Maako 17:13 - Livulu lya Shukulu Kalunga

¹³ Co Mika wendekele ngwendi, “Ololo njili nou kaLevi kupwa muka-kukombelela wange, njazivuka ngeci Shukulu Kalunga akashungamesa vyuma vyoshe, co vikapwa vyavivwa kuli yange.”

Maako 17:13 Iomraidhean Croise

Visimo 14:12

Kuli ngila ije amona munu ngeci inapu ngila ya vushunga, oloni mamaneselelo ayo inapu ngila ya kutsa.

Isaya 44:20

Mana angacije vunene anapu ngwe kulya manungu. Viyongola vya munu ou vinapu vya vulema, vinamusevwisa, ngeci kukwesi seo lalo yai. Kanangukile ngeci ngwendi aka kamponya kanakwata mu livoko lyendi kukapwile njambi embwe.

Mateo 15:13

Ikeye wavakumbulwile ngwendi, “Vimbuto vyoshe vije Tate wa mwilu kavikunine vakavitukula.

Mateo 15:9

Cinapu cangoco kuli vakevo kunjilemesa, omwo vakevo valinakulongesa mashiko a vanu ngwe akewo anapu mashiko ange!’ ”

Yowano 16:2

Vakamisheka mu masinangonge, mwa vushunga simbu ikaija omo woshe uje akamitsiya akayongola ngeci akulinga cuma eci alinakupangela Njambi.

Vilinga vya Miluwa 26:9

“Nange vene njayongwele ngwange njasa kulinga vyuma vyavingi vyakulwisa lizina lya Yesu wa ku Nazaleta.

Maako 17:12

Co Mika wemikile uje mukwenje kupwa muka-kukombelela wendi, uje mukwenje wakele mu limbo lya Mika.

Maako 18:1

A simbu ije, kukwakele mwene mu Isalele. Co a matangwa aje vanu va muyati wa Ndani vashakezekele mutambela ngeci upwe wavo vatungemo, omwo te kanda vatambule mutambela wavo akati ka miyati ya vanu va Isalele.

Maako 18:24

Mika wavakumbulwile ngwendi, “Ngweni, ‘Mulonga ukajo?’ Munambata muka-kukombelela wange, na vinjambi vaje njapangele munaija navo! Co yange vika njinasala navyo?”