Maako 2:17 - Livulu lya Shukulu Kalunga

¹⁷ Oloni vaIsalele anga kuvatolililile kuli maako vavo embwe. VaIsalele vajenekele kulongwa kuli Shukulu Kalunga, co valemesele vinjambi veka. Vatangukile vwasi mu ngila ije vendele vakukulwila vavo, ngila yakwononoka mashiko a Shukulu Kalunga.

Maako 2:17 Iomraidhean Croise

Myaso 106:39

Valiviisile na vilinga vyavo evi, co kuvapwile va kulongwa kuli Njambi.

Myaso 106:43

Visimbu vyavingi Shukulu Kalunga wavapatwile, oloni vakevo vamutengulukilile Shukulu Kalunga, nakulinga manene vuvi.

Myaso 73:27

Mwa vushunga vene vanu vaje vakuvyana vakanyonga, co ukanyongesa voshe vaje kuvakulaela kuli yove.

Kutuuka 32:8

Lajoko vanaseza ngila ije njavashikile kuyikava, vakevo vanamungu ngolinde kuyipwisa muna ngombe wa nkomba, co ikeye valinakulemesa nakukombelelako vin̄ombelo. Co valinakwendeka ngwavo ikeye njambi yavo, uje wavatwamenenene nakuvatundisa mu Ingito.

Njelemiya 3:6

Omo Yosiya wapwile mwene, Shukulu Kalunga wendekele kuli yange ngwendi, “Unamono vije vyanalingi Isalele, uje munakazi wakujeneka kulongwa? Ikeye natundu kuli yange, co nalingi vukwizi a lilundu lyoshe lyalilaja na mu minzinze ya miti yoshe yakutonola.

Njelemiya 6:16

Shukulu Kalunga wendekele kuli vanu vendi ngwendi, “Imaneni a masambwa ngila mumone. Kaveni vingila vije vendele vakukulwila veni, co mukakala mu kwoloka.” Oloni vendekele ngwavo, “Embwe kutukaimo!”

Hoziya 2:2

Vana vange, lambeleleni vanyoko, nameme vene ikeye kapwile munakazi wange, co lalo yange kesi nji munalume wendi. Mulambeleleni ngeci alikele vupangala vwendi na vukwizi vwendi.

VaLevi 17:7

Vanu va Isalele vanapande kupwa va kulongwa kuli Shukulu Kalunga. Kuvapandele kutsiila vimuna vavo mushandangala yangoco, nakukombelela vin̄ombelo ku minzinzime yakujwala ije yakulifwa na vimembe. Vanu va Isalele vanapande kunyunga lishiko eli ku visemwa vyavo vyoshe vya kulutwe.

Amose 2:4

Shukulu Kalunga alinakwendeka ngwendi, “Vanu va ku Yunda vanalingi vuvi kushwakumo, omwo cuma eci mwa vushunga njikavanyanyamesa. Vanayeluwisa vilongesa vyange, co kuvanyungile mashiko ange. Vanongumuka na vinjambi va makuli vaje vavalemesele vakukulwila vavo.

Ngalatiya 1:6

Njakomoka kuli yeni! Mu simbu yaindondo yeni voshe munatundu kuli uje wamisanene na kutetela kwa Kilistu, co munatava ku muzimbu weka lalo.

Kwituluka mu Mashiko 31:16

Co Shukulu Kalunga wendekele kuli Mosesa ngwendi, “Ololo ukatsa, co omo unatsi laja, vanu vakajeneka kunjononoka, co vakapokola cikumiiyo cije njalikumiiye navo. Vakanjiseza nakulemesa vinjambi va mu lifuti lije livakakovela.

Kwituluka mu Mashiko 31:18

Oloni kunjikavakwasa, omwo vanalingi vuvi akulemesa vinjambi veka.

Kwituluka mu Mashiko 9:12

“Asinoni Shukulu Kalunga wendekele kuli yange ngwendi, ‘Zambula shelumuka vwasi ku munkinda uye kuli vanu vove vaje vawatundisile ku Ingito, omwo kuvanjononokele, co vanalingi vuvi vwakama manene akufula kamponya.’

Kwituluka mu Mashiko 9:16

Omo njakengele, co njamwene ngeci munavulumuna kuli Shukulu Kalunga Njambi yeni. Mwafulile kamponya ka cifwa ca muna ngombe.

Yoshwa 24:24

Co vanu va Isalele vendekele kuli Yoshwa ngwavo, “Tukapangela Shukulu Kalunga Njambi yetu, nakwononoka mashiko endi.”

Yoshwa 24:31

Omo Yoshwa wakele nakuyoya vanu va Isalele vapangelele Shukulu Kalunga. Co munima ya kutsa kwendi vakele nakupangela Shukulu Kalunga noo vantwama vaje vatsile vaje valimwenenene vakevo vavenya vyuma vyoshe vije vyalingile Shukulu Kalunga ali vaIsalele.

Maako 2:7

Co vanu va Isalele vapangelele Shukulu Kalunga, matangwa oshe akuyoya kwa Yoshwa, na matangwa aje a vakulunu vaje vayoyele munima ya Yoshwa, vaje valimwenenene vakevo vavenya vyuma vyoshe vyakama vije vyalingile Shukulu Kalunga kuli vaIsalele.

Maako 8:33

Co munima ya kutsa kwa Ngilyone, vanu va Isalele kuvakulaelele lalo kuli Njambi, oloni valemesele Mbale. Co vatengulwile Mbale kupwa njambi yavo,

1 Samwele 12:12

Oloni omo mwamwene Mwene Nahashe wa vaAmoni ali muyehi nakumilwisa, co mwavyanene Shukulu Kalunga kupwa mwene yeni, mwendekele kuli yange ngweni, ‘Tushaka mwene atushwane.’

1 Samwele 12:17

Simbu ino inapu ya malanga. Oloni njikalombela kuli Shukulu Kalunga, ngeci atume muhyato na nyonzi. Nga eci cilingiwa, co mukazivuka nakumona ngeci vuvi vweni vunaama manene ku mesho a Shukulu Kalunga, omo yeni mwamulombele mwene.”

1 Samwele 12:19

co vendekele kuli Samwele ngwavo, “Shukulu, mwane, tulombeleleko kuli Shukulu Kalunga Njambi yove, ngeci kesi tutse. Omwo ku vuvi vwetu tunakumbasanako lalo vuvi vwakulomba mwene.”