Maako 20:22 - Livulu lya Shukulu Kalunga

²² Oloni vanalume va Isalele, valikolesele lalo, co vaakele mashwalale lalo mukulwa mu ngila ije vene ngwe muje muvalingile a litangwa lyakulivanga.

Maako 20:22 Iomraidhean Croise

2 Samwele 11:25

Co Ndaviti wendekele kuli uje muluwa ngwendi, “Ya ukatakamese Yowave ukamuleke kesi alinyenge, omwo naumo wai azivuka ngeci iyajo umo akatsa mu nzita. Muleke atumeko mashwalale va nzili ngeci valwise oyo nganda nakuyitambula.”

Myaso 64:5

Valikundwila umo na mukwavo ku matumbe amavi, vasimutwiya vyakutsiya vanu mu vushweke co vendeka ngwavo, “Wai asa kutumona.”

Maako 20:15

Co a litangwa lije vene, vaMbenjemani valavele mashwalale vakulwa na mikwale vakupwa 26,000 vakutunda mu membo avo, kupandakanako kuli vavenya lifuti lya Ngimbeya vanalume vakupwa 700 vaje vavaangwile.

Maako 20:17

Co vanalume va Isalele, vaje kuvalipandakanene na vaMbenjemani, omwo vavalavele apwile 400,000 vanalume vakulwa na mikwale, voshe vapwile vaka-kulwa nzita.

Maako 20:21

Co mashwalale va Mbenjemani vatuukile mu nganda, omo litangwa kanda litoke vatsiile mashwalale va Isalele vakupwa 22,000.

Maako 20:23

Co vanu va Isalele vaile nakulilila ku mesho a Shukulu Kalunga noo ku cingwezi, co vehwile Shukulu Kalunga ngwavo, “Kuma tucishwenyesako lalo kulwa na vandolome vetu vaMbenjemani ndi?” Co Shukulu Kalunga wavakumbulwile ngwendi, “Yeni mukalwe.”

1 Samwele 30:6

Co Ndaviti wakele mu vukalu vwakama manene, omwo vanu vendi voshe vazivile ku vimbunge kuvavala manene a vana vavo va vanalume na ava va vanakazi, co vashungwiiye kumwasha mamanya, oloni Ndaviti walitakamesele muli Shukulu Kalunga Njambi yendi.