Maako 21:25 - Livulu lya Shukulu Kalunga

²⁵ A simbu ije, kukwakele mwene mu Isalele, co munu na munu walingile cije cashakele.

Maako 21:25 Iomraidhean Croise

Myaso 12:4

“Na majwi etu tuwana vije vitushaka. Twendeka mwoshe mutushakela, co naumo wai atuvindika.”

Visimo 14:12

Kuli ngila ije amona munu ngeci inapu ngila ya vushunga, oloni mamaneselelo ayo inapu ngila ya kutsa.

Visimo 3:5

Kulaela kuli Shukulu Kalunga na mbunge yove yoshe. Kesi ujendamene ku mana ove vavenya.

Muka-kwambulula 11:9

Vakwenje vwaeleleni a vukwenje vweni, pweni vaka-kuvwaelela simbu mucili mu vakwenje. Lingeni vyoshe vimushaka kulinga, co kaveni mashungu a vimbunge vyeni. Oloni anukeni ngweni, Njambi akamisompa a vije vyoshe vimulinakulinga.

Isaya 53:6

Yetu voshe twapwile ngwe vimanga vakuzimbala, munu na munu waile mu ngila yendi. Oloni Shukulu Kalunga wamwanene cihiso cije capandele kupwa cetu.

Isaya 66:3

“Vanu valinakulinga ngwe mucavavwasela. Kuli vakevo vyoshe vyafwa mumo nambe vatsiya ngombe wa nkomba wa n̄ombelo nambe vakombelela munu, nambe vakombelela muna manga nambe vatukula mukoshi wa katali, nambe vaana n̄ombelo ya vimbuto vya vinona, nambe vakombelela maninga a vangulu, nambe vakombelela insense, nambe valombela ku kamponya. Vavwaelela a vingila vyavo vya vuvi vyakulemesa.

Kwituluka mu Mashiko 12:8

“Kesi mukalinge ngwe mumunakala nakulinga muno ku litangwa lya lelo embwe, munu na munu nakala nakulinga mwoshe mwanashakela.

Maako 17:6

A simbu ije, kukwakele mwene mu Isalele, co munu na munu walingile cije cashakele.

Maako 18:1

A simbu ije, kukwakele mwene mu Isalele. Co a matangwa aje vanu va muyati wa Ndani vashakezekele mutambela ngeci upwe wavo vatungemo, omwo te kanda vatambule mutambela wavo akati ka miyati ya vanu va Isalele.

Maako 18:7

Ngecivene, vaje vanalume vatanu vaile ku limbo lya Laishe. Co vamwene vati valinakuyoya vanu vaje vakelemo, ngwe ku cilika ca Sindone. Vapwile vanu va kwoloka nakushungama, kuvakele na vimata kuli vanu veka embwe, vakele na vyoshe vije vivashakele. Vakele nakulya vyakulya vyakutunda ku Sindone, co kuvapangele na vanu veka embwe.

Maako 19:1

A simbu ije, kukwakele mwene mu Isalele, kwakele kaLevi umo wakele mu lifuti lya malundu lya Efalime. Wakele na lishano lyendi lya mbanja mu Mbetelehema mu Yunda.

Maako 21:24

Co a simbu ije vene, vungi vwa vaIsalele vaje vasaleleo, munu na munu welukile ku muyati wendi na ku cikota cendi na ku vushwana vwendi.