Maako 11:24 - Livulu lya Shukulu Kalunga

²⁴ Co mushaka kutambula mutambela wavo ndi? Wasa kunyunga vyoshe vije vyanakwana njambi yove Kemoshe. Co yetu lalo tunyunga vyuma vyoshe vije vyanatwana Shukulu Kalunga Njambi yetu.

Maako 11:24 Iomraidhean Croise

1 Vimyene 11:7

A munkinda wa mu ngangela ya Yelusalema, Solomoni watungilileo mutambela wakulemesela Kemoshe, njambi wa vunyengwe wa Mowavi, na Moleki, njambi wa vunyengwe wa Amoni.

Myaso 44:2

Yove washekelemo vaka-kujeneka kukulaela kuli yove Shukulu Kalunga, co waakele vanu vove mu lifuti lyavo, yove wahisile miyati ikwavo lalo, co wakongweyeye vove.

Myaso 78:55

Ikeye washekelemo vavenya lifuti omo vanu vendi vakele nakuya kulutwe, co wapangezelele lifuti lyavo akati ka miyati ya Isalele, nakwana membo avo ku vanu vendi.

Njelemiya 48:13

Co vaMowavi vakaziva shwamwa, na njambi yavo Kemoshe, ngwe muvazivile shwamwa vaIsalele, na Mbetele, njambi uje ivakulaelele.

Njelemiya 48:46

Luvinda lwa vanu va ku Mowavi! Vanu vaje valemesele Kemoshe vanavanyongesa, co vana vavo va vanalume na ava va vanakazi, vanavatwala ku vunzinda.

Njelemiya 48:7

“Mowavi, yove wakulaela nzili yove na vufuko vwove, oloni vakakufungulula nakukutwala mu vunzinda, amolika na njambi yove Kemoshe, amolika na vana vendi va vimyene na vaka-kukombelela vendi.

Mika 4:5

Muyati woshe wa vanu valemesa nakwononoka njambi yavo wa kamponya, oloni yetu tukalemesa nakwononoka Shukulu Kalunga Njambi yetu ku myaka yoshe.

Kulava 21:29

Luvinda lweni, yeni vanu va Mowavi! Yeni vaka-kulemesa Kemoshe munanyongo! Vinjambi veni vapwisa vanalume ngwe vaka-kwija, co vanakazi ngwe vavanafungulula kuli Mwene Sihone wa vaAmoli.

Kwituluka mu Mashiko 18:12

Woshe uje akalinga vyuma evi akapwa wa vunyengwe kuli Shukulu Kalunga, omwo a vyuma evi vya vunyengwe akeo Shukulu Kalunga Njambi yeni alinakushekela miyati ije kuvatundisa mu lifuti omo yeni mulinakuya kulutwe.

Yoshwa 21:43

Ngecivene, Shukulu Kalunga waanene vaIsalele livu lyoshe lije lyalikumiiye na vakukulwila vavo ngeci akavanalyo. Omo valitambwile, co vatungilemo.

Yoshwa 3:10

Co mukazivuka ngeci Njambi wakuyoya ali akati keni ngwe omo mulinakuya kulutwe, mwa vushunga vene ikeye akasheka vaKanana, na vaHiti, na vaHivi, na vaPelezi, na vaNgilengashi, na vaAmoli, na vaNjevushi.

Maako 10:6

Co lalo vaIsalele valingile vuvi ku mesho a Shukulu Kalunga akulemesa Mbale, na Asitalete, vinjambi va Silya, na Sindone, na Mowavi, na Amoni, na Filisitiya. Valikelele kulemesa Shukulu Kalunga nakujeneka kumupangela.

Maako 11:23

Ngecivene, Shukulu Kalunga, Njambi ya Isalele, ikeye washekele vaAmoli mu lifuti lyavo omwo vanu vendi vaIsalele.

Maako 2:1

Co kangelo ka Shukulu Kalunga watundile ku Ngilingale walamatele ku Mbokime, wendekele kuli vaIsalele ngwendi, “Yange njakamitundisile ku Ingito, njaminenele mu lifuti lino njakulaesele vakukulwila veni. Co njendekele ngwange, ‘Kunjikapokola cikumiiyo cange neni.

Lute 1:15

Ngecivene, Naumi wendekele kuli ikeye ngwendi, “Munange, munyanyoko neluka kuli vavushoko vwendi, na kuli vinjambi vendi. Co nove lalo iluka kwimbo lyeni.”