Maako 15:15 - Livulu lya Shukulu Kalunga

¹⁵ Co Samusoni wawanene citsiya ca mbange ya cimulu te mwacitsa. Wacinonele, co watsiile naco vanalume vakupwa 1,000.

Maako 15:15 Iomraidhean Croise

2 Samwele 23:8

Awa akewo mazina a mashwalale va Ndaviti va lutsimo, wakulivanga wapwile Yosheve Mbashevete wa ku Takemone, ikeye wapwile ntwama ya “Vatatu” walwisile vanalume 800 na likunga lyendi, co voshe wavatsiile mu nzita imolika.

VaLevi 26:7

Co mukafungulula vitozi veni.

VaLevi 26:8

Vanu vatanu akati keni vakafungulula ciita, co vanu ciita vakafungulula makulukazi likumi. Vitozi veni vakafunguluka mu nzita.

VaHevelu 11:34

vazimine tuhya twatukalu, co vaputumukile kukuvatapa na mukwale. Vapwile vaka-kuzeya oloni vemukile vaka-nzili, vapwile vaka-nzili mu nzita, co vahyanene mashwalale va vangenzi.

Yoshwa 23:10

Munalume umo wa ali yeni asa kusheka vanalume 1,000, omwo Shukulu Kalunga Njambi yeni ikeye amilwilako, ngwe muje mwamikulaesele.

Maako 15:16

Ngecivene, Samusoni watendele mwaso ngwendi, “Njatsii vanalume vakupwa 1,000, na mbange ya citsiya ca cimulu. Njavalundika mitumbo-mitumbo ngwe vimulu, na mbange ya citsiya ca cimulu.”

Maako 15:17

Omo namanesa kwimba, co wombilile kuti cije citsiya ca mbange ya cimulu. Co uje mutambela vaulukile ngwavo Lamate Lehi.

Maako 3:31

Munima ya Ehunde kwezile Shamengale muna Anate. Na ikeye lalo wapwile ntwama ya vaIsalele, akutsiya vaFilisitiya vakupwa 600 na citi cakutimwisa vingombe.

Maako 4:21

Sisela wajukile manene, ngeci waile mu tulo twakama. Co Njaele wambatele kavulo na pampalingo ya mbalaka, co wamumwengelelele nakumupameya mu mbanda ya litwi pwilili na mu livu.

Maako 7:16

Co waangunwine vaje vanu vendi 300 mu vimbunga vitatu, co waanene munu na munu lupembo, na njava, amo na mutetango mukati kayo.

1 Samwele 14:14

Co a simbu yakulivanga, Yonatana na mukwenje vatsiile vanalume makumi avali mu kamutambela kakandondo lika.

1 Samwele 14:6

Yonatana wendekele kuli uje mukwenje wambatele vitwa vyendi vya nzita ngwendi, “Tujavuke tuye musambwa mu cilombo ca vaFilisitiya vaje vaka- kuli kukulaela Shukulu Kalunga. Amo Shukulu Kalunga akatukwasa, omwo kukwesi vimuvindika kutuhyanesa, nambe tunapu tuvavandondo lika.”