Maako 3:12 - Livulu lya Shukulu Kalunga

¹² Co vanu va Isalele valingile lalo vuvi ku mesho a Shukulu Kalunga. Omwo eci, Shukulu Kalunga waanene nzili kuli Mwene Engilone wa ku Mowavi, co wafungulwile vaIsalele.

Maako 3:12 Iomraidhean Croise

2 Vimyene 5:1

Namane wapwile muka-kushika mashwalale va Silya, mwene wa Silya wamusingimikile nakumuzema manene, omwo ali Namane Shukulu Kalunga waanene mashwalale va Silya nzili yakuhyana. Namane wapwile lishwalale wa nzili, oloni wakele na mushongo wa mbumba.

Kutuuka 9:16

Oloni akukumwesa nzili yange, njakutavele kuyoya ngeci lizina lyange likatsimane mu kaye mwoshe.

Isaya 10:15

Oloni Shukulu Kalunga endeka ngwendi, “Kuma njaviti yasa kukala na nzili kutuvakana uje munu alinakuyipangesa ndi? Kuma saha yasa kupwa ya vulemu kutuvakana munu uje alinakuyisaesa ndi? Mulamu kuwesi kujundula munu, oloni munu ikeye akajundula mulamu.”

Isaya 37:26

“Kuma kuwazivile ngeci yange Kalunga njayongwele laja vutumbe ovu ndi? Co ololo njinavusholola. Njakwanene nzili yakutengulula vinganda vya vimpaka kuvipwisa mitumbo ya vishwashwa.

Ezekiyele 38:16

Ukalwisa vanu vange va Isalele ngwe kankumba kafwika lifuti. Omo simbu ikaija, njikakutuma ukakovelele lifuti lyange ngeci miyati vakanjizivuke, mukumwesa kujela kwange a vije vinjilinga muli yove.

Ndanyele 4:22

“Ngecivene, yove shukulu, yove unapu muti uje waulaja na nzili. Yove unapu uwakama ngeci nzili yove kuyesi naa ayahwila, vukama vwove vunete ano a kaye oshe.

Ndanyele 5:18

“Njambi wa Akamwa ya Akamwa wapwisile isho Nevukaneza mwene wakama, co wamwanene vulemu na vukama.

Hoziya 6:4

Oloni Shukulu Kalunga alinakwendeka ngwendi, “Isalele na Yunda, cuma mukajo njikalinga kuli yeni? Cizemo ceni kuli yange cilinakuhwa vwasi-vwasi ngwe mbundu ku mutondo, cinapu ngwe lime lije likatotomoka ku mutondo-tondo.

Yowano 19:11

Yesu wakumbulwile ngwendi, “Yove uli na moko ali yange omwo Njambi nakwanayo. Ngecivene, munalume ou nanjinena kuli yove ali na mulonga wa vuvi vwakutuvakana.”

Maako 2:11

Ngecivene, vaIsalele valingile mwamuvi ku mesho a Shukulu Kalunga, co vashangumukile kulemesa vaMbale.

Maako 2:14

Ngecivene, Shukulu Kalunga waluvalele manene na vaIsalele, co wavakundikile ku mavoko a vezi vaje vevile vyavo. Co Shukulu Kalunga wavakundikile ku vitozi vavo vaje vavazengelekele, ngeci kuvasele lalo kwimana ku mesho a vitozi vavo.

Maako 2:19

Oloni capwile ngeci omo uje lyaako natsi, co vanu va Isalele veluka lalo mu vingila vyavo vyavivi kutuvakana vije vya vakukulwila vavo. Vakavele vinjambi veka nakuvapangela, nakuvalemesa, vavyanene kuseza vilinga vyavo vya kupenga-penga.

Maako 3:11

Co mu lifuti mwakele kwoloka myaka makumi awana, asinoni Otenyele watsile.

1 Samwele 12:9

Oloni vanu vevalele Shukulu Kalunga Njambi yavo, co ikeye wavakundikile mu mavoko a vaFilisitiya, na kuli mwene wa Mowavi, na Sisela muka-kushika nzita ya mashwalale va mu nganda ya Hazole, valwile nzita na vakukulwila veni, co vavafungulwile.