Maako 10:6 - Livulu lya Shukulu Kalunga

⁶ Co lalo vaIsalele valingile vuvi ku mesho a Shukulu Kalunga akulemesa Mbale, na Asitalete, vinjambi va Silya, na Sindone, na Mowavi, na Amoni, na Filisitiya. Valikelele kulemesa Shukulu Kalunga nakujeneka kumupangela.

Maako 10:6 Iomraidhean Croise

1 Vimyene 11:33

Njilinakulinga eci omwo Solomoni nanjivyana, co nalemesa vinjambi veka, Asitalete, njambi wa munakazi wa Sindone, na Kemoshe, njambi wavunyengwe wa Mowavi, na Moleki, njambi wa vunyengwe wa Amoni. Solomoni kanjononokele, nalingi mwamuvi, co kanyungile mashiko ange na vilongesa vyange ngwe mwalingile ishe Ndaviti.

1 Vimyene 11:5

Walemesele Asitalete, njambi wa munakazi wa Sindone, na Moleki, njambi wa vunyengwe wa Amoni.

1 Vimyene 11:7

A munkinda wa mu ngangela ya Yelusalema, Solomoni watungilileo mutambela wakulemesela Kemoshe, njambi wa vunyengwe wa Mowavi, na Moleki, njambi wa vunyengwe wa Amoni.

1 Vimyene 16:31

Kucapwile cuma cacindondo kuli ikeye kwenda mu vuvi ngwe Yelovowame, co wambatele lalo Njezevele, muna Mwene Etembale wa ku Sindone, co walemesele Mbale.

2 Vimyene 17:16

Vapokwele mashiko oshe a Shukulu Kalunga Njambi yavo, vafulile vana va vingombe va nkomba vavali va vutale nakuvalemesa, co lalo vafulile cifwa ca Ashela njambi wa munakazi, co valemesele vingongonosi, co valemesele Mbale kupwa njambi yavo.

2 Vimyene 23:13

Yosiya wasiwile mitula ije yatungile Mwene Solomoni mu ngangela ya Yelusalema, ku mbwela ya Munkinda wa Oliveta, yakulemesela tumponya twa vunyengwe, Asitalete njambi wa munakazi wa ku Sindone na Kemoshe njambi wa Mowavi na Moleki njambi wa Amoni.

2 Mizimbu 28:23

Wakombelelele vin̄ombelo ku vinjambi va vaSilya, vaje vamufungulwile. Wendekele ngwendi, “Vinjambi va vaSilya vakwasele vimyene vaSilya, ngecivene, nga njikombelela kuli vakevo, amo vakanjikwasa.” Oloni eci canenele vukalu vwakama ali ikeye na a lifuti lyendi.

Myaso 106:36

Vanu va Njambi valemesele tumponya, tuje twapwile nganjo kuli vakevo.

Isaya 23:4

Nganda ya Sindone, inashauka! Mema a kalunga na vukama vwa vinzinga vyakulova manene vinakuvyana, co vinendeka ngwavyo, “Kunjakele na vana, nalumo lwai njalelele vana va vanalume nambe va vanakazi.”

Njelemiya 2:13

omwo vanu vange vanalingi vuvi vuvali, vanatundu kuli yange, lisima lya kavwelu-vwelu lya mema akutonola, vanalicokwela masima a myanzi muje kumwasa kukendama mema.

Njelemiya 2:20

Shukulu Kalunga wa Akamwa ya Vyoshe alinakwendeka ngwendi, “Isalele, ku san̄ulu yove wanjisezele nakupokola vikumiiyo vyoshe vije vyakele akati kove nange, wavyanene kunjononoka nakunjilemesa. Oloni a malundu oshe amalaja, na mu minzinze ya miti yoshe yakutonola, walemesele vinjambi vakujeneka seo.

Njelemiya 32:23

Omo vetele mu lifuti lino, co lyapwile vufuko vwavo, oloni kuvononokele mashiko ove, nambe kuyoya ngwe ku vilongesa vyove, nacimo civalingile cai a vyuma wavashikile kulinga. Co yove wanenele vukalu vwoshe ovu ali vakevo.

