Maako 3:10 - Livulu lya Shukulu Kalunga

¹⁰ Munzinzime wa Njambi wezile ali ikeye, co wapwile lyaako lya vaIsalele. Otenyele waile ku nzita, co Shukulu Kalunga wakundikile Mwene Kushane Lishataime wa ku Mesopotamya ku mavoko endi.

Maako 3:10 Iomraidhean Croise

1 Mizimbu 12:18

Co Munzinzime wa Njambi wezile ali Amasai, muka-kushika vaje “Makumi Atatu.” Co watambekele ngwendi, “Ndaviti muna Njesi, yetu tunapu tu vanu vove! Tunemana amo nove! Kwoloka, kukale amo nove! Kwoloka kukale kuli vaka-kukukwasa, omo Njambi akakukwasa.” Co Ndaviti wavatambwile, nakuvapwisa vakulunu va nzita yendi.

2 Mizimbu 15:1

Munzinzime wa Njambi wezile ali Azaliya muna Ondende,

2 Mizimbu 20:14

Co Munzinzime wa Shukulu Kalunga wakovelele muli umo kaLevi wakele mu mbunga ya vanu. Lizina lyendi Njazele muna Zekaliya, Zekaliya muna Mbenaya, Mbenaya muna Njeyele, Njeyele muna Mataniya wa ku cikota ca Asafe.

Myaso 51:11

Kesi unjitundise ku mesho ove, co lalo kesi unjitundise munzinzime wove wakujela.

Kulava 11:17

Co njikashelumuka nakwendeka nove kuje vene, njikavana moko ngeci mukalikwase kwendesa vanu vange kuukavanyungu ove lika embwe.

Kulava 11:25

Asinoni Shukulu Kalunga washulukile asi mu lishelwa nakwendeka na Mosesa. Co Shukulu Kalunga wanonele ku Munzinzime uje wakele ali Mosesa nakuupangezela ali vaje vantwama makumi atanu na avali. Omo Munzinzime wakele ali vakevo, vambulwile ngwe vaka-kwimanena, oloni kuyapwile simbu yakama.

Kulava 11:29

Oloni Mosesa wamukumbulwile ngwendi, “Kuma yove unjizivila lifuwa ndi? Capandele ngeci Shukulu Kalunga aake Munzinzime wendi ali vanu vendi voshe ngeci voshe vapwe ngwe vaka-kwimanena!”

Kulava 24:2

Omo Mbalame wandwile mesho endi, wamwene vanu va Isalele vanatungu cilombo cavo kupwisa ngwe ku muyati na muyati. Co Munzinzime wa Njambi wezile ali ikeye nakumupangesa,

Kulava 27:18

Ngecivene, Shukulu Kalunga wendekele kuli Mosesa ngwendi, “Sana Yoshwa muna Nune, uje washula na Munzinzime wange, kambeka mavoko ove a mutwe wendi.

VaHevelu 6:4

Vatijo vasa kwiluka vaje vatundile kukukulaela ngeci vatenguluke lalo nakulitavela? Vaje vakele na ceke ca Njambi, voshe vaje vamakelele ku vwana vwa mwilu, co vatambwile Munzinzime Wakujela,

Maako 11:29

Asinoni Munzinzime wa Shukulu Kalunga wezile ali Njefeta. Co Njefeta waile ku Ngilyande na Manase, welukile lalo ku Mizipa mu Ngilyande, co waile ku Amoni.

Maako 11:32

Ngecivene, Njefeta wajavukile ndonga mukulwa na vaAmoni, Shukulu Kalunga wamuhyanesele.

Maako 13:25

Co Munzinzime wa Shukulu Kalunga wezile na nzili ali ikeye omo wakele mukati ka Zola, na Eshetawole mu Cilombo ca Ndani.

Maako 14:19

Co Munzinzime wa Shukulu Kalunga wezile na nzili ali Samusoni, co waile ku Ashekelone, kuje wakatsiile vanalume vakupwa makumi atatu, co wavapukwile vyavo, waanene vuzalo vwavo kuli vaje vanalume valumbunwine kaje kasau. Munima ya vyuma evi, Samusoni waluvalele manene a vije vyalingiwile, co welukile ku njuvo ya ishe,

Maako 14:6

Co vwasi-vwasi Munzinzime wa Shukulu Kalunga wezile na nzili ali Samusoni, co watavozwele ndumba na mavoko endi vipuka-vipuka, ngwe atavozola muna membe. Oloni kalekeleko visemi vyendi vije vyalingile.

Maako 15:14

Co omo wetele ku Lehi, vaFilisitiya vamushatukilile, nakutambeka manene, co Munzinzime wa Shukulu Kalunga wezile na nzili yakama ali ikeye, co ikeye washutwile mikole ije ivakutile ku mavoko endi, ngwe ashutozola mikole yakuvola.

Maako 3:11

Co mu lifuti mwakele kwoloka myaka makumi awana, asinoni Otenyele watsile.

Maako 3:8

Ngecivene, Shukulu Kalunga waluvalele na vaIsalele, co wavakundikile ku mavoko a Mwene Kushane Lishataime wa ku Mesopotamya, co vapwile vinzinda vendi myaka itanu na itatu.

Maako 6:34

Co Munzinzime wa Shukulu Kalunga wezile ali Ngilyone, co Ngilyone wembile lupembo mukusana vanalume va ku cikota ca Aviyezele ngeci vamukave.

1 Samwele 10:10

Omo Saulu na ngamba yendi vetele ku Ngimbeya, waliwanene na mbunga ya vaka-kwimanena. Co vwasi-vwasi Munzinzime wa Njambi wezile na nzili ali ikeye, co nendi wambulwile vuka-kwimanena akati kavo.

1 Samwele 10:6

Co Munzinzime wa Shukulu Kalunga ukaija na nzili ali yove, ukambulula vuka-kwimanena amo navo, co ukafwa ngwe munu weka.

1 Samwele 11:6

Omo Saulu wavizivile, co Munzinzime wa Njambi wezile na nzili ali ikeye, co waluvalele manene.

1 Samwele 16:13

Co Samwele wambatele lilulu lya mazi a olive, wavwavesele Ndaviti ku mesho a vandolome vendi. Co aje vene Munzinzime wa Shukulu Kalunga wezile na nzili ali Ndaviti, wakele amo nendi kutunda ku litangwa lije. Asinoni Samwele welukile ku Lama.