Maako 21:6 - Livulu lya Shukulu Kalunga

⁶ Co vanu va Isalele vakele na vusiwa ali vandolome vavo vaMbenjemani, vendekele ngwavo, “Ku litangwa lya lelo vaIsalele vanazimbalesa vanu va muyati wavo umo.

Maako 21:6 Iomraidhean Croise

2 Samwele 2:26

Avinele watambekelele Yowave ngwendi, “Kuma nzita eyi inapu ya myaka yoshe ndi? Kuma kuuzivuka ngeci ku shongo kukukakala cuma ceka cai kuvanga vizindo lika ndi? Yetu tunapu tu vavushoko vweni. Simbu mukajo ukashika vanu vove ngeci valikele kutusheka?”

Hoziya 11:8

“Vatijo njasa kukwecelela, Isalele? Vatijo njasa kukumbila kuti? Kuma njasa kuminyongesa ngwe munjanyongesele Andema ndi? Nambe kumipangesa ngwe munjapangesele Zemboime ndi? Mbunge yange kuyikanjitavesa kucilinga! Cizemo cange kuli yeni cinapu cakama manene.

Maako 11:35

Omo ikeye wamumwene, co watavwile vuzalo vwendi mukuviilila, wendekele ngwendi, “Ove munange! Ulinakuvavalesa mbunge yange! Omwo vikajo cuma cangacije ciija ali yove? Njinalingi laja cikulaeso kuli Shukulu Kalunga, co kunjasa kucipokola lalo mbwe!”

Maako 20:23

Co vanu va Isalele vaile nakulilila ku mesho a Shukulu Kalunga noo ku cingwezi, co vehwile Shukulu Kalunga ngwavo, “Kuma tucishwenyesako lalo kulwa na vandolome vetu vaMbenjemani ndi?” Co Shukulu Kalunga wavakumbulwile ngwendi, “Yeni mukalwe.”

Maako 21:15

Co vanu vakele na vusiwa ali vaMbenjemani omwo Shukulu Kalunga napokola lizivasano lya miyati ya vanu va Isalele.

Maako 21:5

Co vaIsalele vehwile ngwavo, “Veyajo ku miyati yoshe ya vanu va Isalele kuvakungulukile ku mesho a Shukulu Kalunga ku Mizipa?” (Omwo valisingile cisingo ca cikumiiyo ngeci woshe kakai ku Mizipa napande kutsa.)

Maako 21:7

Vationi tulinga mukuwanena vanakazi vaje vanalume va Mbenjemani vanasalao? Omwo tunalisingi laja cisingo ca cikumiiyo kuli Shukulu Kalunga ngeci naumo wai munetu wa munakazi itukavana.”