Maako 2:11 - Livulu lya Shukulu Kalunga

¹¹ Ngecivene, vaIsalele valingile mwamuvi ku mesho a Shukulu Kalunga, co vashangumukile kulemesa vaMbale.

Maako 2:11 Iomraidhean Croise

Kushangumuka 13:13

Vanu va ku Sondoma vapwile vaka-vuvi, valingile vyuma vyavivi manene ku mesho a Shukulu Kalunga.

Kushangumuka 38:7

Oloni vilinga vya Ele vyapwile vyavivi ku mesho a Shukulu Kalunga, ngeci Shukulu Kalunga wamutsiile.

1 Vimyene 11:5

Walemesele Asitalete, njambi wa munakazi wa Sindone, na Moleki, njambi wa vunyengwe wa Amoni.

1 Vimyene 18:18

Elinja wamukumbulwile ngwendi, “Kesi yange muka-kuyandesa. Muka-kuyandesa napu yove na isho. Kuwesi kwononoka mashiko a Shukulu Kalunga, co ukalemesa tumponya va Mbale.

1 Vimyene 22:53

Walemesele nakupangela Mbale, ngwe mwalingile ishe akulivanga, na ikeye lalo washangumwine vukalu vwa Shukulu Kalunga, Njambi wa Isalele.

2 Mizimbu 28:2

co wakavangeyeye vingila vya vimyene va mu Isalele. Wafulile vifwa vya vutale vya Mbale,

2 Mizimbu 28:3

co wenyekelele insense mu Cana ca Hinome, wakombelelele vana vendi va vanalume kupwa vin̄ombelo vyakwenyekela ku tumponya, mukutembunwina vilinga vya vunyengwe vivalingile vanu vaje vaashekele Shukulu Kalunga mu lifuti omo vaIsalele vakele nakuya kulutwe.

2 Mizimbu 33:6

Ikeye wakombelelele vana vendi va vanalume mu Cana ca Hinome kupwa n̄ombelo ya kwenyeka. Co wataele vingombo na manseno nakwihula vaka-kulukiya na vaje vaka-kwendeka na vakulu. Ngecivene, walingile vuvi vwakama manene ku mesho a Shukulu Kalunga, co washangumwine vukalu vwendi.

Ezela 8:12

Yohanane muna Hakatane, wa ku cikota ca Azengande, wakele na vanalume 110,

Nehemiya 9:26

“Oloni vanu vove vakutengulukilile, nakujeneka kukwononoka, vakengesele nima ku Mashiko ove. Vatsiile vaka-kwimanena vaje vavanangwile nakuvaleka vukaleo vwakuvatengulwila kuli yove. Co vakushawile ku simbu na simbu,

Myaso 78:56

Oloni vatengulukilile Njambi Muka-nzili yoshe nakumweseka, co kuvanyungile vizilika vyendi.

Njelemiya 11:10

Vanelukila ku vingila vyavivi vya vakukulwila vavo, co vanavyana kwononoka ku majwi ange, valinakukavangeya vinjambi veka nakuvalemesa. Miyati ya Isalele na Yunda vanavyana cikumiiyo cije njalikumiiye na vakukulwila vavo.

Njelemiya 16:11

Asinoni ukavaleka ngwove Shukulu Kalunga nendeka ngwendi, ‘Omwo vakukulwila veni vanjikengesele nima, valemesele nakupangela vinjambi veka. Vanjisezele kuvononokele vilongesa vyange.

Njelemiya 2:20

Shukulu Kalunga wa Akamwa ya Vyoshe alinakwendeka ngwendi, “Isalele, ku san̄ulu yove wanjisezele nakupokola vikumiiyo vyoshe vije vyakele akati kove nange, wavyanene kunjononoka nakunjilemesa. Oloni a malundu oshe amalaja, na mu minzinze ya miti yoshe yakutonola, walemesele vinjambi vakujeneka seo.

Njelemiya 2:23

Vatijo wendeka ngwove kuwalijwalesele nameme kulemesa Mbale? Oloni anuka muje muwalingile vuvi mu cana, kenga vije viwunalingi. Yove unalifu ngwe kamelo wa lwavo uje ali na lishungu, ashatukila noku-noku mu mambo omwo ya lishungu lyendi,

Njelemiya 32:23

Omo vetele mu lifuti lino, co lyapwile vufuko vwavo, oloni kuvononokele mashiko ove, nambe kuyoya ngwe ku vilongesa vyove, nacimo civalingile cai a vyuma wavashikile kulinga. Co yove wanenele vukalu vwoshe ovu ali vakevo.

