Maako 20:28 - Livulu lya Shukulu Kalunga

²⁸ Finehase muna Elyazale, muna Alone, ikeye wapwile muka-kucinyunga a matangwa aje, vehwile ngwavo, “Tunapande kuya nakukalwisa vandolome vetu vaMbenjemani lalo, indi tulikele?” Co Shukulu Kalunga wendekele ngwendi, “Yeni mukalwe navo, imene njikavakundika ku mavoko eni.”

Maako 20:28 Iomraidhean Croise

2 Samwele 6:3

Vacitundisile ku njuvo ya Avinandave yakele a lilundu, vacakele a litemba lyaliha. Co Uza, na Ahiyo, vana va Avinandave vakele nakwendesa lije litemba,

2 Mizimbu 20:17

Yeni kumukalu nzita eyi embwe. Oloni mukakale lika mu myela yeni nakuvandamena, mukamona Shukulu Kalunga mwakamihyanesa ku vitozi veni. Yeni vanu va mu Yunda na vanu va mu Yelusalema, kesi muzeye nambe kesi muzive lyova. Yeni ku nzita, Shukulu Kalunga akakala amo neni!”

Ezela 7:5

Mbuki wapwile muna Avishwa, Avishwa wapwile muna Finehase, Finehase wapwile muna Elyazale, Elyazale wapwile muna Alone Muka-kukombelela Wakama.

Kutuuka 6:25

Elyazale muna Alone wambatele umo wa ku vana va Putiyele va vanakazi, co wakitilileko Finehase. Ava vakevo vakulunu va naanga ya Levi ngwe ku cikota na cikota cavo.

Njelemiya 10:23

Shukulu Kalunga, njazivuka ngeci munu ikeye vavenya na mana endi kasa kwangula ngila yaivwa ngeci endemo, munu ikeye vavenya kesi na nzili yakwenda mwoshe mwashakela.

Kwituluka mu Mashiko 10:8

A simbu ije Shukulu Kalunga waangunwine muyati wa Levi kupwa vaka-kwambata Cikasa ca Cikumiiyo ca Shukulu Kalunga, nakwimana ku mesho a Shukulu Kalunga nakumupangela nakuvezikisa vanu mu lizina lya Shukulu Kalunga, ngwe muvali nakulinga na lelo lino.

Kwituluka mu Mashiko 18:5

Evi vyoshe akavilinga omwo Shukulu Kalunga Njambi yeni waangwile vaLevi na vatekulwila vavo mu miyati yeni yoshe ngeci vakemane nakupanga mu lizina lya Shukulu Kalunga simbu yoshe.

Yoshwa 22:13

Co vanu va Isalele vatumine Finehase muna Elyazale muka-kukombelela kuli vanu va miyati ya Luvena, na Ngande na litambelo lya Manase wa mu Ngangela mu lifuti lya Ngilyande.

Yoshwa 24:33

Co Elyazale muna Alone watsile, vamutsindile ku Ngimbeya, nganda ije yakele mu lifuti lya malundu lya Efalime lije livaanene kuli munendi Finehase.

Yoshwa 7:7

Asinoni Yoshwa wendekele ngwendi, “Tawe! Shukulu Kalunga Njambi! Omwo vikajo watujavwisilile Yondau nakutukundika ku mavoko a vaAmoli ngeci vatunyongese? Kuma mwamuvwa vene nga twakele musambwa lije lya Yondau!

Maako 1:2

Co Shukulu Kalunga wavakumbulwile ngwendi, “Muyati wa Yunda ukewo uya akulivanga, omo yange njinakundika lifuti mu mavoko avo.”

Maako 19:16

Simbu vacikele kuje, mukulunu umo wezile omo wamanesele vipangi ku lihya. Ikeye wakulivanga mukutunda ku lifuti lya malundu lya Efalime, oloni ikeye a simbu ije wakele mu Ngimbeya. (Oloni vanu vakele kuje vamo vatundile ku muyati wa Mbenjemani).

Maako 7:9

Vutsiki vuje vene Shukulu Kalunga wendekele kuli Ngilyone ngwendi, “Shelumuka ku cilombo, omwo njinakwanaco mukucifungulula.

1 Samwele 14:37

Ngecivene, Saulu wehwile Njambi ngwendi, “Njasa kulwisa vaFilisitiya ndi? Ukavakundika mu mavoko a Isalele ndi?” Oloni Njambi kakumbulwile litangwa lije.

1 Samwele 30:8

Ndaviti wehwile Shukulu Kalunga ngwendi, “Njapande kukava mbunga eyi ndi? Co lalo njikavawana ndi?” Shukulu Kalunga wamukumbulwile ngwendi, “Eyo vakave, ngeci ukapatule vaje vavanafungulula.”