Maako 20:25 - Livulu lya Shukulu Kalunga

²⁵ Co vanu va Mbenjemani vatundile mu Ngimbeya, kukaliwana navo simbu yamucivali, co vatsiile mashwalale va Isalele vakulwa na mikwale vakupwa 18,000.

Maako 20:25 Iomraidhean Croise

Kushangumuka 18:25

Kuukasa kunyongesa vaka-vushunga amolika na vanu vaka-vuvi. Omwo ni kucitava! Kuukasa kulinga ngacije embwe! Nga cikafwa ngacije, vaka-vushunga vakavasompe ngwe vaka-vuvi. Nga ngoconi, co cacikalu. Yove u muka-kusompa wa ano asi oshe, co ukalingi mwa vushunga.”

Kushangumuka 49:27

“Mbenjemani wapwa ngwe kangunga muka-kutsiya. Mutondo na cingwezi ikeye alinakutsiya nakulya.”

Myaso 97:2

Mashelwa na lisusulungu vinamuzengeleka, co kushungama na vushunga vikevyo vyapwa luvula lwa litanda lyendi.

Hoziya 10:9

Shukulu Kalunga alinakwendeka ngwendi, “Vanu va Isalele kuvalikelele kulinga vuvi ku mesho ange tunde a simbu ije valingile vuvi ku Ngimbeya. Ngecivene, nzita ikavawana ku Ngimbeya.

Loma 11:33

Vufuko vwa Njambi vwapwa vwavungi manene! Kuzivuka kwendi na mana endi vyapwa vyakulova manene! Iyajo asa kulumbununa matumbe endi? Iyajo asa kuzivuka vingila vyendi?

Loma 2:5

Oloni yove uli na mbunge yakukola nakukaluwa, co ulinakulingisa cihiso cove vavenya ngeci cipwe cakama manene a Litangwa lije omo vukalu vwa Njambi nakusompa kwendi kwa vushunga vikasholoka.

Loma 3:5

Oloni nga vilinga vyetu vya kupenga-penga vije tulinakulinga visholola mwamuvwa vushunga vwa Njambi, twasa kwendeka ngwetu Njambi akalingi mwamuvi omo atunyanyamesa ndi? (Njilinakwendeka mu cifwa ca vanu.)

Maako 20:21

Co mashwalale va Mbenjemani vatuukile mu nganda, omo litangwa kanda litoke vatsiile mashwalale va Isalele vakupwa 22,000.

Maako 20:24

Co vaile lalo nakulwa na mashwalale va Mbenjemani simbu yamucivali.

Maako 20:26

Asinoni vanu voshe va Isalele valamatele ku Mbetele nakukalililako. Co kuje vakatumbamene ku mesho a Shukulu Kalunga, kujeneka kulya a litangwa lije noo ku cingwezi. Co vakombelelele vin̄ombelo vya kulitombola, na vin̄ombelo vimo vya kwenyeka vyamutunu vyoshe ku mesho a Shukulu Kalunga.