Maako 12:5 - Livulu lya Shukulu Kalunga

⁵ VaNgilyande vafungulwile myava ya ku Yondau kutewesa vaEfalime vajavukilao. Omo kaEfalime avomboloka alomba lisesa lyakujavuka, co vanalume va Ngilyande vamwihula ngwavo, “Yove u kaEfalime ndi?” Nga ikeye endeka ngwendi, “Embwe,”

Maako 12:5 Iomraidhean Croise

1 Vimyene 11:26

Munalume mukwavo watengulukilile Mwene Solomoni nakumulwisa wapwile umo wa vamyata vendi, lizina lyendi Yelovowame muna Nembate, wa ku Zelenda mu Efalime. Vaina vapwile fwile lizina lyavo Zeluwa.

Yoshwa 2:7

Ngecivene, vaje vanu va mwene vatuukile mu nganda, co vaka-kunyunga vashokele cikolo. Vaile nakukengezeka vaje vaIsalele vaka-kunenga lifuti ku ngila yakujavukila ku Ndonga ya Yondau.

Yoshwa 22:11

Co vaje vanu va Isalele vasaleleo vavalekele ngwavo, “Vanu va miyati ya Luvena, na Ngande, na litambelo lya Manase wa mu Ngangela vanatungu mutula ku Ngelilote, ku mutambela wetu wa ku Yondau.”

Maako 12:4

Asinoni Njefeta wakungulwile vanalume voshe va mu Ngilyande amolika, co valwisile vanu vaEfalime nakuvafungulula. (Co vaEfalime vendekele ngwavo, “Yeni vaNgilyande va mu Efalime na Manase, munatunduko ku Efalime!”)

Maako 12:6

co vakevo vamuleka endeke ngwendi, “Shimbolete.” Oloni ikeye kasele kwendekamo, co endeka ngwendi, “Simbolete,” omwo ikeye kasele kwendeka kutumbula mwamuvwa. Co vakevo vamukokangeya nakumutsiila kuje vene ku Ndonga ya Yondau kwakujavukila. Co a simbu ije kwatsile vaEfalime vakupwa 42,000.

Maako 17:7

A simbu ije vene lalo kwakele mukwenje wa kaLevi uje wakele mu limbo lya Mbetelehema mu Yunda.

Maako 3:28

Co wavalekele ngwendi, “Njikaveni! Omwo Shukulu Kalunga nakundika vitozi veni vaMowavi ku mavoko eni.” Ngecivene, vashelumukile nakukava Ehunde nakukafungulula mwela uje kuje kwakele vaMowavi, kuje kwakujavukila Yondau, co kuvatavele munu umo wa ku vaMowavi kujavuka ndonga.

Maako 7:24

Ngilyone watumine tunganda mu lifuti lyoshe lya malundu lya Efalime ngwendi, “Shelumukeni nakulwisa vaMindyani. Akeni Ndonga ya Yondau na vana va vindonga mukati kweta na ku Mbetevala, kutewa vaMindyani vajavuka.” Co vaEfalime valikungulwile amolika, co vaakele Ndonga ya Yondau na vana va vindonga mukati kweta na ku Mbetevala.

1 Samwele 1:1

Kwakele munalume umo lizina lyendi Elekana, wa ku naanga ya Efalime, wakele mu limbo lya Lama, mu lifuti lya malundu lya Efalime. Wapwile muna Yelohame mutekulu wa Elihu, muna Tohu, wa ku cikota ca Zufe.