Maako 1:7 - Livulu lya Shukulu Kalunga

⁷ Co Andonimbezeki wendekele ngwendi, “Vimyene vakupwa 70 njavavatozwele manyetete a ku mavoko na ku mendi, vakevo vakele nakunona-nona vungululu vwa vyakulya mwisi ya mesa yange. Co ololo Njambi nanjilingi ngwe muje munjavalingile yange.” Co vamutwalele ku Yelusalema kuje kwakatsililile.

Maako 1:7 Iomraidhean Croise

1 Vimyene 21:19

Muleke ngwove yange, Kalunga, njendeka kuli ikeye ngwange, ‘Kuma omo unatsii munu, co ulyambatela na vufuko vwendi lalo ndi?’ Muleke ngwove evi vikevyo njinendeka yange ngwange, ‘Mu mwela umolika vene uvanakacwila tutali maninga a Navote mukemwo lalo vakakacwila maninga ove!’ ”

Kutuuka 29:20

Asinoni mutsiye nakwambatako maninga amo, co akwite ku shongo ya litwi lya Alone lya ku cilyo na vana vendi lalo, na ku manyetete a ku cilyo ca mavoko avo, co na ku manyetete a ku manasha a ku cilyo cavo. Co aje maninga anasalao ashamwine ku mitambela yoshe iwana ya mutula.

Isaya 33:1

Vitozi vetu vanavindama! Vanevi nakwenda vungungu, nameme kukwesi umo navevila nambe kuvenda vungungu. Oloni simbu yavo yakwiva nakwenda vungungu ikahwa, co navo lao vakavevila nakuvenda vungungu.

Zefaniya 3:19

Simbu ilinakwija! Njikanyanyamesa vaka-kumiyandesa, co njikapatula vilema voshe nakwilwisa vinzinda voshe kwimbo, co njikatengulula shwamwa yavo kupwa kasingimiko, na vaka-kaye voshe vakavashangazala.

Loma 2:15

Cifwa cavo cimwesa ngeci vije Lishiko livashika vanacisoneka mu vimbunge vyavo. Co lalo citaku-taku cavo civamwesa ngeci cuma eci cinapu ca vushunga, omwo visimbu vimo viyongola vyavo vivahisa, co visimbu vikwavo vivaamena.

Yakomba 2:13

Omwo Njambi kakasholola kutetela kwendi omo asompa munu uje kesi kutetela vakwavo, oloni kutetela kukekwo kwakama kutuvakana kusompa.

Kujombolola 13:10

Woshe uje vatwala ku vunzinda, mwa vushunga vene akaya ku vunzinda, woshe uje vakatsiya na moko ya mukwale, mwa vushunga vene akatsa na moko ya mukwale. Aa akeo vene anapande lukakateya nakukulaela kuli vanu va Njambi.”

Kujombolola 16:6

Vetilile maninga a vanu va Njambi naa a vaka-kwimanena, ngecivene, unavana maninga ngeci vanwe. Valinakutambula vije vinavapande.”

Maako 1:6

Co watewele, oloni vamushekele, co vamukwatele, nakumuvatozola manyetete a ku mavoko, na ku mendi.

Maako 9:24

Co eci calingiwile ngacije ngeci Avimeleke na vanu vaje va ku Shekeme, vaje vamushongangeyeye kutsiya vana va Ngilyone vakupwa 70, ngeci vase kufweta mulonga wavo.

Maako 9:57

Co Njambi lalo wamwesele vanu va ku Shekeme tuyando omwo vuvi vwavo, ngwe Yotame muna Ngilyone wendekele ngeci mukemwo vene muvakafwa omwo wavasingile.

1 Samwele 15:33

Samwele wendekele ngwendi, “Ngwe omo mukwale wove unalingisa vanakazi kujeneka kukala na vana, ngeci na vanyoko lalo kuvakakala na mwana.” Co wavatozwele Angange vipuka-vipuka kulutwe lwa mutula mu Ngilingale.