Maako 2:10 - Livulu lya Shukulu Kalunga

¹⁰ Co cisemwa coshe cije catsile, co munima ya cije cisemwa, cisemwa cikwavo cashangumukile, vaje kuvazivukile Shukulu Kalunga nameme kuzivuka vije vyalingile ali vaIsalele.

Maako 2:10 Iomraidhean Croise

Kushangumuka 15:15

Oloni yove ukakuluvala, ukatsa mu kwoloka, co vakakutsinda.

Kushangumuka 25:17

Ishimela watsile omo wakele na myaka 137.

Kushangumuka 25:8

co watsile omo wakuluvalele manene. Vamutsindile kuje vatsindile vavushoko vwendi.

Kushangumuka 49:33

Omo Yakomba wamanesele kushika vana vendi, welwisile mendi endi a vulili, co watsile.

2 Samwele 7:12

Omo ukatsa nakukutsinda na vakukulwila vove, co njikapwisa umo wa ali vana vove mwene, njikakolesa vumwene vwendi.

1 Mizimbu 28:9

Co kuli Solomoni wendekele ngwendi, “Munange, njikushika ngwange kavangeya Njambi ya isho, nakumupangela na mbunge yoshe, co likundike na cizango ca mana ove. Ikeye azivuka viyongola vyetu vyoshe na mashungu avyo. Nga umushakezeka, co ukamuwana, oloni nga umuseza, co akakujenjuka ku myaka yoshe.

Yombi 21:14

“Vaka-vuvi valinakuleka Njambi ngeci avaseze avo lika, vakevo kuvashaka kuzivuka cizango cendi mukuyoya kwavo.

Kutuuka 1:6

Omo kwetile simbu, Yosefa amo na vandolome vendi voshe na cisemwa cavo coshe vatsile,

Kutuuka 1:8

Asinoni mwene wamuhwa, uje kazivukile Yosefa, washwanene mu Ingito.

Kutuuka 5:2

Oloni mwene wavakumbulwile ngwendi, “Shukulu Kalunga ikeye iyajo owo njimutolilile, ngeci njitave vaIsalele kuya? Yange kunjimuzivuka owo Shukulu Kalunga, co kunjitava ngeci vaIsalele vaye.”

Isaya 5:12

Ku viwano vyeni kwakala tulyalya, na tumbulumbumba, na vimbendo, na vinyu. Oloni kumuzivuka vije vyalinakulinga Shukulu Kalunga,

Njelemiya 22:16

Ikeye waamenene vaka-kuutwa, vyuma vyoshe kuli ikeye vyendele mwamuvwa. Omu mukemwo mucalumbunukila kuzivuka Shukulu Kalunga.

Njelemiya 31:34

Naumo wai akalongesa mundambo wendi nambe ndolome yendi kuzivuka Shukulu Kalunga, omwo voshe vakanjizivuka, kushangumukila ku vanike kutwala ku vakulunu. Njikavasambesa ku vivi vyavo, co kunjikanuka milonga yavo. Yange Kalunga, njinendekamo.”

Njelemiya 9:2

Tawee, ngwe njakele na mutambela wakutumbama mu mambo kunjashondoloka kuli vanu vange. Omwo voshe vanapu vaka-vungungu.

Njelemiya 9:3

Simbu yoshe vendeka makuli, makuli anatumu mu lifuti kumwesi vushunga embwe. Shukulu Kalunga nendeka ngwendi, “Vanu vange valinakulinga vuvi simbu yoshe, co kuvesi nakumba mbunge kuli yange Njambi yavo.”

Njelemiya 9:5

Voshe vakalikwisa umo na mukwavo, co naumo wai endeka vushunga, valilongesa kwendeka makuli, kuvakecela vuvi vwavo.

Kulava 27:13

Co omo unalimono, asinoni ukatsa, ngwe muje mwatsile ndolome yove Alone.

Luka 20:32

Co akukotoka kwa vyoshe evi munakazi watsile.

Vilinga vya Miluwa 13:36

“Omwo Ndaviti wapangele cizango ca Njambi a simbu yendi vavenya, co watsile, co vamutsindile na vakukulwila vendi, co muvila wendi wavolelele mu mbumbo.

Kwituluka mu Mashiko 31:16

Co Shukulu Kalunga wendekele kuli Mosesa ngwendi, “Ololo ukatsa, co omo unatsi laja, vanu vakajeneka kunjononoka, co vakapokola cikumiiyo cije njalikumiiye navo. Vakanjiseza nakulemesa vinjambi va mu lifuti lije livakakovela.

2 Tesalonika 1:8

amo na milangi ya tuhya, nakunyanyamesa vaje vavyana Njambi, na vaje kuvesi kwononoka Vin̄anda Vyavivwa vya Mwene yetu Yesu.

Tito 1:16

Vendeka ngwavo vazivuka Njambi, oloni ku vipangi vyavo vanamuvyana. Vakevo vanapu vaka-kumuzinda na vaka-kujeneka kumwononoka, co kuvapandelemo mukulinga vyuma vyavivwa.

Yoshwa 24:31

Omo Yoshwa wakele nakuyoya vanu va Isalele vapangelele Shukulu Kalunga. Co munima ya kutsa kwendi vakele nakupangela Shukulu Kalunga noo vantwama vaje vatsile vaje valimwenenene vakevo vavenya vyuma vyoshe vije vyalingile Shukulu Kalunga ali vaIsalele.

1 Samwele 2:12

Vana va Eli vapwile vanu vavavi manene. Kuvakele na lyova kuli Shukulu Kalunga,