Maako 11:18 - Livulu lya Shukulu Kalunga

¹⁸ Co vatuvakanene mu mambo, vaile nakulizenga mu lifuti lya Endome na mu lifuti lya Mowavi, noo vezile ku mutambela wa mu ngangela ya Mowavi, ku mutambela ukwavo wa Ndonga ya Alenone. Co vatungile cilombo cavo kuje, oloni kuvajavukile Alenone omwo ikeyo yapwile nginga ya Mowavi.

Maako 11:18 Iomraidhean Croise

Kulava 20:22

Mbunga yoshe ya Isalele vatundile ku Kandeshe, vetele ku Munkinda wa Hole.

Kulava 22:36

Omo Mbalake wazivile ngeci Mbalame alinakwija, co waile nakukaliwana nendi ku Ale, nganda ije yakele ku Ndonga ya Alenone ku nginga ya vaMowavi.

Kwituluka mu Mashiko 2:18

‘Ku litangwa lya lelo mulinakwita ku nginga ya lifuti lya Mowavi ku ngila yakwita ku Ale.

Kwituluka mu Mashiko 2:24

“Co Shukulu Kalunga wendekele kuli yetu ngwendi, ‘Ololo katukeni mujavuke Ndonga ya Alenone. Kengeni, Mwene Sihone wa vaAmoli wa ku Heshevone, njinamwaka mu mavoko eni amo na lifuti lyendi. Mulwiseni, ngeci mukatambule lifuti lyendi.

Kwituluka mu Mashiko 2:9

Co Shukulu Kalunga wendekele nange ngwendi, ‘Kesi mukayandese vaMowavi embwe nambe kuvalwisa. Kunjikamyana lifuti lyavo kupwa vushwana vweni embwe, nambe mutambela umo, omwo njanene laja nganda ya Ale kuli vatekulwila va Lote kupwa vushwana vwavo.’ ”