Maako 15:14 - Livulu lya Shukulu Kalunga

¹⁴ Co omo wetele ku Lehi, vaFilisitiya vamushatukilile, nakutambeka manene, co Munzinzime wa Shukulu Kalunga wezile na nzili yakama ali ikeye, co ikeye washutwile mikole ije ivakutile ku mavoko endi, ngwe ashutozola mikole yakuvola.

Maako 15:14 Iomraidhean Croise

Yombi 20:5

kujolela kwa vaka-vuvi kukwesi kwishwala. Co kuvwaelela kwa vaka-kujeneka kukulaela kwapwa kwa kasimbu kakandondo.

Myaso 118:11

Vanjizengelekele ku mitambela yoshe, oloni mu lizina lya Shukulu Kalunga njavanyongesele!

Myaso 18:34

Ikeye anjilongesa kulwa nzita, ngecivene, mavoko ange ase kunana vuta vwa lusipa vwakukola.

Kutuuka 14:3

Co mwene wa Ingito akayongola ngwendi vaIsalele valinakwendangana nakulizenga mu lifuti, vanazimbala mu mambo.

Kutuuka 14:5

Omo mwene wa Ingito vamulekele ngwavo vanu va Isalele vanavomboloka, co ikeye na vamyata vendi vatengulwile viyongola vyavo vendekele ngwavo, “Vika tunatavela vaIsalele ngeci vavomboloke? Ololo tunajeneka vinzinda vetu!”

Mika 7:8

Vitozi vetu, kesi muvwaelele omwo tuyando twetu! Twasa kuwa, oloni tukenduka lalo, twasa kutumbama mu lisusulungu, oloni Shukulu Kalunga atwana ceke.

Zakaliya 4:6

Co kangelo wanjilekele kwambulula majwi awa kuli Zelumbambele akutunda kuli Shukulu Kalunga ngwange Shukulu Kalunga nendeka ngwendi, “Yove ukahyana, kesi na nzili ya vushwalale nambe na nzili yove vavenya embwe, oloni na Munzinzime wange.

Filipu 4:3

Co nove lalo, muka-kupanga amo nange wa kulongwa, njishaka ukwase ava vanakazi, omwo vakevo vanapanga amo nange manene mukushandola muzimbu wauvwa, amolika na Kelemente na voshe veka vaka-kupanga amo nange, vaje mazina avo ali mu livulu lya Njambi lya vaka-kuyoya.

Maako 14:19

Co Munzinzime wa Shukulu Kalunga wezile na nzili ali Samusoni, co waile ku Ashekelone, kuje wakatsiile vanalume vakupwa makumi atatu, co wavapukwile vyavo, waanene vuzalo vwavo kuli vaje vanalume valumbunwine kaje kasau. Munima ya vyuma evi, Samusoni waluvalele manene a vije vyalingiwile, co welukile ku njuvo ya ishe,

Maako 14:6

Co vwasi-vwasi Munzinzime wa Shukulu Kalunga wezile na nzili ali Samusoni, co watavozwele ndumba na mavoko endi vipuka-vipuka, ngwe atavozola muna membe. Oloni kalekeleko visemi vyendi vije vyalingile.

Maako 15:13

Co vamukumbulwile ngwavo, “Mukemwo, tukukuta lika nakukwana kuli vakevo. Kutushaka kukutsiya embwe.” Vamukutile na mikole ivali yaiha, co vamutundisile mu citeke.

Maako 15:9

VaFilisitiya vezile nakutunga cilombo cavo mu Yunda, co valwisile limbo lya Lehi.

Maako 16:12

Ngecivene, Ndelila wanonele mikole yaiha, co wamukutile. Asinoni watambekele ngwendi, “Samusoni! VaFilisitiya vanaija!” Vaje vanalume vavandamenene mu mulili ukwavo. Oloni Samusoni wavatozwele mikole ya ku mavoko endi ngwe munu avatozola vwanda.

Maako 16:24

Co omo vanu vamumwene, vembile nakulemesa njambi yavo, omwo vembile ngwavo, “Njambi yetu nakundika citozi cetu Samusoni ku mavoko etu, uje waviisile lifuti lyetu, nakutsiya vanu vetu vavangi nakuvalundika mitumbo-mitumbo!”

Maako 16:9

Ndelila wakele na vanalume vamo vavandamenene mu mulili ukwavo, co watambekele ngwendi, “Samusoni! VaFilisitiya vanaija!” Oloni ikeye wavatozwele mingusha ngwe vwanda vushutozoka omo vunakwata ku tuhya. Ngecivene, vakevo kuvazivukile nzili yendi uyemana.

Maako 3:10

Munzinzime wa Njambi wezile ali ikeye, co wapwile lyaako lya vaIsalele. Otenyele waile ku nzita, co Shukulu Kalunga wakundikile Mwene Kushane Lishataime wa ku Mesopotamya ku mavoko endi.

Maako 5:30

“Valinakushakezeka lika kuwana vyuma vyakupukula nakulipangelavyo, mumbanda umolika nambe vavali kuli lishwalale na lishwalale, na vuzalo vwavuvwa kuli Sisela, na vinanga vyakwola vya mu mukoshi wa vamwene.”

1 Samwele 10:10

Omo Saulu na ngamba yendi vetele ku Ngimbeya, waliwanene na mbunga ya vaka-kwimanena. Co vwasi-vwasi Munzinzime wa Njambi wezile na nzili ali ikeye, co nendi wambulwile vuka-kwimanena akati kavo.

1 Samwele 10:6

Co Munzinzime wa Shukulu Kalunga ukaija na nzili ali yove, ukambulula vuka-kwimanena amo navo, co ukafwa ngwe munu weka.

1 Samwele 11:6

Omo Saulu wavizivile, co Munzinzime wa Njambi wezile na nzili ali ikeye, co waluvalele manene.

1 Samwele 17:35

yange njimukava munima, nakumulwisa, nakucakununa uje muna manga. Co nga uje ndumba nambe ingwe anjitengulukila, co yange njikamukwata ku munjezi nakumupupanga noo natsi.

1 Samwele 4:5

Omo Cikasa ca Cikumiiyo cetele mu cilombo, co vaIsalele vatambekele manene nakujolela, co asi ajajele.