Maako 2:14 - Livulu lya Shukulu Kalunga

¹⁴ Ngecivene, Shukulu Kalunga waluvalele manene na vaIsalele, co wavakundikile ku mavoko a vezi vaje vevile vyavo. Co Shukulu Kalunga wavakundikile ku vitozi vavo vaje vavazengelekele, ngeci kuvasele lalo kwimana ku mesho a vitozi vavo.

Maako 2:14 Iomraidhean Croise

2 Samwele 24:1

Shukulu Kalunga waluvalele na Isalele lalo, co walingisile Ndaviti kunena vukalu ali vakevo. Co Shukulu Kalunga wendekele kuli ikeye ngwendi, “Ya ukalave vanu va Isalele na Yunda.”

2 Samwele 7:11

Anga vakovelelele mu lifuti lino, vanakala nakuvalwisa kuli vaka-muuka. Oloni eci kucikasholoka lalo. Njikukulaesa njikakunyunga mwamuvwa ku vitozi vove nakukwana vatekulwila.

2 Vimyene 13:3

Ngecivene, Shukulu Kalunga waluvalele na Isalele, co watavele Mwene Hazayele wa ku Silya na munendi Mbenehandande kufungulula Isalele simbu ku simbu.

2 Vimyene 17:20

Shukulu Kalunga wavyanene vaIsalele voshe, wavahisile, co wavakundikile kuli vitozi vakukaluwa noo akukotoka voshe vatundile ku mesho endi.

2 Mizimbu 15:5

A matangwa aje kukwakele kwoloka ku munu nambe umo wai, omwo kwakele vukalu na tuyando mu lifuti mwoshe.

2 Mizimbu 28:5

Omwo Mwene Ahaze walingile vuvi, co Shukulu Kalunga Njambi yendi wamukundikile ku mavoko a mwene wa ku Silya ngeci amufungulule nakwambata vaYunda vavangi nakuvatwala ku Ndamasiku kupwa vinzinda. Co lalo Shukulu Kalunga wamukundikile mu mavoko a mwene wa vaIsalele.

2 Mizimbu 36:16

Oloni vanu vashendumwine miluwa va Njambi, vombwanesele majwi endi, co vajolele vaka-kwimanena vendi, noo akukotoka vukalu vwakama vwa Shukulu Kalunga vwakele ali vanu vendi, ngeci naumo wai waputumukile.

Nehemiya 9:27

ngecivene, wavakundikile mu mavoko a vitozi vavo ngeci vavafungulule nakuvashwana. Mu tuyando twavo vatambekele kuli yove ngeci uvakwase, co wavakumbulwile oku uli mwilu. Mukutetela kwove kwakama wavatuminine vantwama, vaje vavaamenene kuli vitozi vavo.

Myaso 44:11

Yove watavele ngeci vatutsiye ngwe vimanga, co watushandwelele ku mafuti eka.

Myaso 44:12

Yove walandesele vanu vove ngwe vindungo na ndando yaindondo, co kuwawaneneo nganyo.

Isaya 42:24

Iyajo waanene Isalele kuli vaje vavevilile? Shukulu Kalunga uje twaviisilile, ikeye walingile cuma eci! Kutwapandele kuyoya ngwe muje mwashakele ngeci tuyoyemo, nambe kwononoka vilongesa vije vyatwanene.

Isaya 50:1

Shukulu Kalunga alinakwendeka ngwendi, “Kuma mwayongola ngweni njashekele vanyoko, nambe kuvalandesa mukufweta mulonga? Ilikulijo mikanda yakumukondwesa? Kuma mwayongola ngweni njamilandesele ngeci vakamifuke ngwe munalume uje alandesa vana vendi kuvapwisa vindungo ndi? Embwe, mwaile nakumifuka omwo a vuvi vweni, vamitumine kulyala omwo a milonga yeni.

Njelemiya 37:10

Nameme nga mukafungulula mbunga ya mashwalale va Mbambilone voshe, nakuseza lika vanalume vakuvetwa vanalala mu vimbalaka vyavo, oloni vanalume vaje vakuvetwa anga vene vakenduka nakwenyeka nganda eyi.”

