Maako 4:7 - Livulu lya Shukulu Kalunga

⁷ Co yange njikakokweya Sisela, muka-kushika wa nzita ya Njavine kwakulwa nove ku Ndonga ya Kishone. Co ikeye akaija na matemba endi na mashwalale vendi, oloni njikamukundika ku mavoko ove.’ ”

Maako 4:7 Iomraidhean Croise

1 Vimyene 18:40

Elinja washikile ngwendi, “Kwateni vaka-kwimanena va Mbale, kesi mutave nambe umo wavo atewe!” Co vanu vavakwatele voshe, Elinja wavashelumwisile ku Ndonga ya Kishone, co wavatsiile.

Kutuuka 14:17

Njikakaluwisa vimbunge vya vaka-Ingito ngeci vakavakave munima, co njikawana kasingimiko akuhyana kwange ali mwene, na mashwalale vendi, na makalu endi, na vaka-kuwendesa vendi.

Kutuuka 14:4

Ngecivene, njikakaluwisa mbunge ya mwene, akamikava oloni njikamuhyana na nzita yendi, co eci cikanjinenela kasingimiko. Asinoni vaka-Ingito vakanjizivuka ngwavo kuma yange njapwa Kalunga.” Co vaIsalele valingile ngwe muvavalekele.

Kutuuka 14:8

Co Shukulu Kalunga wakaluwisile mbunge ya mwene, co ikeye wakavele vaIsalele, vaje vatuukile nakulisamba.

Kutuuka 21:13

Oloni nga namutsii cintulu, ikeye kayongwele kutsiya munu, co ikeye atewele ku mutambela uje njikamwangwilawo, co kuje akakala mwamuvwa.

Yoshwa 10:8

Co Shukulu Kalunga wendekele kuli Yoshwa ngwendi, “Kesi uvazivile lyova embwe omwo njinavakundika laja ku mavoko ove. Naumo wai wa ali vakevo akasa kwimana nove nakukulwisa.”

Yoshwa 11:20

omwo Shukulu Kalunga wakaluwisile vimbunge vyavo vyakulwisa vaIsalele, ngeci vavanyongese nakuvahisa na cihiso cakama nakujeneka kuvazivilako mema ku mbunge, ngwe muje mwashikile Shukulu Kalunga kuli Mosesa.

Yoshwa 11:6

Co Shukulu Kalunga wendekele kuli Yoshwa ngwendi, “Kesi uvazivile lyova embwe, omwo imene a simbu ino vene njikamitsiilavo voshe. Mukateta makaana a tuvalu twavo nakwenyeka matemba avo.”

Yoshwa 8:7

Asinoni yeni mukajomboloka kuje munavandele, co mukafungulula nganda, omwo Shukulu Kalunga Njambi yeni akaikundika ku mavoko eni.

Maako 4:14

Asinoni Ndembola wendekele kuli Mbalake ngwendi, “Ya! Shukulu Kalunga alinakukutwamenena! Ku litangwa lya lelo ikeye nakundika Sisela ku livoko lyove.” Ngecivene, Mbalake washelumukile kutunda ku Munkinda wa Tavole na vanalume vakupwa 10,000 vaje vamukavele.

Maako 4:8

Asinoni Mbalake wamukumbulwile ngwendi, “Njikaya nga yove ukaya amo nange, oloni kunjikai nga yove kuukai amo nange.”

Maako 5:21

Co livazi lya mu Kishone lyavakupwile, ndonga ya ku san̄ulu, Ndonga ya Kishone. Njikenda, nakwenda kutwalao na nzili!

1 Samwele 24:10

Kenga, litangwa lya lelo mesho ove analimwena ngeci, muje mu linzenzengoma Shukulu Kalunga nakukundikile mu mavoko ange. Co vanu vange vamo vanjilekele ngeci njikutsiye, oloni yange njakuzivilile mema ku mbunge. Co njinendekele ngwange, ‘Kunjapandele kuvulumuna uje yanavwavesa Shukulu Kalunga.’

1 Samwele 24:18

Ku litangwa lya lelo unamwesa vuvwa vwove kuli yange, omwo kuwanjitsiile, nameme Shukulu Kalunga nanjikundikile mu mavoko ove.