Maako 3:1 - Livulu lya Shukulu Kalunga

¹ Ngecivene, Shukulu Kalunga wasezele miyati ya vnu vamo mu lifuti ngeci veseke vaIsalele, vaje kuvalwile nzita na vaKanana.

Maako 3:1 Iomraidhean Croise

1 Vimyene 9:21

oloni vatekulwila vavo vasalele mu lifuti, omwo vaIsalele kuvavatsiile, vakevo vaje Solomoni wapwisile vindungo vakumupangela na lelo lino.

2 Mizimbu 32:31

Nameme omo vamyata vaje vatundile ku Mbambilone vezile mukwihula a vije vyalingiwile mu lifuti, Njambi watavele ngeci eseke Hezekiya azivuke vyoshe vije vyakele mu mbunge yendi.

Yombi 23:10

Oloni Njambi azivuka ngila ije injilinakwenda, omo anjeseka, co njikatundamo ngwe ngolinde yakujela.

Kutuuka 15:25

Co Mosesa walombelele manene kuli Shukulu Kalunga, co Shukulu Kalunga wamumwesele cipunzu ca citi ngeci wacumbilile mu mema, co mema emukile amavwa kuwanwa. Co kuje Shukulu Kalunga wavanene mashiko akuyoya nawo, co kuje lalo wavesekele

Visimo 17:3

Ngolinde na siliva vakavyeseka na tuhya, oloni Shukulu Kalunga akeseka viyongola vya munu.

Njelemiya 6:27

Njelemiya, eseka vanu vange ngwe muukeseka vutale, uwane ngeci vanafu vati.

Zakaliya 13:9

Co njikelula litambelo lyamucitatu vaje vakasalao nakulijelesa ngwe muvakajelesa siliva na tuhya. Co njikavelula ngwe muvakelula ngolinde. Asinoni vakalombela kuli yange, co njikavakumbulula. Njikavaleka ngwange vanapu vanu vange, co vakalitavela ngeci yange njinapu Njambi yavo.”

Yowano 2:24

Oloni Yesu vavenya kavakulaelele, omwo wazivukile cifwa ca vanu voshe.

Kwituluka mu Mashiko 7:22

Shukulu Kalunga Njambi yeni akasheka miyati ije ili kulutwe lweni kamandondo-kamandondo. Kumukasa kuvanyongesa voshe mu simbu imolika embwe, kutewa tusitu vakasemunwina nakutuma, co vakamiyandesa.

Kwituluka mu Mashiko 8:16

Muje mu mambo Shukulu Kalunga wamyanene maana ngeci mulye, vyakulya vije vakukulwila veni kuvavizivukile, ngeci amyononwese nakumyeseka, ngeci kulutwe akase kumivezikisa na vyuma vyavivwa.

Kwituluka mu Mashiko 8:2

Co mukanuka vati Shukulu Kalunga Njambi yeni wamitwamenenene mu vungenzi vwa kulyala ngacije mukati ka mambo, a myaka makumi awana ngeci amyononwese nakumyeseka, mukuzivuka vije vyakele mu vimbunge vyeni nambe mwanyungile mashiko endi, nambe kumwawanyungile.

1 Petulu 1:7

Vutumbe vwa vyeseko evi vunapu kumwesa vukaleo ngeci kukulaela kweni kunapu kwa vushunga. Nambe ngolinde yasa kunyonga, vakayeseka na tuhya, kukulaela kweni lalo kuje kuli na seo yakama manene kutuvakana ngolinde, vanapande kuceseka ngeci kukakateye. Asinoni mukatambula cishangala na vumpau na kasingimiko a Litangwa lije omo Yesu Kilistu akasholoka.

1 Petulu 4:12

Vasamba vange vanjazema, kesi mukomoke a ceseko ngwe ca tuhya cije mulinakuyanda naco, ngwe cikeco cinapu cuma cimo caciha cilinakulingiwa kuli yeni.

Kujombolola 2:23

Co lalo njikatsiya vaka-kumukava, asinoni vikungulukilo vyoshe vikazivuka ngeci kuma yange uje azivuka viyongola vya vanu na vizango vyavo. Njikafweta umo na umo weni kupwisa ku vilinga vyendi.

Maako 1:1

Munima ya kutsa kwa Yoshwa, vanu va Isalele vehwile Shukulu Kalunga ngwavo, “Muyati uka unapande kupwa wakulivanga kuya nakulwisa vaKanana?”

Maako 2:10

Co cisemwa coshe cije catsile, co munima ya cije cisemwa, cisemwa cikwavo cashangumukile, vaje kuvazivukile Shukulu Kalunga nameme kuzivuka vije vyalingile ali vaIsalele.

Maako 2:23

Ngecivene, Shukulu Kalunga watavele miyati ya vanu vaje ngeci vatumbame mu lifuti, ikeye kavashekelemo vwasi, co lalo kavakundikile ku mavoko a Yoshwa embwe.

Maako 3:2

Ikeye walingile eci, ngeci alongese cisemwa na cisemwa ca vaIsalele kulwa nzita, vunene vene kuli vaje kuvalwile nzita ku simbu ya laja.