Maako 20:13 - Livulu lya Shukulu Kalunga

¹³ Ololo twanenivo ava vaka-vuvi va mu Ngimbeya, ngeci tuvatsiye, nakutundisa vuvi ovu akati ka Isalele.” Oloni vanu va Mbenjemani kuvombileko mbunge kuli vakwavo vaIsalele.

Maako 20:13 Iomraidhean Croise

2 Samwele 20:1

Kuje ku Ngilingale, kwakele munu umo vilinga vyendi vyapwile vyavivi manene, lizina lyendi Shemba muna Mbikile, wa ku muyati wa Mbenjemani, ikeye wembile lupembo nakutambeka ngwendi, “Kutwesi na mutambela muli Ndaviti, co kutwesi na vushwana muli muna Njesi, yeni vanu va Isalele, munu na munu eluke kwimbo lyendi.”

2 Samwele 23:6

Oloni vanu vaka-kuvyana Njambi, vanafu ngwe mambimbo akumbila kuti, aje kuvasa kukwata na mavoko.

1 Vimyene 21:13

Co vaje vipapoki vavali vamukutiiye ku mesho a vanu ngwavo natuku Njambi na mwene, ngecivene, vamutwalele anja ya nganda vamwashele mamanya nakumutsiya.

2 Mizimbu 13:7

Co munima yevi wakungulwile viyambangani vakujeneka seo, vakevo vafungulwile Lehovowame muna Solomoni, omwo wapwile mwanike wamundondo, wakele na lyova, co kasele kuvalwisa.

2 Mizimbu 25:16

Amaziya wamukumbulwile ngwendi, “Simbu ika twakwangwile kupwa muka-kunangula mwene? Oloka kuluu, ngeci kesi vakutsiye!” Co uje muka-kwimanena walikelele, oloni wendekele ngwendi, “Ololo njazivuka ngeci Njambi nayongola kukunyongesa omwo unalingi vyoshe evi, co unombwanesa kunangula kwange.”

2 Mizimbu 25:20

Oloni Amaziya wavyanene kumutolilila. Omwo eci capwile cizango ca Njambi ngeci amukundike mu mavoko a vitozi vendi, omwo ikeye walemesele tumponya twa vaEndome.

Visimo 29:1

Nga ukaluwisa mbunge yove visimbu vyoshe omo vakunangula, co litangwa limo vakakunyongesa kuukendukamo lalo.

Muka-kwambulula 11:10

Kesi mulishoshomwene mu vimbunge vyeni, nambe kuvavalesa vimbunge vyeni, omwo simbu ya vukwenje vweni inapu yaindondo.

Hoziya 10:9

Shukulu Kalunga alinakwendeka ngwendi, “Vanu va Isalele kuvalikelele kulinga vuvi ku mesho ange tunde a simbu ije valingile vuvi ku Ngimbeya. Ngecivene, nzita ikavawana ku Ngimbeya.

Hoziya 9:9

Vanapu vavavi manene mu vije valinakulinga, ngwe muje muvafwile ku Ngimbeya. Njambi akanuka vuvi vwavo nakuvanyanyamesa.

Loma 1:32

Vazivuka ngeci lishiko lya Njambi lyendeka ngwalyo vanu vaje vayoya mu ngila eyi vanapande kutsa. Kesi vyuma evi lika vivalinakulinga embwe, oloni valizivasana na vaje valinakuvilinga.

1 Kolinte 5:13

Oloni munapande kusompa vaje vali mu cikungulukilo. Ngwe muvyendeka visoneka ngwavyo, “Tundiseni muka-vuvi uje ali akati keni.”

2 Kolinte 6:15

Kilistu na Liyavola vasa kulizivasana vatijo? Muka-kukulaela asa kulitombola vatijo na muka-kujeneka kukulaela?

Kwituluka mu Mashiko 13:13

ngeci kuli vanalume vamo vitangwizi va ku muyati weni, vanatangula laja vanu va mu limbo lyavo kulemesa vinjambi vaje kumwalemesele laja.

