Maako 19:23 - Livulu lya Shukulu Kalunga

²³ Oloni uje mukulunu wa munalume watuukile anja, co wendekele kuli vakevo ngwendi, “Embwe, vasamba vange! Kesi mulinge vuvi vwa cifwa cangacije embwe! Ou munalume napu mungenzi wange.

Maako 19:23 Iomraidhean Croise

Kushangumuka 19:8

Kengeni, njili na vana va vanakazi vavali vaje kanda valimone na vanalume. Imaneni njimituwisilevo anja, co mwasa kulinga vyoshe vimushaka kuli vakevo. Oloni kesi mulinge cuma cimo cacivi kuli vanalume ava, omwo vakevo vanapu vangenzi mu njuvo yange, co njinapande kuvavingilikiya.”

Kushangumuka 34:7

A simbu ije vene vana va Yakomba vezile kutunda mu cana. Omo vazivile a cuma eci, co vazivile manene kuvavala ku vimbunge na vukalu ali Shekeme, omwo ikeye nalingi cuma cakufwa ngacije cakutuka vanu va Isalele akukwata muna Yakomba nakumuwisa. Cuma cangacije kucapandele kulingiwa.

2 Samwele 13:12

Co Tamale wamukumbulwile ngwendi, “Embwe ndolome yange. Kesi unjisindiye kulinga cuma ca shwamwa ngacije! Capwa cuma cacivi!

Kwituluka mu Mashiko 22:21

asinoni uje mumbanda vakamutwala ku cikolo ca njuvo ya ishe. Vanalume va muje mu nganda vakamwasheleko mamanya nakumutsiya, omwo ikeye nalingi cuma cacivi manene ca shwamwa akati ka vanu va Isalele akulimona na munalume omo ikeye kanda ashomboke, ali ku njuvo ya ishe. Mu ngila eyi mukatundisa vuvi ovu mu Isalele.

Yoshwa 7:15

Co cikapwa ngeci woshe uje vakawana na vyuma vije vyakukundika vakamwenyeka, na naanga yendi, na vyuma vyendi vyoshe, omwo nanena shwamwa yakama ali Isalele, co napokola cikumiiyo cange.”

Maako 20:6

Co yange njambatele muvila wendi, nakuuvatozola vipuka-vipuka, njatumine vipuka vyendi ku muyati umo na umo wa vanu va Isalele. Vanu ava vanalingi cuma cacivi na vukolokomba mu Isalele.