Maako 2:15 - Livulu lya Shukulu Kalunga

¹⁵ Kwoshe-ikwoshe kuje vakele nakuya ku nzita, Shukulu Kalunga wavavindamesele, ngwe muje mwendekele, na muje mwalisingile kuli vakevo. Co vakele mu vukalu vwakama manene.

Maako 2:15 Iomraidhean Croise

2 Mizimbu 12:1

Omo vumwene vwa Lehovowame vwakolele, nendi lalo omo wakele na nzili, co ikeye na vanu va Isalele voshe vasezele Lishiko lya Shukulu Kalunga.

Njelemiya 18:8

oloni nga uje muyati wa vanu vatenguluka ku vuvi vwavo, co njikatengulula viyongola vyange, kunjikalingi vije vinjayongwele kulinga.

Njelemiya 21:10

Njinayongola ngeci kunjikecela nganda eyi, oloni kuyinyongesa vene. Njikayana kuli mwene wa ku Mbambilone, co ikeye akayenyeka njwa. Yange Kalunga, njinendekamo.”

Njelemiya 44:11

“Ngecivene, yange Kalunga Muka-nzili yoshe, Njambi ya Isalele, njikamitengulukila nakunyongesa Yunda yoshe.

Njelemiya 44:27

Kunjikamivezikisa embwe, oloni njikaminyongesa. Muvavoshe mukatsa ku nzita, nambe ku mushongo, naumo wai wa ali yeni akasalao.

Mika 2:3

Ngecivene, Shukulu Kalunga alinakwendeka ngwendi, “Njilinakuyongola kunena tuyando twakama ali yeni, co kumukasa kuvanda embwe. Mukakala mu vukalu, co kumukende na kulyalesa lalo.

2 Kolinte 4:8

Visimbu vyavingi tukakala mu vukalu, oloni kuvesi nakututsena, visimbu vimo tukakala mu vitanga, oloni kutwesi kwombwa,

Kwituluka mu Mashiko 18:20

Oloni nga muka-kwimanena uje akomukwa nakwendeka lijwi limo mu lizina lyange lije kunjamushikile kulyendeka, nambe akendeka mu lizina lya vinjambi veka, co muka-kwimanena uje akatse vene.’

Maako 10:9

Co vaAmoni vajavukile Yondau mukulwa na miyati ya vanu va Yunda, na Mbenjemani, na Efalime. Ngeci muyati wa vanu va Isalele vayandele manene.

Lute 1:13

kuma mukasa kuvavandamena noo vanakolo ndi? Kuma eci casa kumivindika kushomboka ku vanalume veka ndi? Embwe, vana vange, mwazivuka ngeci eci cacikalu. Shukulu Kalunga nanjikengesa nima, co yange njili na vusiwa vwakama ali yeni.”

1 Samwele 12:15

Oloni nga kumutolilila ku majwi a Shukulu Kalunga, co kumwononoka mashiko endi, akamilwisa yeni na mwene yeni.

1 Samwele 13:6

VaFilisitiya valwisile vaIsalele manene, vavaakele mu vukalu vwakama. Co vamo va vaIsalele vavandele mu manzenzengoma a mamanya, na mu viteke, na mukati ka vimbulu vya mamanya, na mu masima.

1 Samwele 14:24

A litangwa lije vaIsalele vazeyele na njala, omwo Saulu walisingile cisingo, co washikile ngwendi, “Cisingo cikale ali munu woshe uje alya vyakulya lelo simbu kanda njilinge shambandinga vitozi vange.” Ngecivene, naumo wai walile cuma litangwa lyoshe.

1 Samwele 30:6

Co Ndaviti wakele mu vukalu vwakama manene, omwo vanu vendi voshe vazivile ku vimbunge kuvavala manene a vana vavo va vanalume na ava va vanakazi, co vashungwiiye kumwasha mamanya, oloni Ndaviti walitakamesele muli Shukulu Kalunga Njambi yendi.