Maako 20:26 - Livulu lya Shukulu Kalunga

²⁶ Asinoni vanu voshe va Isalele valamatele ku Mbetele nakukalililako. Co kuje vakatumbamene ku mesho a Shukulu Kalunga, kujeneka kulya a litangwa lije noo ku cingwezi. Co vakombelelele vin̄ombelo vya kulitombola, na vin̄ombelo vimo vya kwenyeka vyamutunu vyoshe ku mesho a Shukulu Kalunga.

Maako 20:26 Iomraidhean Croise

Kushangumuka 28:19

Ngecivene, walukile mutambela uje Mbetele. Oloni akulivanga lije limbo valitumbwile ngwavo Luze.

2 Samwele 3:35

Litangwa lije lyoshe vanu vesekele kusindiya Ndaviti ngeci alyeko cuma cimo, oloni walisingile ngwendi, “Njambi anjitsiye nga njilya cuma cimo omo litangwa kanda litoke!”

2 Mizimbu 20:3

Njosefati wajajele manene, co walombelele kuli Shukulu Kalunga ngeci amutwamenene. Washikile lifuti lyoshe lya Yunda ngeci valikele kulya.

Ezela 8:21

Co kuje vene ku ndonga ya Ahava njaanene mashiko kuli yetu voshe, akulikela kulya na kulikeesa ku mesho a Njambi yetu, nakumulomba ngeci atutwamenene ku vungenzi vwetu nakutunyunga yetu, na vana vetu, na vufuko vwetu vwoshe.

Njelemiya 36:9

A vingonde vitanu na viwana, ku mwaka wamucitanu uje Yehoyakime wapwile mwene wa mu Yunda, vanu vazilile kulya ngeci Shukulu Kalunga avazivileko mema ku mbunge. Co litangwa lije valinyungile manene vanu voshe vaje vakele mu Yelusalema na voshe vaje vezile vatundile ku vinganda vya mu Yunda.

Njwele 1:14

Shikeni lishiko lyakulikela kulya, co saneni mbunga yoshe ya vanu! Kungulwileni vantwama na vanu voshe va mu Yunda mu Njuvo ya Shukulu Kalunga Njambi yeni nakulilila kuli ikeye!

Yoshwa 24:1

Asinoni Yoshwa wakungulwile miyati yoshe ya Isalele amolika ku Shekeme. Co wasanene vakulunu, na vantwama, na maako, na vamyata va Isalele, co vezile ku mesho a Njambi.

Yoshwa 7:6

Ngecivene, Yoshwa na vantwama va Isalele vatavwile vuzalo vwavo mukuviilila, co valyumbilile asi kulutwe lwa Cikasa ca Cikumiiyo ca Shukulu Kalunga. Valishuwilile lito ku mitwe yavo kumwesa vusiwa vwavo, co vakele kuje noo cingwezi.

Maako 20:18

Co vaIsalele vaile ku mutambela wakulemesela ku Mbetele, kuje vehwile Njambi ngwavo, “Muyati ukajo ukalivanga kulwisa vaMbenjemani?” Co Shukulu Kalunga wavakumbulwile ngwendi, “Muyati wa Yunda ukewo ukalivanga.”

Maako 20:23

Co vanu va Isalele vaile nakulilila ku mesho a Shukulu Kalunga noo ku cingwezi, co vehwile Shukulu Kalunga ngwavo, “Kuma tucishwenyesako lalo kulwa na vandolome vetu vaMbenjemani ndi?” Co Shukulu Kalunga wavakumbulwile ngwendi, “Yeni mukalwe.”

Maako 20:25

Co vanu va Mbenjemani vatundile mu Ngimbeya, kukaliwana navo simbu yamucivali, co vatsiile mashwalale va Isalele vakulwa na mikwale vakupwa 18,000.

Maako 21:2

Ngecivene, vanu va Isalele vaile ku Mbetele, co vatumbamene kuje ku mesho a Njambi noo ku cingwezi, valilile manene nakuzeya, co vendekele ngwavo,

Maako 21:4

Alikaki mutondo-tondo, vanu vendukile, vatungile mutula kuje. Co vakombelelele vin̄ombelo vya kwenyeka, na vin̄ombelo vya kulitombola kuje.

1 Samwele 11:4

Co miluwa vetele ku Ngimbeya, kuje kwakele Saulu, co omo vambulwile muzimbu, vanu vashangumukile kulila.

1 Samwele 7:6

Co voshe vakungulukilile ku Mizipa. Vatekwile mema nakuwetila kupwa n̄ombelo kuli Shukulu Kalunga, co valikelele kulya litangwa lyoshe lyamutunu. Co vendekele ngwavo, “Tunalingi vuvi ku mesho a Njambi.” Ngecivene, Samwele waakwilile vanu va Isalele ku Mizipa.