Maako 14:19 - Livulu lya Shukulu Kalunga

¹⁹ Co Munzinzime wa Shukulu Kalunga wezile na nzili ali Samusoni, co waile ku Ashekelone, kuje wakatsiile vanalume vakupwa makumi atatu, co wavapukwile vyavo, waanene vuzalo vwavo kuli vaje vanalume valumbunwine kaje kasau. Munima ya vyuma evi, Samusoni waluvalele manene a vije vyalingiwile, co welukile ku njuvo ya ishe,

Maako 14:19 Iomraidhean Croise

Maako 1:18

Vanu va muyati wa Yunda vafungulwile lalo Ngaza na mutambela wayo, na Ashekelone na mutambela wayo, na Ekelone na mutambela wayo.

Maako 13:25

Co Munzinzime wa Shukulu Kalunga wezile na nzili ali ikeye omo wakele mukati ka Zola, na Eshetawole mu Cilombo ca Ndani.

Maako 14:18

Ngecivene, a litangwa lyamucitanu na avali, omo Samusoni kanda aciye ku vulili, co vanalume va muje mu nganda vendekele kuli ikeye ngwavo, “Vikajo vyahyana kutovala kutuvakana vuki? Vikajo vyahyana nzili kutuvakana ndumba?” Samusoni wavakumbulwile ngwendi, “Nga kumwalimine na ngombe yange wa lwavo, nga kumwazivukile kulumbunuka kwa kasau kange.”

Maako 14:6

Co vwasi-vwasi Munzinzime wa Shukulu Kalunga wezile na nzili ali Samusoni, co watavozwele ndumba na mavoko endi vipuka-vipuka, ngwe atavozola muna membe. Oloni kalekeleko visemi vyendi vije vyalingile.

Maako 15:14

Co omo wetele ku Lehi, vaFilisitiya vamushatukilile, nakutambeka manene, co Munzinzime wa Shukulu Kalunga wezile na nzili yakama ali ikeye, co ikeye washutwile mikole ije ivakutile ku mavoko endi, ngwe ashutozola mikole yakuvola.

Maako 3:10

Munzinzime wa Njambi wezile ali ikeye, co wapwile lyaako lya vaIsalele. Otenyele waile ku nzita, co Shukulu Kalunga wakundikile Mwene Kushane Lishataime wa ku Mesopotamya ku mavoko endi.

1 Samwele 11:6

Omo Saulu wavizivile, co Munzinzime wa Njambi wezile na nzili ali ikeye, co waluvalele manene.

1 Samwele 6:17

VaFilisitiya vatumine tumponya twa mazimbo twa ngolinde tutanu kupwa n̄ombelo ya a vuvi vwavo kuli Shukulu Kalunga, kamo na kamo a vinganda vya Ashendonde na Ngaza, na Ashekelone na Ngate, na Ekelone.

1 Samwele 6:4

Co vanu vehwile ngwavo, “N̄ombelo ya a vuvi mukajo tukamutumina?” Co vakumbulwile ngwavo, “Tumponya tutanu twa ngolinde twa mazimbo, na tumponya tutanu twa ngolinde twa vimuku, umo na umo ngwe ku vimyene va vaFilisitiya. Omwo mushongo umolika wakele ali yeni voshe na ali vimyene ava vatanu.