Maako 20:6 - Livulu lya Shukulu Kalunga

⁶ Co yange njambatele muvila wendi, nakuuvatozola vipuka-vipuka, njatumine vipuka vyendi ku muyati umo na umo wa vanu va Isalele. Vanu ava vanalingi cuma cacivi na vukolokomba mu Isalele.

Maako 20:6 Iomraidhean Croise

Kushangumuka 34:7

A simbu ije vene vana va Yakomba vezile kutunda mu cana. Omo vazivile a cuma eci, co vazivile manene kuvavala ku vimbunge na vukalu ali Shekeme, omwo ikeye nalingi cuma cakufwa ngacije cakutuka vanu va Isalele akukwata muna Yakomba nakumuwisa. Cuma cangacije kucapandele kulingiwa.

VaLevi 18:24

“Kesi mulijwalese yeni vavenya na vilinga evi, omwo mu ngila eyi vaka-kujeneka kukulaela vanalijwalesa nayo, vaje vakele mu lifuti lije akulivanga. Ngeci omwo akulijwalesa kwavo, Shukulu Kalunga alinakuvashekamo, ngeci yeni mukayemo.

VaLevi 18:30

Co Shukulu Kalunga lalo wendekele ngwendi, “Ononokeni kushika kwange, co kesi mukavangeye vilinga vya vanu vaje vanakala mu lifuti lije akulivanga, simbu kanda muyemo. Co kesi mulijwalese yeni vavenya akulinga vyuma evi embwe. Yange njapwa Kalunga Njambi yeni.”

Yoshwa 7:15

Co cikapwa ngeci woshe uje vakawana na vyuma vije vyakukundika vakamwenyeka, na naanga yendi, na vyuma vyendi vyoshe, omwo nanena shwamwa yakama ali Isalele, co napokola cikumiiyo cange.”

Maako 19:22

Omo vakele nakulivwaelelesa vakevo vavenya, co vanu vaka-vuvi vezile kutunda muje mu limbo, vazengelekele ije njuvo nakushangumuka kumbombola a lipito. Co vendekele kuli uje mukulunu wa munalume ngwavo, “Tuwisa uje munalume naija ku njuvo yove! Tushaka kulala nendi!”

Maako 19:23

Oloni uje mukulunu wa munalume watuukile anja, co wendekele kuli vakevo ngwendi, “Embwe, vasamba vange! Kesi mulinge vuvi vwa cifwa cangacije embwe! Ou munalume napu mungenzi wange.

Maako 19:29

Omo wetele, wakovelele mu njuvo, wanonele moko. Co watetangele muvila wa lishano lyendi lya mbanja vipuka likumi na vivali, co watumine cipuka cimo ku muyati umo na umo wa miyati likumi na ivali ya vanu va Isalele.

Maako 20:10

Co litambelo limo lyamulikumi lya vanu va Isalele, vakaana vyakulya kuli mashwalale, co veka vakaya mukulwisa Ngimbeya, omwo a vilinga vyavo vyavivi vivanalingi mu Isalele.”