Maako 16:30 - Livulu lya Shukulu Kalunga

³⁰ Co watambekele ngwendi, “Tava njitse amo na vaFilisitiya!” Co wasindikile na nzili yendi yoshe, co njuvo yasiwukilile asi na vaje vimyene voshe vatanu, na vanu veka lalo. Co Samusoni watsiile vanu vavangi manene a kutsa kwendi kutuvakana vaje vatsiile a simbu yakuyoya kwendi.

Maako 16:30 Iomraidhean Croise

Kushangumuka 3:15

Njikaka vutozi akati kove na munakazi, na akati ka mbuto yendi na mbuto yove. Co mbuto yendi ikasanyozola mutwe wove, co yove lalo ukamushuma ku linsinsinye lyendi.”

Yombi 20:5

kujolela kwa vaka-vuvi kukwesi kwishwala. Co kuvwaelela kwa vaka-kujeneka kukulaela kwapwa kwa kasimbu kakandondo.

Yombi 31:3

Kuma tuyando kutwesi kweta kuli vaka-vuvi? Na luvinda kuli vaka-kulinga vyavivi ndi?

Myaso 62:3

Visimbu vingaijo yeni voshe mukalwa na munu wakuzeya? Uje napu ngwe civumbe cakusiwuka, nambe ngwe cimpaka cije cishaka kusiwuka?

Muka-kwambulula 9:12

Omwo munu kazivuka simbu yendi omo yeta. Ngwe tuzila omo vakatsi vwasi-vwasi mu mweto, ngwe lalo visi omo vakatsi a linimbwa, mukemwo lalo na vanu vakatsi mu nganjo omo simbu ya vuvi ije kutwavandamenene yeta.

Mateo 16:25

Omwo munu woshe ashaka kunyunga mwonyo wendi auzimbalesa, oloni munu uje azimbalesa mwonyo wendi omwo lizina lyange akauwana.

Vilinga vya Miluwa 20:24

Oloni njinayongola ngwange mwonyo wange kuwesi na seo kuli yange, njishaka lika kumanesa vipangi vyange nakumanesa vipangi vije vyanjanene Mwene Yesu ngeci njivilinge, vikevyo kwambulula Vin̄anda Vyavivwa vya kutetela kwa Njambi.

Vilinga vya Miluwa 21:13

Oloni wakumbulwile ngwendi, “Vikajo mulinakulinga? Kulila nakupokola mbunge yange? Njinalivwaesela cimweja kesi lika kunjikuta mu Yelusalema embwe, oloni nameme kutsila vene muje omwo a lizina lya Mwene Yesu.”

Filipu 2:17

Nambe nga vetila maninga ange ngwe mulambu wa a n̄ombelo ije yakukulaela kweni kuli Njambi, njivwaelela nakujolela amo neni voshe.

Filipu 2:30

omwo waanene mwonyo wendi, co washakele kutsa omwo a vipangi vya Kilistu, ngeci anjikwase kuli vije yeni kumwasele kunjana.

Filipu 2:8

Co walikeesele nakwenda mu ngila yakwononoka kutwala ku kutsa kwendi, kutsa kwendi a cilindakano.

Kolose 2:15

Co a cilindakano cije Kilistu walipatwile ikeye vavenya kutunda ku nzili ya minzinzime ije ilinakushwana na moko ya vaka-kushika, walingile eci mutanya mwelu kuli vakevo akuvatwamenena ngwe vinzinda mukuhyana kwendi.

1 Tesalonika 5:2

Omwo yeni vavenya mwazivuka ngweni Litangwa lya Mwene likaija ngwe mwizi omo akaija a simbu ya vutsiki.

Maako 14:19

Co Munzinzime wa Shukulu Kalunga wezile na nzili ali Samusoni, co waile ku Ashekelone, kuje wakatsiile vanalume vakupwa makumi atatu, co wavapukwile vyavo, waanene vuzalo vwavo kuli vaje vanalume valumbunwine kaje kasau. Munima ya vyuma evi, Samusoni waluvalele manene a vije vyalingiwile, co welukile ku njuvo ya ishe,

Maako 15:15

Co Samusoni wawanene citsiya ca mbange ya cimulu te mwacitsa. Wacinonele, co watsiile naco vanalume vakupwa 1,000.

Maako 15:8

Co ikeye wavalwisile manene, watsiile vavangi. Asinoni waile, co wakakele mu citeke ca limanya ku Etame.

Maako 16:29

Co Samusoni wakwatele vimanda vivali vya mukati vije vyakolesele njuvo. Co waakele livoko a manda imo na imo, co wajendameneneo wavisindikile na nzili yendi yoshe.

Maako 16:31

Vandolome vendi na vavushoko vwendi vezile nakwambata muvila wendi. Co vamwilwisile nakumutsinda mukati ka Zola na Eshetawole mu mbumbo ya ishe Manowa. Ikeye wapwile lyaako mu Isalele myaka 20.