Maako 11:39 - Livulu lya Shukulu Kalunga

³⁹ Munima ya vingonde vivali, welukile kuli ishe. Co ishe walingile vije vyakulaesele Shukulu Kalunga. Co watsile acili mumbanda kanda alimone na munalume. Eci cikeco capwile vushangumukilo vwa cilika mu Isalele,

Maako 11:39 Iomraidhean Croise

2 Mizimbu 35:25

Co Njelemiya muka-kwimanena wasonekele mbimbi yakulila ali Mwene Yosiya. Eci capwile cilika mu Isalele kuli vaka-kwimba, vanalume na vanakazi, vembile ou mwaso wa mbimbi omo vamulilile. Co mwaso ou wa mbimbi vausoneka muLivulu lya Mbimbi.

Isaya 66:3

“Vanu valinakulinga ngwe mucavavwasela. Kuli vakevo vyoshe vyafwa mumo nambe vatsiya ngombe wa nkomba wa n̄ombelo nambe vakombelela munu, nambe vakombelela muna manga nambe vatukula mukoshi wa katali, nambe vaana n̄ombelo ya vimbuto vya vinona, nambe vakombelela maninga a vangulu, nambe vakombelela insense, nambe valombela ku kamponya. Vavwaelela a vingila vyavo vya vuvi vyakulemesa.

Kwituluka mu Mashiko 12:31

Kesi mukalemese Shukulu Kalunga Njambi yeni mu cifwa cije vakalemesa naco vinjambi vavo embwe. Omwo valemesa vinjambi vavo, vakalingi vyuma vya vunyengwe vije vyazinda Shukulu Kalunga. Vakevo vakakombelela mu tuhya kuli vinjambi vavo nameme vana vavo va vanalume nambe vana vavo va vanakazi.

Maako 11:31

co njikakombelela cuma cakuyoya kupwa n̄ombelo ya kwenyeka, cije cikatuuka mu njuvo yange nakunjishesha omo njikeluka mu kwoloka kutunda mukufungulula. Co njikacana kuli yove kupwa n̄ombelo.”

Maako 11:38

Ishe wamulekele ngeci aye, co wamutumine kulyala a vingonde vivali. Ikeye na vasamba vendi valamatele ku minkinda, nakulinyenga omwo ikeye akatsa muzike nakujeneka vana.

Maako 11:40

ngeci a mwaka na mwaka a matangwa awana, vambanda vaile mukulila muna Njefeta wa ku Ngilyande.

1 Samwele 1:11

Co Hana walisingile cisingo ngwendi, “Yove Shukulu Kalunga Muka-nzili yoshe, kenga a tuyando twa ngamba yove! Njanuke kesi wivale ngamba yove! Nga unjana mwana wa munalume, co njikulaesa ngeci njikamukundika kuli yove mukuyoya kwendi kwoshe ngeci ikeye kakateula vin̄ambu vyendi.”

1 Samwele 1:22

Oloni a simbu ije Hana kaile. Walekele munalume wendi ngwendi, “Omo mwanike akashumuka, co njikamutwala ku Njuvo ya Shukulu Kalunga, ngeci akakaleko simbu yoshe yakuyoya kwendi.”

1 Samwele 1:24

Omo wamushumwine, waile nendi ku Shilo, amo na muna ngombe wa nkomba wa myaka itatu, na mutonga wa vunga vwa makilo likumi, na njeke ya cilambu yakushula ya vinyu. Co waile na Samwele ku Njuvo ya Shukulu Kalunga ku Shilo, nameme Samwele wapwile wamundondo.

1 Samwele 1:28

Ngecivene, njilinakumukundika kuli Shukulu Kalunga. Akapwe wa Shukulu Kalunga simbu yoshe yakuyoya kwendi.” Co ikeye walemesele Shukulu Kalunga kuje vene.

1 Samwele 2:18

Mu simbu ije vene Samwele wakele nakupangela Shukulu Kalunga, co wazalele kangamuna ka linyu kakujela.