Njelemiya 9:14

Oloni vanakaluwisa vimbunge vyavo nakulemesa kamponya Mbale ngeci muvalingile vakukulwila vavo.

Kulava 25:3

Co vaIsalele valemesele Mbale wa ku Peole. Ngecivene, Shukulu Kalunga waluvalele navo,

Kwituluka mu Mashiko 31:16

Co Shukulu Kalunga wendekele kuli Mosesa ngwendi, “Ololo ukatsa, co omo unatsi laja, vanu vakajeneka kunjononoka, co vakapokola cikumiiyo cije njalikumiiye navo. Vakanjiseza nakulemesa vinjambi va mu lifuti lije livakakovela.

Kwituluka mu Mashiko 4:25

“Nameme omo mukakala simbu yakama mu lifuti lije nakukitilamo vana na vatekulu, kesi mukalinge vuvi vwakulishongela kamponya mu cifwa cimo embwe. Eci cinapu vuvi ku mesho a Shukulu Kalunga, co cikamuluvalesa.

Maako 10:10

Asinoni vaIsalele valililile kuli Shukulu Kalunga vendekele ngwavo, “Tunalingi vuvi ku mesho ove, omwo tunaseza yove, Njambi yetu, co tunalemesa Mbale.”

Maako 10:6

Co lalo vaIsalele valingile vuvi ku mesho a Shukulu Kalunga akulemesa Mbale, na Asitalete, vinjambi va Silya, na Sindone, na Mowavi, na Amoni, na Filisitiya. Valikelele kulemesa Shukulu Kalunga nakujeneka kumupangela.

Maako 13:1

Co vaIsalele valingile lalo vuvi ku mesho a Shukulu Kalunga, co Shukulu Kalunga wavakundikile ku mavoko a vaFilisitiya ngeci vavashwane myaka 40.

Maako 3:12

Co vanu va Isalele valingile lalo vuvi ku mesho a Shukulu Kalunga. Omwo eci, Shukulu Kalunga waanene nzili kuli Mwene Engilone wa ku Mowavi, co wafungulwile vaIsalele.

Maako 3:7

Co vanu vaIsalele valingile vuvi ku mesho a Shukulu Kalunga, vevalele Shukulu Kalunga Njambi yavo, nakulemesa tumponya twa vaMbale na Ashela.

Maako 4:1

Munima ya kutsa kwa Ehunde, vanu va Isalele valingile lalo vuvi ku mesho a Shukulu Kalunga.

Maako 6:1

Co lalo vanu va Isalele valingile vuvi ku mesho a Shukulu Kalunga, ngecivene, Shukulu Kalunga wavakundikile ku mavoko a vaMindyani vaje vavashwanene myaka itanu na ivali.

Maako 6:25

A vutsiki vuje vene, Shukulu Kalunga walekele Ngilyone ngwendi, “Ambata ngombe wa nkomba wa isho na ngombe wa nkomba mukwavo wa myaka itanu na ivali, co siwula mutula wa isho wa Mbale, co vatula manda ya Ashela, ije ili kumukulo wawo.

Maako 8:33

Co munima ya kutsa kwa Ngilyone, vanu va Isalele kuvakulaelele lalo kuli Njambi, oloni valemesele Mbale. Co vatengulwile Mbale kupwa njambi yavo,

1 Samwele 12:10

Asinoni valililile kuli Shukulu Kalunga ngeci avakwase, co vendekele ngwavo, ‘Tunalingi vuvi, omwo tunakengesa nima Shukulu Kalunga, tunalemesa tumponya twa Mbale, na Asitalete. Twamene ku vitozi vetu, co tukakulemesa!’

1 Samwele 7:3

Samwele wendekele kuli vanu va Isalele ngwendi, “Nga mwiluka kuli Shukulu Kalunga na vimbunge vyeni vyoshe, co munapande kutundisa vinjambi veka na vifwa vya Asitalete njambi wa munakazi. Likundikeni kuli Shukulu Kalunga nakulemesa ikeye lika, co akamyamena ku nzili ya vaFilisitiya.”

1 Samwele 7:4

Ngecivene, vaIsalele vatundisile tumponya twavo twa Mbale, na Asitalete, co valemesele Shukulu Kalunga lika.