Maako 2:19 - Livulu lya Shukulu Kalunga

¹⁹ Oloni capwile ngeci omo uje lyaako natsi, co vanu va Isalele veluka lalo mu vingila vyavo vyavivi kutuvakana vije vya vakukulwila vavo. Vakavele vinjambi veka nakuvapangela, nakuvalemesa, vavyanene kuseza vilinga vyavo vya kupenga-penga.

Maako 2:19 Iomraidhean Croise

Kushangumuka 6:11

Oloni vanu voshe vapwile vavavi ku mesho a Njambi, co vuvi vwavo vwashulile ano asi oshe.

Nehemiya 9:28

Oloni omo kwakele kwoloka, valingile vuvi lalo, co watavele lalo vitozi vavo kuvafungulula. Omo vatengulukile, valombelele kuli yove ngeci uvamene, wavazivile oku uli mwilu, a simbu na simbu wavamenene co mu ngozi yove wavamenene.

Myaso 78:8

Vakevo kuvakapu ngwe vakukulwila vavo, vanu vakukaluwa vimbunge nakujeneka kwononoka, vanu vaje kuvakulaelele Njambi, co kuvapwile va kulongwa kuli ikeye.

Kutuuka 32:7

Co Shukulu Kalunga wendekele kuli Mosesa ngwendi, “Shelumukila asi vwasi-vwasi, omwo vanu vove, vaje watwamenenene nakuvatundisa mu Ingito, vanalingi vuvi nakunjivyana yange.

Njelemiya 16:12

Oloni yeni mwalingi mwamuvi manene kutuvakana vakukulwila veni. Muvavoshe munapu vaka-kukaluwisa vimbunge vyeni na vuvi, co kumwesi kunjononoka.

Njelemiya 23:17

Valeka vanu vaje vanavyana kutolilila kuli yange ngwavo vakakala mu kwoloka, co valeka woshe uje nakaluwisa mbunge yendi ngwavo kukwesi vukalu vukaija kuli ikeye.”

Njelemiya 3:17

Simbu ikaija omo Yelusalema vakaitumbula ngwavo, ‘Litanda lya Shukulu Kalunga,’ co miyati yoshe ya vanu vakakungulukilako mukunjilemesa. Co kuvakakavangeya vilinga vya vimbunge vyavo vyakukaluwa.

Ezekiyele 20:30

Ololo leka vaIsalele vije njilinakwendeka yange Kalunga wa Akamwa ya Vyoshe ngwove, ‘Omo vikajo mulinakulinga vuvi vwa muyati umo ngwe vuje vuvalingile vakukulwila veni, akulemesa tumponya twavo?’

Mateo 23:32

Twaleniho, mumanese vije vashangumukile vakukulwila veni!

Kwituluka mu Mashiko 31:29

Njazivuka ngeci omo njinatsi laja, mukongumuka nakuseza evi vinjinamilongesa. Cooni kulutwe mukakovela mu vukalu, mukaluvalesa Shukulu Kalunga akulinga vije vyanavindika.”

Yoshwa 24:31

Omo Yoshwa wakele nakuyoya vanu va Isalele vapangelele Shukulu Kalunga. Co munima ya kutsa kwendi vakele nakupangela Shukulu Kalunga noo vantwama vaje vatsile vaje valimwenenene vakevo vavenya vyuma vyoshe vije vyalingile Shukulu Kalunga ali vaIsalele.

Maako 10:13

Oloni munanjiseza nakulemesa vinjambi veka, ngecivene, kunjikamyamena lalo embwe.

Maako 2:18

Oshe aje Shukulu Kalunga aana vaIsalele lyaako, co Shukulu Kalunga wakele amo na lyaako, nakuvamena ku mavoko a vitozi vavo kutwala ku matangwa oshe akuyoya kwa uje lyaako. Shukulu Kalunga wavazivilile mema ku mbunge omo vakele nakukemanga ku mesho a vaje vavapakesele nakuvayandesa.

Maako 2:20

Ngecivene, Shukulu Kalunga waluvalele manene na vaIsalele nakwendeka ngwendi, “Omwo muyati wa vanu ava vanapokola cikumiiyo cije njalikumiiye na vakukulwila vavo, co vakevo kuvanjononokele,

Maako 2:7

Co vanu va Isalele vapangelele Shukulu Kalunga, matangwa oshe akuyoya kwa Yoshwa, na matangwa aje a vakulunu vaje vayoyele munima ya Yoshwa, vaje valimwenenene vakevo vavenya vyuma vyoshe vyakama vije vyalingile Shukulu Kalunga kuli vaIsalele.

Maako 4:1

Munima ya kutsa kwa Ehunde, vanu va Isalele valingile lalo vuvi ku mesho a Shukulu Kalunga.

Maako 8:33

Co munima ya kutsa kwa Ngilyone, vanu va Isalele kuvakulaelele lalo kuli Njambi, oloni valemesele Mbale. Co vatengulwile Mbale kupwa njambi yavo,

1 Samwele 15:23

Kumutengulukila kunapu ngwe vulozi, co kulyalesa kunapu ngwe vuvi vwakulemesa vinjambi veka. Omwo unavyana lishiko lya Shukulu Kalunga, co nendi lalo nakuvyana kupwa mwene wa mu Isalele.”