Maako 19:26 - Livulu lya Shukulu Kalunga

²⁶ A mungulungengu, munakazi wezile nakuwila asi ku cikolo ca lipito lya njuvo ya uje mukulunu, muje mwakele munalume wendi. Co ikeye wakele kuje noo litangwa linaki.

Maako 19:26 Iomraidhean Croise

Kushangumuka 18:12

Ngecivene, Sala wajolele mu mbunge yendi nakwendeka ngwendi, “Ololo yange njinakuluvala laja, co lalo njinazeye, munalume wange lalo nakuluvala laja, kuma yange cinjili lalo na lishungu lyakukita vana ndi?”

1 Petulu 3:6

Sala walingile eci, wononokele kuli Avilahama nakumutumbula shukulu yendi. Co yeni ololo munapu mu vana vendi va vanakazi nga mulinga mwamuvwa kujeneka kuzivila lyova cuma cimo.

Maako 19:25

Oloni vaje vanalume kuvamutolililile. Ngecivene, uje kaLevi watuwisile lishano lyendi lya mbanja anja, co wavaneneye. Co vakevo vamuviisile vutsiki vwoshe noo mutondo.

Maako 19:27

Co munalume wendi wendukile mutondo, omo washokolwele ku lipito ngeci atuuke, co wawanene lishano lyendi lya mbanja anga nalala mu cikolo ca njuvo, mavoko endi anakwata a lipito.

Maako 19:3

Asinoni munalume wendi wamukavele, nakweseka kumusindiya kwiluka kuli ikeye. Ikeye waile na ngamba yendi na vimulu vavali. Co uje munakazi watambwile mwamuvwa munalume wendi uje kaLevi ku njuvo ya ishe, co omo ishe wamumwene, wamutambwile nakuvwaelela manene.