Maako 15:11 - Livulu lya Shukulu Kalunga

¹¹ Ngecivene, vanalume vakupwa 3,000 va ku Yunda vaile ku citeke kuje ku limanya ku Etame, co vendekele kuli Samusoni ngwavo, “Kuma yove kuuzivuka ngeci vaFilisitiya vakevo valinakutushwana ndi?” Co Samusoni wavakumbulwile ngwendi, “Njinavalingi ngwe muje muvanjilingile yange.”

Maako 15:11 Iomraidhean Croise

1 Mizimbu 4:3

Hule ikeye wapwile ntwatwa ya Kalembi kuli munakazi wendi Efaleta, co vatekulwila vendi vakevo vatungile nganda ya Mbetelehema. Hule wakele na vana vatanu mazina avo, Etame, na Penwele, na Ezele. Co Etame lalo wakele na vana va vanalume vatatu mazina avo, Njezelele, na Ishema, na Indevashe, na mwana umo wa munakazi, Hazeleleponi.

VaLevi 26:25

Njikanena nzita ali yeni ya kumihisa omwo munapokola cikumiiyo cange, nga mukalikungulwila mu vinganda vyeni nakuvandamo, co njikatuma mushongo wa lulanga akati keni, njikamikundika kuli vitozi veni ngeci vakamishwane.

Kwituluka mu Mashiko 28:13

Co Shukulu Kalunga Njambi yeni akamipwisa vantwama akati ka miyati ya vanu, kumukapu vakumanesela embwe. Simbu yoshe mukalinga mwamuvwa kumukonwa nga mwononoka mashiko a Shukulu Kalunga Njambi yeni, awa njilinakumishikawo ku litangwa lya lelo, anyungeni nakuwapangesa.

Kwituluka mu Mashiko 28:43

“Vaka-kwija vaje valinakukala mu lifuti lyeni vakakala na nzili manene, oloni nzili yeni ikatepuluka.

Maako 13:1

Co vaIsalele valingile lalo vuvi ku mesho a Shukulu Kalunga, co Shukulu Kalunga wavakundikile ku mavoko a vaFilisitiya ngeci vavashwane myaka 40.

Maako 14:4

Visemi vendi kuvazivukile ngeci eci capwile cizango ca Shukulu Kalunga, ikeye watwamenenene Samusoni kulinga ngeci, omwo Shukulu Kalunga washakezekele ngila yakulwa na vaFilisitiya. A simbu ije vaFilisitiya vakele na moko mu Isalele.

Maako 15:10

Co vanalume va mu Yunda vehwile ngwavo, “Omwo vikajo mulinakutulwisila?” Co vakumbulwile ngwavo, “Tunaija nakukuta Samusoni tukamulinge ngwe muje mwatulingile ikeye.”

Maako 15:12

Co vamulekele ngwavo, “Tunaija kuno mukukukuta, ngeci tukakwane kuli vakevo.” Samusoni wavalekele ngwendi, “Lisingeni kuli yange ngeci yeni kumukanjitsii.”