Maako 3:7 - Livulu lya Shukulu Kalunga

⁷ Co vanu vaIsalele valingile vuvi ku mesho a Shukulu Kalunga, vevalele Shukulu Kalunga Njambi yavo, nakulemesa tumponya twa vaMbale na Ashela.

Maako 3:7 Iomraidhean Croise

1 Vimyene 16:33

Co lalo wapangele cifwa ca Ashela njambi wa munakazi. Co watwaleleo kulinga vyuma vyavivi nakushangumuna vukalu vwa Shukulu Kalunga, Njambi ya Isalele, kutuvakana vimyene voshe vakulivanga mu Isalele.

1 Vimyene 18:19

Ololo shika vanu va Isalele voshe ngeci njikaliwane navo ku Munkinda wa Kalemele. Co ija na vaka-kwimanena va Mbale 450, na vaka-kwimanena va vinjambi va Ashele 400 vaje vakali ku mesa na Vamwene Njezevele.”

2 Vimyene 23:14

Mwene Yosiya wasiwile vimanda vya mamanya mu vimbazuvwila, wasiwile vifwa vya Ashela njambi wa munakazi, co a livu aje vemanene wafwikileo vitsiya vya vanu.

2 Vimyene 23:6

Co watundisile lalo mu Njuvo ya Shukulu Kalunga cifwa ca Ashela njambi wa munakazi, wacituwisile mu nganda wacitwalele ku Cana ca Kindelone, co wacenyekelele kuje, watwile manungu, co apwile likungu, co walishandwelele akamwa ya vimbumbo vya vanu nkala.

2 Mizimbu 15:16

Mwene Asa watundisile kuku yendi Maka a litanda lyendi lya vamwene, omwo wapangele kamponya kakavi ka Ashela njambi wa munakazi. Asa washinjile kaje kamponya, wakatetangele, co wenyekelele vimbazuvwila vyako mu Cana ca Kindelone.

2 Mizimbu 24:18

Ngecivene, vanu valikelele kulemesela mu Njuvo ya Shukulu Kalunga, Njambi ya vakukulwila vavo, vashangumukile kulemesa tumponya, na vifwa vya Ashela njambi wa munakazi. Co vukalu vwa Shukulu Kalunga vwezile a Yunda na a Yelusalema omwo a vuvi ovu.

2 Mizimbu 33:19

Lilombelo lya mwene nakukumbulula kwa Njambi, vuvi vuje vwalingile omo kanda atenguluke, na vyuma vyavivi vije vyalingile, na mitambela ije vakele nakulemesela vaka-kujeneka kukulaela, na vifwa vya Ashela njambi wa munakazi vije vyalingile, na tumponya tuje twalemesele, vyoshe vavisoneka mu Livulu lya Mizimbu ya Vaka-kwimanena.

2 Mizimbu 33:3

Ikeye watungulwile mitambela ije vakele nakulemesela vaka-kujeneka kukulaela ije yanyongesele ishe Hezekiya. Watungile mitula yakulemesela Mbale, co walingile vifwa vya Ashela njambi wa munakazi, co walemesele vingongonosi.

2 Mizimbu 34:3

Mu mwaka wamucitanu na itatu wakushwana kwa Yosiya, omo wapwile mukwenje, washangumukile kulemesa Njambi ya kukulwila yendi Mwene Ndaviti. Co omo kwetile myaka iwana, washangumukile kusiwula mitambela vakele nakulemesela vaka-kujeneka kukulaela, na vifwa vya Ashela njambi wa munakazi, na tumponya tukwavo twoshe.

2 Mizimbu 34:7

Mu lifuti lyoshe lya Vumwene vwa ku Kunto wasiwile mitula na vifwa vya Ashela, co watwile tumponya vunga, wapujwile mitula yoshe ya insense mu vimbazuvwila, asinoni welukile ku Yelusalema.

Myaso 106:35

oloni valyambatelele na ije miyati, co vatembunwine vilinga vya vaka-kujeneka kukulaela.

Myaso 106:36

Vanu va Njambi valemesele tumponya, tuje twapwile nganjo kuli vakevo.

