Maako 5:6 - Livulu lya Shukulu Kalunga

⁶ Mu matangwa a Shamengale muna Anate, mu matangwa a Njaele, matanga kuwakele nakwita mukati ka lifuti, co vaka-kwenda vakele nakwitila kumukulo, mu tungila twakulizenga-zenga.

Maako 5:6 Iomraidhean Croise

2 Mizimbu 15:5

A matangwa aje kukwakele kwoloka ku munu nambe umo wai, omwo kwakele vukalu na tuyando mu lifuti mwoshe.

Myaso 125:5

Oloni omo uhisa vaka-vuvi, hisa lalo na vaje vayoya yoyesi ya kupenga-penga. Kwoloka kukale na Isalele!

Isaya 33:8

Vitapalo vyakama ololo vili na vushonde, co naumo wai alinakwendelamo. Lizivasano na cikumiiyo vinahu. Kukwesi lalo kalemeso ku munu uje anyunga cikulaeso.

Njelemiya 6:25

Kesi mutuuke nakuya ku mahya nambe kwenda mu vingila, omwo vitozi vali na vitwa, co vushonde vuli kwoshe-ikwoshe.”

Mbimbi 1:4

Vitapalo vyakuya ku Siyone vilinakulila ngwe vanu, omwo naumo wai alinakwendamo mukuya ku Njuvo ya Shukulu Kalunga, mukulemesa a matangwa akujela. Vambanda vaje vakele nakwimbila kuje valinakuyanda, co vaka-kukombelela valinakukemanga lika. Vikolo vya mu nganda vili mupulungwa, co Siyone ili mu vukalu.

Mbimbi 4:18

Vitozi vakele nakutukengelela, oloni kutwasele nameme kwenda mu vitapalo. Matangwa etu ahwile, co twetele ku shongo yawo.

VaLevi 26:22

Co njikatuma tusitu vavavi akati keni, co vakevo vakatsiya vana veni, nakunyongesa vimuna veni, vakaseza lika vavandondo, na vingila vyeni vikapunda.

Mika 3:12

Ngecivene, omwo yeni, Siyone vakailima ngwe lihya, co Yelusalema ikemuka numbo ya vivumbe, na lilundu lya Njuvo ya Shukulu Kalunga likemuka shwata.

Maako 3:31

Munima ya Ehunde kwezile Shamengale muna Anate. Na ikeye lalo wapwile ntwama ya vaIsalele, akutsiya vaFilisitiya vakupwa 600 na citi cakutimwisa vingombe.

Maako 5:7

Co membo a vaIsalele asalele vingundu vyangoco, noo yange Ndembola njezile, njezile ngwe cisemi kuli vaIsalele.