamishiki. Co anukeni ngweni njikakala neni matangwa oshe noo akukotoka kwa kaye.”

Mako 16:20

Vandongisi vaile nakwambulula kwoshe, co Mwene wapangele amo navo nakushulisa ngeci kwambulula kwavo kwapwile kwa vushunga a vizivukiso vije vyalingiwile.] [ 9 Vanakazi vaile kuli Petulu na vasamba vendi, co vavalekele vukaleo vwa vyuma vyoshe vije vavalekele. 10 Munima yevi, Yesu ikeye vavenya watumine vandongisi vendi kutunda mu ngangela kutwala mu kangombe ka yambi ngeci vatwale lijwi lyakujela lyakwovoka kwa myaka yoshe.]

Vilinga vya Miluwa 11:21

Cooni nzili ya Mwene yakele ali vakevo, co mbunga yakama ya vanu vakulaelele nakutengulukila kuli Mwene.

Kwituluka mu Mashiko 20:1

“Omo mukaya ku nzita nakulwa na vitozi veni, mukamona, matemba avo, na tuvalu twavo, na nzita yakama kutuvakana yeni, oloni kesi mukavazivile lyova embwe, omwo Shukulu Kalunga Njambi yeni uje wamitundisile mu Ingito, ali amo neni.

Yoshwa 1:5

Naumo wai akakufungulula matangwa oshe akuyoya kwove. Simbu yoshe njikakala amo nove ngwe munjakele na Mosesa, kunjikakuseze ngoco, nambe kukukengesa nima embwe.

Yoshwa 10:8

Co Shukulu Kalunga wendekele kuli Yoshwa ngwendi, “Kesi uvazivile lyova embwe omwo njinavakundika laja ku mavoko ove. Naumo wai wa ali vakevo akasa kwimana nove nakukulwisa.”

Maako 2:18

Oshe aje Shukulu Kalunga aana vaIsalele lyaako, co Shukulu Kalunga wakele amo na lyaako, nakuvamena ku mavoko a vitozi vavo kutwala ku matangwa oshe akuyoya kwa uje lyaako. Shukulu Kalunga wavazivilile mema ku mbunge omo vakele nakukemanga ku mesho a vaje vavapakesele nakuvayandesa.

Maako 6:12

Co kangelo ka Shukulu Kalunga washolokele kuli ikeye wendekele ngwendi, “Shukulu Kalunga ali amo nove, yove u munalume wakusimpa na nzili!”

Maako 6:36

Asinoni Ngilyone wendekele kuli Njambi ngwendi, “Yove unendeka ngeci ushaka kunjipangesa mukwovola vaIsalele,

Lute 2:4

Omo kwetile kasimbu Mbowasi wezile kutunda ku Mbetelehema, walikandelelele na vaka-vipangi vendi. Wendekele ngwendi, “Shukulu Kalunga akale amo neni.” Co vamukumbulwile ngwavo, “Shukulu Kalunga amivezikise mwane.”