Myaso 106:7

Omo vakukulwila vetu vakele mu Ingito, kuvazivukile vilinga vyakukomokesa vya Shukulu Kalunga, vevalele vukama vwa cizemo ca Shukulu Kalunga cije kucesi kutenguluka, co vakutengulukilile yove Njambi Muka-nzili yoshe kuje ku Lishali Lyakuvenga.

Kutuuka 34:13

Oloni yeni mukasiwule mitula yavo, nakunyongesa vimanda vyavo vyakulemesela, co mukavujula vimweso vya Ashela njambi yavo wa munakazi.

Njelemiya 23:27

Vayongola ngwavo vinjozi vije vambulula vikalingisa vanu vange ngeci vanjivale, ngwe muvanjivalele vakukulwila vavo, co vatengulukilile kuli Mbale.

Kwituluka mu Mashiko 16:21

“Kesi mukashimbikile manda ya citi ca Ashela njambi wa munakazi kumukulo wa mutula wa Shukulu Kalunga Njambi yeni.

Kwituluka mu Mashiko 4:9

“Nyanyameni nakulinyunga! Kesi mwivale vije mwamwene na mesho eni, kutewa vitunda mu vimbunge vyeni matangwa oshe akuyoya kweni, ngeci mukavileke vana veni na vatekulwila veni.

Kwituluka mu Mashiko 8:11

“Ngecivene, nyanyameni kutewa mukevala Shukulu Kalunga Njambi yeni a kwononoka mashiko endi, na vilongesa vyendi, na vizilika vyendi evi njimishika ku litangwa lya lelo.

Kwituluka mu Mashiko 8:14

cooni vimbunge vyeni vikalyalesa nakwivala Shukulu Kalunga Njambi yeni uje wamitundisile mu Ingito, mu lifuti lya vundungo.

Kwituluka mu Mashiko 8:18

Oloni mukanuka ngeci ngweni Shukulu Kalunga Njambi yeni ikeye namyana nzili yakufuka vufuko. Ikeye alinakulinga eci ngeci akolese cikumiiyo cije walikumiiye na vakukulwila veni, omwo ikeye wapwa wa kulongwa na ku litangwa lya lelo.

Maako 3:12

Co vanu va Isalele valingile lalo vuvi ku mesho a Shukulu Kalunga. Omwo eci, Shukulu Kalunga waanene nzili kuli Mwene Engilone wa ku Mowavi, co wafungulwile vaIsalele.

Maako 3:8

Ngecivene, Shukulu Kalunga waluvalele na vaIsalele, co wavakundikile ku mavoko a Mwene Kushane Lishataime wa ku Mesopotamya, co vapwile vinzinda vendi myaka itanu na itatu.

Maako 6:25

A vutsiki vuje vene, Shukulu Kalunga walekele Ngilyone ngwendi, “Ambata ngombe wa nkomba wa isho na ngombe wa nkomba mukwavo wa myaka itanu na ivali, co siwula mutula wa isho wa Mbale, co vatula manda ya Ashela, ije ili kumukulo wawo.

Maako 8:33

Co munima ya kutsa kwa Ngilyone, vanu va Isalele kuvakulaelele lalo kuli Njambi, oloni valemesele Mbale. Co vatengulwile Mbale kupwa njambi yavo,

Maako 8:34

vanu va Isalele vevalele Shukulu Kalunga Njambi yavo uje wavamenene ku vitozi vavo voshe vaje vavazengelekele.

1 Samwele 12:10

Asinoni valililile kuli Shukulu Kalunga ngeci avakwase, co vendekele ngwavo, ‘Tunalingi vuvi, omwo tunakengesa nima Shukulu Kalunga, tunalemesa tumponya twa Mbale, na Asitalete. Twamene ku vitozi vetu, co tukakulemesa!’

1 Samwele 12:9

Oloni vanu vevalele Shukulu Kalunga Njambi yavo, co ikeye wavakundikile mu mavoko a vaFilisitiya, na kuli mwene wa Mowavi, na Sisela muka-kushika nzita ya mashwalale va mu nganda ya Hazole, valwile nzita na vakukulwila veni, co vavafungulwile.