Maako 16:18 - Livulu lya Shukulu Kalunga

¹⁸ Omo Ndelila wanangukile ngeci namuleka oni vushunga, co watumine lijwi kuli vaje vimyene va vaFilisitiya nakuvaleka ngwendi, “Ijeni kuno simbu imolika lalo. Ololo nanjileka vushunga.” Asinoni vanenele vimbongo kuli ikeye.

Maako 16:18 Iomraidhean Croise

1 Vimyene 21:20

Omo Ahave wamwene Elinja, wendekele ngwendi, “Wanjiwana oni citozi cange?” Elinja wakumbulwile ngwendi, “Eyo, njakuwana. Yove wakakateya kulinga vije vya vunyengwe ku mesho a Shukulu Kalunga.

Myaso 62:9

Vanu voshe vanapu ngwe muku, naumo wai napu wa seo. Kuvapeselesa voshe kuvesi na vulemu, vanapu vavehu ngwe muku.

Visimo 18:8

Majwi a muka-kufweya anapu ngwe vyakulya vyakutovala, akakovela mwimo.

Kulava 22:7

Ngecivene, vantwama va vaMowavi na vaMindyani vatwalele mushendo wakutaesa kuli Mbalame, co vamulekele majwi atundile kuli Mwene Mbalake.

Mateo 26:15

co wavehwile ngwendi, “Vikajo mukanjana nga njikamisholwelaye?” Co vamufwetele makumi atatu a vimbongo vya siliva.

Efeso 5:5

Mwa vushunga, naumo wai muka-vupangala, nambe muka-mazilo, nambe muka-cipululu, (omwo cipululu citwala kukulemesa tumponya) kesi na mutambela mu Vumwene vwa Kilistu na Njambi.

1 Timateo 6:10

Omwo cizemo ca vimbongo cinapu nsina ya miyati yoshe ya vuvi. Vamo vanakele na mashungu a nzili ngeci vakele navyo, mukulinga ngacije vanatundu kukukulaela kwavo, co vanapokola vimbunge vyavo na vusiwa vwavungi.

Maako 16:17

co akukotoka wamulekele vushunga ngwendi, “Vin̄ambu vyange kanda vaciviteule. Yange vanjikundikile kuli Njambi kupwa kaNazalite kutunda ku simbu ije njasemukile. Nga vin̄ambu vyange vaviteula, co njikajeneka nzili, njikapwa wakuzeya ngwe munu woshe.”

Maako 16:19

Co Ndelila wambumbungiiye Samusoni a mendi endi lalo, ngeci aye mu tulo, co wasanene munalume ngeci akongovole mambonge a Samusoni. Co washangumukile kumuyandesa, omwo ikeye wajenekele oni nzili.

Maako 16:5

Co vimyene vatanu va vaFilisitiya vaile kuli uje munakazi vendekele nendi ngwavo, “Soka-soka Samusoni ngeci akuleke omwo vikajo wakala na nzili ya ngacije, co vatijo twasa kumufungulula, ngeci tumukute nakumuyandesa. Co yetu tukakwana vimbongo vya mavundungulu a siliva akupwa 1,100.”