Ezekiyele 27:16

Vanu va ku Silya valandulwile nove, omwo wakele na vyuma vyavingi. Valandakanene emalinde, na vinanga vyakuvenguluka, na vinanga vyakushelasana, na vinanga vyavivwa vya linyu, na kolale, na lumbi, mukulanda vufuko vwove.

Kwituluka mu Mashiko 13:6

“Nga ndolome yove, nambe munove wa munalume, nambe munove wa munakazi, nambe munakazi wove iwazema, nambe musamba wove wa a mbunge akushongangeya ngeci mulemese vinjambi veka, vaje yeni na vakukulwila veni kumwalemesele.

Kwituluka mu Mashiko 13:8

Kesi mukamutave amisindiye nambe kumutolilila embwe. Kesi mukamutetele nambe kumuzivila mema ku mbunge embwe, co kesi mukamwamene embwe.

Kwituluka mu Mashiko 31:16

Co Shukulu Kalunga wendekele kuli Mosesa ngwendi, “Ololo ukatsa, co omo unatsi laja, vanu vakajeneka kunjononoka, co vakapokola cikumiiyo cije njalikumiiye navo. Vakanjiseza nakulemesa vinjambi va mu lifuti lije livakakovela.

Kwituluka mu Mashiko 31:17

Omo evi vinalingiwa, co njikaluvala navo manene nakuvaseza, co vakavanyongesa. Tuyando twakama tukavawana, asinoni vakananguka vyuma evi vikalingiwa, co vakazivuka ngwavo, Njambi waiho akati kavo, ngeci tuyando otu tunete ali vakevo.

Kwituluka mu Mashiko 32:15

“Vanu va Shukulu Kalunga, vafukile, valile manene nakukuta, oloni vevalele Njambi Ishamatanga wavo, vavyanene muyoyesi wavo muka-nzili.

Yoshwa 13:31

Kukumbasanako litambelo lya Ngilyande, amo na Ashetalote, na Endeleyi, mitwe ya vinganda vya vumwene vwa Onge wa ku Mbashane. Vyoshe evi Mosesa wavyanene ku naanga ya Makile muna Manase.

Maako 10:5

Njaile watsile, co vamutsindile ku Kamone.

Maako 11:24

Co mushaka kutambula mutambela wavo ndi? Wasa kunyunga vyoshe vije vyanakwana njambi yove Kemoshe. Co yetu lalo tunyunga vyuma vyoshe vije vyanatwana Shukulu Kalunga Njambi yetu.

Maako 13:1

Co vaIsalele valingile lalo vuvi ku mesho a Shukulu Kalunga, co Shukulu Kalunga wavakundikile ku mavoko a vaFilisitiya ngeci vavashwane myaka 40.

Maako 16:23

Co vimyene va vaFilisitiya vakungulukilile amo ku ciwano cakulisamba nakukombelela n̄ombelo yakama kuli njambi yavo Ndangone. Co vembile mwaso ngwavo, “Njambi yetu nakundika citozi cetu Samusoni ku mavoko etu!”

Maako 3:7

Co vanu vaIsalele valingile vuvi ku mesho a Shukulu Kalunga, vevalele Shukulu Kalunga Njambi yavo, nakulemesa tumponya twa vaMbale na Ashela.

Maako 4:1

Munima ya kutsa kwa Ehunde, vanu va Isalele valingile lalo vuvi ku mesho a Shukulu Kalunga.

Maako 6:1

Co lalo vanu va Isalele valingile vuvi ku mesho a Shukulu Kalunga, ngecivene, Shukulu Kalunga wavakundikile ku mavoko a vaMindyani vaje vavashwanene myaka itanu na ivali.

Maako 8:33

Co munima ya kutsa kwa Ngilyone, vanu va Isalele kuvakulaelele lalo kuli Njambi, oloni valemesele Mbale. Co vatengulwile Mbale kupwa njambi yavo,

1 Samwele 5:2

vacitwalele mu njuvo ya njambi yavo Ndangone, co vacakele muyehi na Ndangone.