Maako 14:18 - Livulu lya Shukulu Kalunga

¹⁸ Ngecivene, a litangwa lyamucitanu na avali, omo Samusoni kanda aciye ku vulili, co vanalume va muje mu nganda vendekele kuli ikeye ngwavo, “Vikajo vyahyana kutovala kutuvakana vuki? Vikajo vyahyana nzili kutuvakana ndumba?” Samusoni wavakumbulwile ngwendi, “Nga kumwalimine na ngombe yange wa lwavo, nga kumwazivukile kulumbunuka kwa kasau kange.”

Maako 14:18 Iomraidhean Croise

2 Samwele 1:23

“Saulu na Yonatana, vapwile vaka-cizemo cakukomokesa manene, mu mwonyo na mu kutsa kuvalyangunukile, ku lumbisi vahyanene vingonga, co ku nzili vahyanene vindumba.

Myaso 81:16

oloni njikamilisa makende amavwa, nakumikutisa mwamuvwa na vuki vwa mu limanya.”

Visimo 30:30

vindumba, vapwa va nzili manene, kutuvakana tusitu voshe, co kuvesi kutewa cuma nacimo cai.

Ezekiyele 1:10

Cikashama umo na umo wakele na vihanga viwana vya kulifwa, cihanga ca munu kulutwe, ku cilyo kwakele cihanga ca ndumba, ku cimoshwe kwakele cihanga ca ngombe wa nkomba, kunima kwakele cihanga ca ngonga.

Maako 14:17

Co ikeye walilile noo matangwa oshe a ciwano ahwile, co Samusoni wamulekele kulumbunuka kwa kasau, omwo wamukakateyeye ngeci amulekeko. Asinoni munakazi wa Samusoni wakalekele vanu vendi vaFilisitiya.

Maako 14:19

Co Munzinzime wa Shukulu Kalunga wezile na nzili ali Samusoni, co waile ku Ashekelone, kuje wakatsiile vanalume vakupwa makumi atatu, co wavapukwile vyavo, waanene vuzalo vwavo kuli vaje vanalume valumbunwine kaje kasau. Munima ya vyuma evi, Samusoni waluvalele manene a vije vyalingiwile, co welukile ku njuvo ya ishe,