Kwituluka mu Mashiko 13:5

Oloni mukatsiye muka-kunungulula vinjozi nambe muka-kwimanena, uje akamileka kutengulukila Shukulu Kalunga Njambi yeni, uje wamitundisile mu lifuti lya Ingito nakumipatula ku vunzinda. Munu wa cifwa cangacije akamitangula ku ngila ije yamishikile Shukulu Kalunga Njambi yeni kwendamo. Munapande kumutsiya, ngeci mukatundise vuvi vuje vuli akati keni.

Kwituluka mu Mashiko 13:6

“Nga ndolome yove, nambe munove wa munalume, nambe munove wa munakazi, nambe munakazi wove iwazema, nambe musamba wove wa a mbunge akushongangeya ngeci mulemese vinjambi veka, vaje yeni na vakukulwila veni kumwalemesele.

Kwituluka mu Mashiko 17:12

Nga munu umo ajeneka kwononoka kuli muka-kukombelela uje muka-kupangela Shukulu Kalunga Njambi yeni, nambe kuli lyaako, co uje munu vakamutsiye, ngeci mukatundise vuje vuvi mu Isalele mwoshe.

Kwituluka mu Mashiko 17:7

Vakeleo vakalivange kumwasha mamanya, asinoni vanu voshe vakamwashe mamanya uje munu nakumutsiya. Co mu ngila eyi mukatundisa vuvi akati keni.

Kwituluka mu Mashiko 19:19

co mukamulinge ngwe muje mwanesi kulingile ndolome yendi. Co mu ngila eyi mukatundisa vuvi ovu akati keni.

Kwituluka mu Mashiko 21:21

Co vanalume voshe va muje mu nganda vakamwashe mamanya nakumutsiya, co yeni mukatundisa vuvi vwa cifwa eci akati keni. Vanu voshe va mu Isalele vakaziva evi vivanalingi, co vakakala na lyova.

Kwituluka mu Mashiko 22:21

asinoni uje mumbanda vakamutwala ku cikolo ca njuvo ya ishe. Vanalume va muje mu nganda vakamwasheleko mamanya nakumutsiya, omwo ikeye nalingi cuma cacivi manene ca shwamwa akati ka vanu va Isalele akulimona na munalume omo ikeye kanda ashomboke, ali ku njuvo ya ishe. Mu ngila eyi mukatundisa vuvi ovu mu Isalele.

Kwituluka mu Mashiko 22:24

co vakavatuwise anja ya nganda vakavashe mamanya nakuvatsiya. Uje mumbanda akatsila omwo yakwonwa kusana vaka-kumwamena muje mu nganda, co munalume akatsa omwo ikeye naviisa mumbanda uje vanendekeya laja. Mu ngila eyi mukatundisa vuvi akati keni.

Kwituluka mu Mashiko 24:7

“Nga munu ayiva mukwavo kaIsalele nakumupwisa ndungo nambe kumulandesa ku vundungo, vamutsiye. Mu ngila eyi mukatundisa vuvi ovu akati keni.

Maako 19:22

Omo vakele nakulivwaelelesa vakevo vavenya, co vanu vaka-vuvi vezile kutunda muje mu limbo, vazengelekele ije njuvo nakushangumuka kumbombola a lipito. Co vendekele kuli uje mukulunu wa munalume ngwavo, “Tuwisa uje munalume naija ku njuvo yove! Tushaka kulala nendi!”

Maako 20:12

Miyati ya vanu va Isalele vatumine tunganda mu mitambela mwoshe mu miyati ya vanu va Mbenjemani vendekele ngwavo, “Mulonga ou wa cifwa cangacije mwaulingile vatijo?

Maako 20:14

VaMbenjemani vatundile mu membo avo, vezile ku Ngimbeya mukulwisa vanu va Isalele.

1 Samwele 2:25

Nga munu avulumwina mukwavo, Njambi amwamena, oloni nga munu avulumwina Shukulu Kalunga, iyajo amwamena?” Oloni kuvatolililile ku majwi a ishavo, omwo Shukulu Kalunga te nayongola laja kuvatsiya.

1 Samwele 30:22

Oloni vanu vamo vavavi vaje vaile amo na Ndaviti vendekele ngwavo, “Omwo vakevo kuvaile netu, kutukavanako cuma cimo ku vyakupukula. Vambate vanakazi na vana vavo vaye.”