VaLevi 26:17

Co njikamikengesa nima, co vitozi veni vakamifungulula nakumishwana. Co mukakala na cova-ova, mukatewa ngwe kuli umo ali na kumisheka, kumani naumo wai amisheka.

VaLevi 26:28

co mukuluvala kwange njikamitengulukila nakumihisa lalo visimbu vitanu na vivali a vuvi vweni kutuvakana a simbu yakulivanga.

VaLevi 26:37

Vakalitanozoka umo na mukwavo ngwe kuli munu umo alinakuvasheka, co kuvakakala na nzili yakulwa na vitozi vavo.

Kulava 32:13

Co Shukulu Kalunga waluvalele na vanu va Isalele, wavendanganesele mu mambo myaka makumi awana, noo cisemwa coshe cije calingile vuvi ku mesho a Shukulu Kalunga vanyongele.

Kulava 32:14

Co yeni munengi mu mwela wa vaishweni, cisemwa caciha ca vanu vavavi vaje vashaka kunena vukalu vwa Shukulu Kalunga ali vanu va Isalele.

Kwituluka mu Mashiko 28:20

“Nga mulinga vuvi nakuvyana Shukulu Kalunga, co ikeye akamitumina vukalu, nakwilasana, na tuyando, mu vyuma vyoshe vimukalinga, noo vanaminyongesa njwa.

Kwituluka mu Mashiko 28:25

“Shukulu Kalunga akamyecelela vitozi veni ngeci vamifungulule. Co yeni mukavalwisila ku mutambela umo, oloni mukatewela mu mitambela mwoshe. Vanu voshe va ano asi vakalikomokela manene omo vakamona vije vikalingiwa kuli yeni.

Kwituluka mu Mashiko 28:58

“Nga kumwononoka mashiko oshe aje vanasoneka mu livulu eli, co nga kumusingimika lizina lya Shukulu Kalunga Njambi yeni lya vumpau nakukomokesa,

Kwituluka mu Mashiko 32:30

Omwo vikajo vanu 1,000 vafungulukile kuli munu umo? Na vanu 10,000 vafungulukile kuli vanu vavali lika? Omwo Shukulu Kalunga Njambi yavo wavakengesele nima, omwo Njambi yavo muka-nzili wavakundikile mu mavoko avo.

Yoshwa 23:16

Nga kumukanyungu cikumiiyo ca Shukulu Kalunga Njambi yeni cije camishikile, co nga mukapangela nakulemesa vinjambi veka nakuvatsikamena, vukalu vwa Shukulu Kalunga vukaija ali yeni, co mukanyonga vwasi mu lifuti lije lyalivwa lyanamyana.”

Maako 1:19

Shukulu Kalunga wakele amo na vanu va muyati wa Yunda, co vafungulwile lifuti lya malundu, oloni kuvashekelemo vanu vaje vakele mu vyana, omwo vakele na matemba a vikuvo.

Maako 1:34

VaAmoli vashekelele vanu va Ndani mu lifuti lya malundu, co kuvatavele kushelumuka ku cana.

Maako 10:7

Ngecivene, Shukulu Kalunga waluvalele na vaIsalele, co wavakundikile ku mavoko a vaFilisitiya, na vaAmoni ngeci vavafungulule.

Maako 2:20

Ngecivene, Shukulu Kalunga waluvalele manene na vaIsalele nakwendeka ngwendi, “Omwo muyati wa vanu ava vanapokola cikumiiyo cije njalikumiiye na vakukulwila vavo, co vakevo kuvanjononokele,

Maako 3:12

Co vanu va Isalele valingile lalo vuvi ku mesho a Shukulu Kalunga. Omwo eci, Shukulu Kalunga waanene nzili kuli Mwene Engilone wa ku Mowavi, co wafungulwile vaIsalele.

Maako 4:2

Ngecivene, Shukulu Kalunga wavakundikile ku mavoko a Njavine mwene wa vaKanana, uje washwanene mu nganda ya Hazole. Muka-kushika mashwalale wapwile Sisela, uje wakele mu Haloshete ya Vaka-kujeneka Kukulaela.